ياعيوني ماقلتي من الريدة تبتي

شنو الوداكي تاني وجابك لي تبكي

**

نسيتي زمن دموعك وبحسنه إنبهرتي

أغراك بعيونو وبي لهجو وحنينو

ما قايلاه بظلم وترجعي تاني تبكي

**

قدر ما أوصي فيك وأزيدك في الوصية

أوعي كفاي عذاب وماتزيدي العليا

تجيني حزينة باكية وشايلة معاك أسية

ايه أعمل معاك ياعيني إنتي

**

أقول ليك ياحنينة الله عليك وليك

من ظلم البظلمه يوم ماحسو بيك

الجازاك أميرك وبقي دمعك سميرك

الريدة في دروبها ومسكينة انغلبتي



القسم :

كمال ترباس

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.