تعد اغنية القمر بوبا هي من اجمل الاغاني التي تغني بها فنان افريقيا الاول الفنان الراحل محمد وردي..ويظهر في هذا الفيديو الفنان محمد وردي وهو يتغني بهذه الاغنية وسط تفاعل وتصفيق حار من قبل الجمهور الحاضر…وكما هو معروف فان هذه الاغنية من كلمات الشاعر الكبير اسماعيل حسن ومن الحان الفنان محمد وردي…
يقول الشاعر اسماعيل حسن في هذه الاغنية:
الصغيرة شجيرة الأراك ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل ************ العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل ************ الصغيرون الما كبير الرقيبة قزازة عصير السنون براقن يشين العيون متل الفناجين مابتحش قشة تناقير مابتشيل جردل على الزير الزراب فوقا تقول حرير شتتي شبال يامضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل ************ الجزير ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سالمة يا غرق يا جيت حازمة القمر بوبا عليك تقيل ************ القديما قديما الحمام الوزين في موجو عام يا مرايقة قليلة كلام وا حلاتا تقول السلام القمر بوبا عليك تقيل ************ الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم القمر بوبا عليك تقيل ************ الصغيرون ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة أمها كان دستا وآ هلاكي النار شافتا معذباني أنا ود حلتا القمر بوبا عليك تقيل ************ الدفيفيق الدابو ني البسيمتو بتكويني كي اهلو ضنو عليها وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل ************ الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل ************ بحر الدمير العض ونزل مرة يسقي الفل والنخل فيهو عام وزينا وقدل ياهنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل ************ المبارك شيخ الضهر العليك ساسكت وفتر قلي جنيت ولا دستر وآي أنا المرضان مكنتر جابو لي حكيم خير وشر قلي يا زول مرضك كتر سببك ام شلاخا خضر القمر بوبا عليك تقيل



القسم :

اغاني

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.