دابي السار الرسى فوق الدرب القسا

مرقو التور والنحاس على البارود والرصاص

مرق الدود للدواس تيران شتكيت ليها راس

فحل القوق في السباع صيتك ال للبرنو شاع

لاك سديس لاك رباع كلس يا اب نايبا ضراع

فوق ابواتي انا بجر حديثا صح مو فشر

ابوداؤود صافي حر ركيزة العادم البصر

تغني ليك جدية الزرع ليك يا المابتنخدع

يوم السيف والدرع سريع الكف للصقع

تغني ليك جدية التمام نمر الصاقعة ام لحام

وكتين خرب الكلام يخوجل شايل اب قيام

تغني ليك الفوق في العبك ويا خيري اشكرك

عمر حلال للشبك بدخل ام بارودا عبك

الليل بجيب شتمي واجلدو ولي اخواني برسلو

كان هن فزو وجرو وبجز قرني واكسرو

مرقو عيالي الميرفاب يعرضو اتسومتو ما بتشردو

وكت العود دقا طبلو زي الغابات يبردو



القسم :

حسين شندي

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.