اقول اشيلك في احداق عيوني اخاف النظر يجرح يمسك
اشيلك في حشاشات قلبي جوه برضو الناس تحسك
انا وين ادسك … انا وين ادسك
اشيلك في وتر بكاي
اخاف إقروك في معاني غناي
وللا في رنة حزن لو بح صوت الناي
وإضيع سراً قايلو عندي براي
اشيلك في مدى الإحساس
إبين شوقي الأصلو ما بنقاس
واخاف إقروك في عيوني نعاس
بس قول لي انا وين ادسك من عيون الناس
اقول اشيلك في عيوني حنان
اخاف إلقو ريدك مني وين ما كان
انا والله صدقني يا إنسان
ما لاقي ليك مكان
اقول اشيلك في احداق عيوني اخاف النظر إجرح إمسك
اشيلك في حشاشات قلبي جوه وبرضو الناس تحسك
انا وين ادسك … انا وين ادسك