عارفني بريدو زاد دلو علي
انا دبت في ريدو عطف و حنية
من ريدي ازيدو و هو يقسى علي
عارف في هواهو كم انا متفاني
اتنفس ريدو و اريوهو اغاني
و القلب رهيف عايش بي حناني
كل الفي قلبي القى لسني
يهجر من كلمة و يجيك بي رواية
مرات كدا ساكت يحلالو اسايا
لو قلت اعاتبو كان تبقى حكاية
دي عيون في الريدة دايما بكايا
يرضيني بي قربو بي صدو يكاوي
يعشق في عيوني دمعات الغاوي
يومين حنية يوم هجرا كاوي
يا اخوانا حليلو يجرح و يداوي
الغرام قدري و في العيون ودري و انت ما داري
هم سبب سهري زادي في سفري و دنيتي و داري
الغرم سلطان بيسبي لو مرة
تجري احكامو حلوة او مرة
لو وهبنا امان ليك و لي سر
العمر يازول اصلو كم مرة
يسبح الهيمان في بحور ريدو
اعذب الالحان يبقى ترديدو
بين ورود الوان من حانا لي حنان
كل يوم في دول جنتو و عيدو
اشدو بانغمات ليك ليك تقديري
يا سرى الغيمات ليهو بي طيري
اصلي زول مفتون في عيون غيري
و الغرام قدري و راضي بي مصيري
يا حليلك يا اسمر ابيت لعيوني تظهر
مانعني الوصال مانعني الوصال
يا ورد الجناين النواره باين ابيت لي ما اعاين
وحرمت الحلال يا حليلك يا اسمر
تايه ما عليك لمين اشتكيك احتار عقلي فيك
وهجرانك محال
يا ناسي الليالي يا مانع وصالي صورتك شاغله بالي ومعاي في خيالي
يا حليلك يا اسمر
يا ورد الجناين النواره باين ابيت لي ما اعاين
وحرمت الحلال
ياحليلك يا اسمر ابيت لعيوني تظهر مانعني الوصال مانعني الوصال
حبيبنا المامنظور انسانا يازولنا المامنظور انسانا مالو سافر روح ما غشانا حليل الخوة الماقدر عشانا… نسانا حبيبنا عارف ريدنا هولو الليله زولنا عارف ريدنا هولو عشانوبتمشى قلوبنا ورا رحيله نسافر ليهو لي دارو ومقيله نقول فارقنا سافر يا حليله… نساهر ونشقى لو ينفع شقانا تسيل دمعاتنا بي شوقها وحنانها عشان ما يطرى ريدتنا ومنانا يذكر قلبه ايامه المعانا …كيفن صابر مستحمل قليبه الزمن نساهو ونسى اخلاص حبيبه يامعذبنا وماقادرين نسيبه نقول لابد بكرة الشوق يجيبه …وحاة الريدة ما بننساله عشرة اه يادنيا لوفي بالو مرة اتذكرنا او بس طيفنا مر كان يحليله عرف الفرقة مرة
مين يعصى أمرك ياحلو
كل شئ يرضيك نحن بنقبلو
محال يا ملاك نحن لسواك
بس ريدنا المعاك تمه وكملو
يوم ما بنقول دلك بطلو
زيدو وزيد أوع تقللو
ليك يا وديد كل ما تريد
وريدنا الشديد أخره و أولو
مهما يفيض برضه بنحملو
سيد الدلا مين البسألو
نصبر سنين لمن يلين
وصبر السنين دابو فى أولو
غالى الوصال كيفن نوصلو
خايفين نقول يمشى يقولو
يحرمنا الكلام والأبتسام
حتى السلا يمكن يبطلو
