التصنيف: محمد النصري

أبوي مسكيـن ..
فتــح باب الصبر بالديـن .. وشــال منــو
وقف في ايـد الصبـر بالسـوط
جلد في جـلد ابوي لامن مرق جلد الصبر والسـوط
وفتر من جلـد ابـوي والمــوت
عرف بي إنــو ما بيخــاف أبوي منـــو
لأنــو مصيــرو راجيهــو .. ونحــن هناك راجنــو
صغار ينتظـرو في الأحــلام .. ينــومو عشــان يشـوفو العيـش
قبل ما يشيـلو منـو قليـل .. يصيــح ديـــك الصبــاح معليــش
حلمكــم ما بيشبــع ليــش
عشــان حلم الجعــان العيـــش
وعيـــش الحلمــة ماهـــو رغيــف
ومويـــة الحلمــة ماهــا خريــف
صحينــا على حلــم تخـريــف
طشــاش الرؤيــا لاقـى الزيــف
ابوي مسكيــن ومسكينــن كتار زيــو
يبلــو من الصبــر ريقــم
صديقــم ما يفــك ضيقـم
زمــن لا فيهــو زول صاحـب
طريقـن سور الحاجــب
وهمــبت من عيـونم شــوف
ولــون في اليقيــن الخــوف
أبوي مسكيــن .. وما المسكيــن بكـون شحــاد
أبوي عفف أيــادي العفــة في الزهــاد
أبـوي كان بحتقــر شكــل القـروش ما نعمـة في الجحــاد
يعــاف اللقــمة كان اتمسحـت في الــزاد
أبـوي لا سيــد .. ولا كان للبســود عبـــاد
أبوي إنســان وسـوداني ..
طبــع من لونــو لينــا جـــواز
جنسيــاتنا كانت من عيــونو عــزاز
بطاقتنــا النشيــلا معانـا بي إعــزاز
وبصّــم .. بصـم من ريقــو في الانفـــاذ
أبوي إنســان .. ضميــرو عرف حقــوق الزات
أبــوي من قلبــو كان جخـــات
أبــوي علق جلــد مصلايتــو شان ما ضحــى في الأعيـــاد
وضبــح مأساتــو .. شان تفـــرح خلــوق الدنيــا في الميـــلاد

ﻳﺎ ﺷﻤﺎﺕ ﻛﻔﺎﻳﺔ ﺍﻟﺒﻲ
ﺟﻨﻲ ﻗﻮﺍﺳﻲ ﻣﺘﻠﻤﺎﺕ
ﺛﺎﺭﻥ ﺑﺎﻟﺘﺠﻨﻲ ﻋﻠﻲ
ﺳﺪﻥ ﺣﻠﻘﻲ ﺑﺎﻟﻌﺒﺮﺍﺕ
ﻳﺎ ﺧﻼﻱ ﻭﻳﻨﻜﻢ ﻟﻲ
ﻟﻲ ﻗﻠﺒﻲ ﺍﻟﻨﺰﻑ ﺩﻣﻌﺎﺕ
ﻳﺎﻣﺎ ﻏﻨﺎﺀ ﻗﺎﻝ ﺍﺣﻲ
ﻭﻓﺮﺣﺖ ﺑﻐﻨﺎﺀ ﺍﻟﺸﻤﺎﺕ
ﺟﺮﺍﺣﻚ ﻣﺎ ﺑﻄﻴﺐ ﺑﺎﻟﻜﻲ
ﻭﻳﺎﻣﺎ ﺍﻧﻄﺒﻖ ﻛﻴﺎﺕ
ﻣﺘﻴﻦ ﻃﻠﻢ ﺍﻻﺣﺒﻪ ﻳﺮﻭﺡ
ﺗﺸﻬﺪ ﺑﻔﻨﺎﺀ ﺍﻻﻳﺎﻡ
ﻋﺸﺎﻥ ﺯﻳﻚ ﻛﺘﻴﺮ ﻣﺠﺮﻭﺡ
ﻋﺸﺎﻥ ﺍﻟﺒﻴﻚ ﻣﻦ ﺍﻻﻡ
ﻃﻮﻝ ﻓﻲ ﺍﻟﻌﺬﺍﺏ ﻭﺍﻟﻨﻮﺡ
ﺻﺪﻥ ﻣﻨﻚ ﺍﻻﺣﻼﻡ
ﻣﺎﻗﺎﺩﺭ ﺗﻘﻮﻝ ﻭﺗﺒﻮﺡ
ﺩﻣﻮﻋﻚ ﻳﺎﻣﺎ ﻓﻴﻬﺎ ﻛﻼﻡ
ﺳﺎﻣﻌﻚ ﻓﻲ ﺟﻮﺍﻱ ﻭﺍﻟﺮﻭﺡ
ﺗﺮﺩﺩ ﻛﻞ ﺷﺊ ﺍﻗﺴﺎﻡ
ﻛﻔﺎﻙ ﻳﺎ ﻗﻠﺒﻲ ﺩﻳﻞ ﺷﻤﺎﺕ
ﺭﺍﺟﻨﻚ ﻣﺘﻴﻦ ﺗﺸﻜﻲ
ﺩﺍﻳﺮﻧﻚ ﺗﻘﺎﺳﻲ ﺍﻟﻔﺎﺕ
ﺍﻭﻋﻚ ﺗﺎﻧﻲ ﻻ ﺗﺒﻜﻲ
ﺍﺳﻜﺖ ﻭﺃﻛﺘﺐ ﺍﻟﻌﺒﺮﺍﺕ
ﻓﻲ ﺟﻮﺍﻙ ﺗﻘﻮﻝ ﻭﺍﺣﻜﻲ
ﺍﻣﺤﻲ ﺍﻟﻤﺎﺿﻲ ﺑﺎﻟﺠﺎﻳﺎﺕ
ﺑﺠﻴﻚ ﻏﺼﻦ ﺍﻟﻔﺮﺡ ﻣﺘﻜﻲ
ﺍﻭﻋﻚ ﺗﺎﻧﻲ ﺗﻨﻌﻰ ﺍﻟﻤﺎﺕ
ﻭﻟﻠﺸﻤﺎﺕ ﺗﻜﻮﻥ ﺿﺤﻜﻲ

الفنان محمد النصري في برنامج مع النصري على قناة الشروق – رمضان 2014
الحلقة الثانية 30.06.2014
زي النار حبيبي – كلمات الشاعر عاطف خيري و الحان عبدالعظيم محمود منصور و غناء الفنان محمد النصري

الفنان محمد النصري في برنامج مع النصري على قناة الشروق – رمضان 2014
الحلقة العشرين 18.07.2014
حلقة الشاعر محمد الحسن سالم حميد الجزء الثاني

في القلوب بالحيل زرعناك ..كلو زرعه وليها آفه
لانسيتي ولانسيناك..نحن آفتنا المخــــــافه
خوف غزالاتن ترمرم تاركي امنها لي زرافـــــه
بينا بين الآخره تغفل ولا تسرح في وقافه

خوفه الناس المساكين التخـــــاف من دم رعافه
ماب تورط روحا في دين في وش الدنيا وجزافه
وانتي عارفي البدخلو الخوف لامشافي ولاخلافه
ماب تعالج المطوي في الجوف مستحيل يرجع معافه

يانفس خليك في حالك عــــابره وينك وين سلافه
عــــــابره غارت قبل ذلك من عيونا مها الرصافه
يانفس ماشفتي حالك عــــــابره لامن حان قطافه
بين سبيبه الداجي حالك قمـــــره في ليله زفافه

ياسلام ياالمافي زيك لانقيصه ولا اضــــافه
مارايت فد واحدي زيـك إيدا فوق قلبه وعفافه
برجوك يوم نشر طيك لي قلوبا الله شــــــافه
وإنبهل في الداره ضيك بكم الحاضرين مسافه

ذي طويراتن يضجن في المغارب زاد هتافه
وفجأه يتبهتن يصنن لو عبر شيتن أخـــافه
اما روحي..طرت قديمه محنته وريعان جفافه
محنه العامل جريمه وينزهل بعــد إغترافه

محنه العود المسوس في بنا الارضه وتلافه
محنه شقيش مااميس تلقي ماتمه إكتشـافه
عنكبوت احزاني ينسج كمسد الافــراح لفافه
بي حلات الــروح ترفس مابي تنفك من كتافه

لحظه فيها الماضي كلو مره بي ازهاني طافه
لما كانت عابره فيهو فاقت النسام لطافه
لما كانت بي رؤؤفه خضره بالجيهتين ضفافه
واي قصه ريد اشوفا القي صورتا في غلافه

عابره كانت ليا جنه جاها طايف ربي طافه
واصبحت بين يوم وليله كالصريم واضح نشافه
ياالعذاب الغير يهمك يااقل الناس نحافه
عشان تبر في الآخره امك خل موازينك خفافه

غبتي والغنــــــــــــــا ريقو يابس
غبتي والأيـــــــــــــــام عوابس
غبتي زي غيبة النــوارس
لما تلقى المـــــــــــــــــــوج ملبك
والشتيلة قليبـــــــــــــا عـــــــــــابس

تلقى خاطر النيل مجرح فاقد الزول البآنس
وحشة الليل بى حنانو وبى حديثو الديمة هامس

كم غمام يسألني عنك .. كم مرافئ وكم مشارع
يسأل النيل ضفة ضفة .. وينا جلساتنا الروائع
وين اغانى المغربية لما يبقى الليل مو سامع

يدى إحساسنا الهوية بينا طفل الريدهو شافع
ياحليل يانع غناىا تراهو وسط الفرقة ضايع
ومين سواكى يكون ضراهو يلفى لحنو من المواجع

ﻳﺎ ﺍﻣﻲ ﺍﻟﺒﺮﻳﺪﻙ ﻳﺒﺎﺭﻙ ﻓﻰ
ﻋﻤﺮﻙ ﻳﺰﻳﺪﻙ
ﻋﺸﺎﻥ ﻳﺎ ﻳﻤﻪ ﺗﺮﺿﻰ ﻋﻠﻰ
ﻭﻟﻴﺪﻙ
** ** **
ﺕﻣﻨﻮ ﺍﻟﻤﺘﻞ ﺍﻣﻰ ﻣﺎ ﺑﻴﻌﺮﻑ
ﻳﻌﺎﺩﻯ
ﻣﻨﻮ ﺍﻟﻤﺘﻞ ﺍﻣﻰ ﺑﺴﺘﺤﻤﻞ
ﻋﻨﺎﺩﻯ
ﺻﻐﻴﺮ ﻳﻤﻪ ﻓﻮﻕ ﺣﻜﺮﻙ
ﺭﻗﺎﺩﻱ
ﻭﺍﻧﻮﻡ ﻓﻰ ﺻﺪﺭﻙ ﺍﻳﺪﻙ ﻟﻲ
ﻭﺳﺎﺩﻯ
** ** **
ﺍﻥ ﻣﺮﺿﺖ ﺍﻧﺎ ﻳﻤﻪ ﻟﻴﻠﻚ ﻣﺎ
ﺑﺘﻨﻮﻣﻲ
ﺗﺸﻴﻠﻲ ﻣﻌﺎﻱ ﻧﺺ ﺍﻟﻠﻴﻞ
ﺗﻘﻮﻣﻲ
ﺍﺷﻮﻑ ﺩﻣﻌﻚ ﻳﺘﺼﺒﺐ ﻓﻮﻕ
ﻫﺪﻭﻣﻲ
ﻭﺍﻥ ﺿﺎﻕ ﺑﻰ ﺍﻟﺤﺎﻝ
ﺗﺼﻮﻣﻲ
** ** **
ﻍ ﻟﻘﻴﺖ ﺍﻟﻌﺎﻓﻴﻪ ﺑﻬﺮﺏ ﻣﻦ
ﻳﺪﻳﻜﻲ
ﻭﺍﻫﺎﺟﺮ ﻓﻰ ﺍﻟﻤﺮﺍﺳﻴﻞ ﻣﺎ
ﺑﺠﻴﻜﻲ
ﻭﺍﺩﻗﺪﻕ ﻓﻰ ﺍﻻﺑﻮﺍﺏ ﻭﻳﺠﻮ
ﻳﺸﻜﻮﻧﻰ ﻟﻴﻜﻰ
ﻭﺍﻧﺪﺳﻪ ﻣﻦ ﺍﻟﻜﺒﺎﺭ
ﻭﺍﺗﺤﺎﺭﻯ ﻓﻴﻜﻲ
** ** **
ﺻﻐﻴﺮ ﻳﻤﻪ ﺍﻛﺮﺑﺶ ﻓﻰ
ﻭﺭﺍﻛﻲ
ﺑﻤﺴﻚ ﻓﻰ ﻃﺮﻑ ﺗﻮﺑﻚ
ﻣﻌﺎﻛﻲ
ﺗﺮﺍﻧﻲ ﻛﺒﺮﺕ ﻳﻤﻪ ﺍﻧﺎ ﻭﺩ
ﺣﺸﺎﻛﻲ
ﻳﻘﺪﺭﻧﻲ ﺍﻟﻠﻪ ﻳﻤﻪ ﻋﻠﻲ
ﺟﺰﺍﻛﻲ

جاياني بعد الليل دخل وأنا كنت راجيك الصباح
وكتين لقاك كان الأمل أشواقي أقوى من الرياح
جيتيني بعد الليل دخل
.جيتني ي نجمي الأفل والدنيا تتشايح جراح
في سكه عاقله لو غفل تبنيهو بي صاد الرماح
وأنا أقبلك من غير زعل طبع المحبين السماح
لكن معاك خضنا الوحل حنمشي كيف ونهارنا راح
…مابين عواطفي وشوقي ليك خايف متاهات الجنون
لو عقلي أختارك حقيقه بينزف القلب الحنون
لوقلبي أختارك حبيبه يوهدب العقل الظنون
جهجهتي عمري سنين معاك محتار وراك كيف أكون…
وصبحت مواسم الدنيا صيف والصيف رزاز رزاز ورهاب رهاب
وماخدرت واحه أمل لو ماهطل فوق السحاب
ساقيه نواحي ولابتقيف يسقن دموعي أنا في اليباب
لكن لو بتق عشم بيبتق الصبا والشباب…
ياساكنه مابين الضلوع في روحي جوه سواد عيني
ده أنا قلبي ملكك من زمان كل ماتجرحي نبضو حي
ماأنتي أقرب منو لي
ماطال مسكنك الفؤاد أنا ليه أوريك العلي .

يا امنا الارض الهجيرة
يا معلقة في النجيمات
يا مشعلقة من ضفيرة
يا مطرقة في الضلمات
من عتبة الليل ضريرة
ما الزمن بي طبعو حاير
لاك خلقة رب عزيرة
ختي في بالك حكاوي
وانت احبابك كتيرة
حقرة الغير ما بتساوي
نصرة اولاد العشيرة
نحن سنينا الغناوي
الليلي ليك وفي الف غيرة
نحن صنينا المصايب
الاناشيد القصايد المواويل الحسيرة
الترانيم المسادير الشعارات العزيرة
شلنا من شوف المظاليم الجماهير الغفيرة
الجاهلة محرومة وبخيرة
التقول لا حولة زالت دنيا
ومازالت بخيرة
شلنا من نار البصاير
قوة قوة العين والبصيرة
من هبوب بعد الطراوة
من سحب وعدة المطيرة
يا دا جينا يا قسي الزمن العلينا
اختفي يوم عرس الفقاري
الغنية والحق والضريرة
الا ما حارو البصاري طارو
شالو القمرة طارة
الدلاليك الرعود والطنابير المطيرة
لفحة الشبال شروق القبلي و الترقص مهيرة
يا نسمة صلي علي النبي
المن حبي لامن عرج
ما ساولو شينة ولا عوج
يا نسمة صلي علي الحبيب
رغم العوارض نجو نج
كضابة سيطان العذاب
كضابة سيطان العنج
المترفين داروها دم
دم والامة شقيش تمش
لاكنو بعد الدم فرج
اراك تبلدية واراكة
اراك ابنوسة و تميرة
اراك بحر وراك جزيرة
وراكي طيرة من الصعيد
علي كتف غيرة
ملقلي المطر البراود كفو
الطراوة بالسلامة وقيرة قيرة
وترجع الطير طيرة طيرة
الوطن يا وجه مطروح ما بشيح
ياوليد الكلمة من ما قام فصيح
ياقدر ياقسمة يا واحد صحيح
الوطنيا النسمة دايرة يستريح
والعصافير داير تغني
دايرة تبني العش نصيح
والشجر بي صمغو
طول ما الليح جريح الليح جريح

كلم بنيات الجرف وكل البنيات من طرف تتبري من بحرا غدر
اتغاب ما راع الولف صاد الاخيتين بغدر
ليك حق يعافيك الحراز واليصطفيك طرفي وعشر
يامتوك الناس العزاز نابع قليبك من حجر
ما بتنفع انت بلا الخريف الصاقعي والريح وامطر
تنزف نزيف ما يحوش قيف لا من يقولوا عليك خطر
ما ظن نخيلك هز فوق سيرت عريس نازل البحر
ما طالة موجك ما بيضوق لا يضوق الناس غير كدر
عودنلو قشكن النشف يدغي ورويسات السعف
مكسور خويطره في قحف
ترغي وتسف ملح الأسف
عودنلو والسنبر برق جنحاتو بالأشواق سحر
قاصد جريف ود شيخ يخف لي مويته من دون البحر
والليلة زي غيما رعف حين طال علي ريح السفر
يا حليلو زينا ما عرف جوز القمريتين طفر
يا دنيا يانا ربات كتف ا
رغم الفجائع لا رجف
لا قال عوارضي أبت تخف
في بألو كم تاريخ سلف
لوكأن يشيل في الموت زرف دمعات أسى وحرقه أسف
آو بالعلي الحال يعترف كان عن رسول الله وقف
كلم بنيات الجرف وكل المكاليم من طرف
هي الدنيا كلها كم حرف لمن يطول فيها الأسف
هي الدنيا كلها كم حرف لمن يطول فيها الأسف

ﻋﻠﻰ ﺻﻤﺘﻚ ﻛﺘﺒﺖ ﻏﻨﺎﻱ ﻭﻟﻮﻧﺖ ﺍﻟﺰﻣﻦ
ﺗﻐﺮﻳﺪ
ﻭﻛﻞ ﻣﺎ ﻣﺮﺕ ﺍﻻﻳﺎﻡ ﺍﻓﻴﺾ ﺍﻧﻐﺎﻡ
ﻭﺷﻮﻗﻲ ﻳﺰﻳﺪ
ﺗﺒﺎﻋﺪﻳﻨﻲ ﻭﺍﻗﺮﺏ ﻟﻴﻚ ﺗﻘﺮﺑﻲ ﻣﻨﻲ
ﻭﺍﺑﻘﻰ ﺑﻌﻴﺪ
ﻭﺍﻧﺎ ﺍﻟﻔﻲ ﺳﻜﺘﻚ ﻣﺸﻮﺍﺭ ﻣﺸﻴﺘﻮ ﻣﻊ
ﺍﻻﻣﺎﻧﻲ ﻭﺣﻴﺪ
ﻭﺭﻏﻢ ﺍﻟﻮﺟﻌﺔ ﻭﺍﻵﻫﺎﺕ ﺣﺘﻔﻀﻠﻲ ﻓﻲ
ﻏﻨﺎﻳﺎ ﻧﺸﻴﺪ
ﻭﻋﺎﺭﻑ ﻳﺎ ﺷﻘﻴﻘﺔ ﺍﻟﺮﻭﺡ ﺳﻌﺎﺩﺓ ﺍﻟﺪﻧﻴﺎ
ﻣﺎ ﺑﺎﻻﻳﺪ
ﺭﺳﻤﺖ ﻋﻠﻲ ﺟﺒﻴﻦ ﺍﻟﻠﻴﻞ ﻣﻼﻣﺤﻚ
ﺑﺎﻟﺤﺮﻭﻑ ﻭﺍﻟﻨﻮﺭ
ﻭﺧﺘﻴﺘﻚ ﻣﻜﺎﻥ ﺍﻟﻘﺎﻛﻲ ﻓﻲ ﻭﺍﺩﻱ ﺍﻟﻐﻨﺎ
ﺍﻟﻤﻤﻄﻮﺭ
ﻭﻣﺎ ﺻﺪﻗﺖ ﻻﻣﻦ ﺷﻔﺖ ﻛﻞ ﺍﻟﺪﻧﻴﺎ
ﺣﻮﻟﻲ ﺗﺪﻭﺭ
ﻭﺗﺘﺮﺍﻗﺺ ﺍﻣﺎﻧﻲ ﺍﻟﻠﻘﻴﺎ ﺯﻱ ﻓﺮﺣﺔ ﺻﺒﺎﺡ
ﺍﻟﻌﻴﺪ
ﻟﻮ ﻛﺎﻥ ﺍﻟﺰﻣﻦ ﺻﺎﻓﺎﻧﺎ ﻛﻨﺖ ﻋﺸﺎﻥ
ﺭﺿﺎﻙ ﺑﺨﺘﺎﺭ
ﻣﻜﺎﻧﺎ ﻣﺎ ﺑﺘﻄﻮﻟﻮ ﺍﻟﺮﻳﺢ ﻭﺩﺭﺑﺎ ﻣﺎ ﻣﺸﻮ
ﺍﻟﺴﻤﺎﺭ
ﻫﻨﺎﻙ ﺑﻴﻦ ﺍﻟﺨﻴﺎﻝ ﻭﺍﻟﻠﻴﻞ ﻭﻓﻴﺾ
ﺍﺣﺴﺎﺳﻨﺎ ﻭﺍﻻﺷﻌﺎﺭ
ﻭﻧﺘﻘﺎﺳﻢ ﺣﻜﺎﻭﻱ ﺍﻟﺸﻮﻕ ﻭﺗﺎﻧﻲ ﻭﺗﺎﻧﻲ
ﻧﺒﺪﺃ ﻧﻌﻴﺪ

وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طول(ت) في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو النفس يا ولدي تنشال في الايدين انا كت برسلا ليك
في لوري الخزين

يا قلبي آهاتي ما كترت خلاص
ويني وين حدو الشقا وريني وين القي الخلاص
لو باقي لي عمير وراك بقضيهو انا برضي في رجاك
خليني من وهم الظنون لا تتبع درب الهلاك
لو فيك ذرة من الشعور والله يا جدي الغزال
كان إنت قدست الصبور عزيتو يا رب الجمال
لميتو من هجر السنين سويتو في عينيك دلال
يا قلبي يا سخف القلوب العامري بالريد والحنان
ما كلو آمال تترهن ما قبلك إبليس زمان من رحمة الرب يا عنيد من الحور والجنان
انا حبي مات طفلا رضيع في مهدو قبل يصيبو شئ
إتعلم الجور و النفاق قبل الكلام قبل المشي
صور معالمو من الخداع عنوانو خون لا تختشي

حقك عليّ …واللوم عليّ كلمات القامة: السر عثمان الطيب
ألحان الأستاذ:صلاح عبد النبي
أداء المبدع :محمد النصري

حقك علي .. واللوم علي ..
طالب السماح والمعذرة ..
صفيلي قلبك بالرضا .. والعفو عند المقدرة
***
لما الحزن فاض بي ودفق .. والهم طواني واعترى
غير قصد اني جنيت عليك .. ولساني زلّ وافترى
غامرني احساس بالندم .. مسخ حياتي وكدرا
في جوفي زي سماً زعاف.. بي غفلة يكتل بالضرا
***
الغنية مارقي من الضلوع .. أوزن ربابتي واطنبرة
ملياني بالاسف العميق .. عذب ضميري وفي سرى
عينيا اكتحلت أسى .. سهراني جافاها الكرى
دمعاتة تتجمد تقيف.. حد شوفها ما فات محجرا
يا المني شان خاطر وفاك أردع هواجسي وأزجرا
واتحاشا فيك لغو الكلام .. دايما خواطرك اجبرا
***
ما البيني والبينك .. متل حن السحاب الممطرة
البينا والبين الودي ..ما عمرها انفصمت عرى
رضياني ينشف ريقها من طول الرحيل والدردرة
من دمعها النخلة ارتوت ..واتمطقت طعم الترى
رضياني تفني وتنعدم مطعونة وسط الخاصرة
تتلوى تتحرقص برق .. شق البوادي ونورة
***
يا روحي قمرية هواي .. أنا لي تقاتي بدودرا
ولفتها ومديتلها بي كفي …عيشة وسكره
لو وشوش الريح في الغصون بدد آمالها ونفرا
بي ريشة ريشة وبالصبر ..بابنيلة عشها في الضرة
***
بحق من خلق الجمال .. ورسم المحاسن صورا
انا رائي فيك نقا الوجود …قدامي انت المنضرة
سواك الله مليكة فوق عرش القليب متحكرة
ختاك بين درر العفاف ..تتلالي في التاج جوهرة
***
انا ما بنتقص حنك علي .. لا يوم مشاعرك بانكره
حفظ الجميل والامتنان .. طبع النفوس الخيرة
اصلو المشاعر ما بتدوم ..لو عايشي بالغش والكرا
والريد دروب ما ب يتمشن .. لو خطوة الزول لا ورا
***
خطواتي لا قدام عليك .. ما اتعبها السير فترا
عجلاني لو تقدر تطير ليك .. كل ما الشوق تاورة
لو تاني يوم اغلط عليك .. بي كلمة جارحي مؤثرة
إن شاء الله ..يا نور العيون .. انا جرحي لا طاب لا برا
إن شاء الله .. يا نور العيون .. أنا جرحي لا طاب لا برا

ﻻ ﻏﺸﺖ ﺍﻟﻨﺴﺎﻳﻢ ﺭﻭﺿﻨﺎ ﻻﻓﺘﺤﺖ
ﺍﺯﻫﺎﺭ
ﻻﺣﺎﻡ ﺍﻟﻔﺮﺍﺵ ﻓﻲ ﺻﺒﺎﺣﻮ ﻻ
ﻏﺎﺯﻝ ﺍﻟﻨﻮﺍﺭ
ﻻ ﻋﺎﺩﺕ ﻟﻴﺎﻟﻲ ﻏﺮﺍﻣﻨﺎ ﻻﻏﻨﺖ
ﺍﻻﻃﻴﺎﺭ
ﻭﺍ ﺧﻮﺍﻟﻲ ﺍﻳﺎﻣﻲ ﻭﺍ ﻗﺴﻮﺓ ﺍﻻﻗﺪﺍﺭ
ﻳﺎ ﺍﺣﺒﺎﺑﻲ ﻟﻴﻜﻢ ﺑﺤﻜﻲ ﺑﺤﻜﻴﻠﻜﻢ
ﻏﺮﺍﻣﻨﺎ ﺍﻟﻜﺎﻥ
ﻛﺎﻥ ﻧﻘﻌﺪ ﺳﻮﺍ ﻭ ﻧﺘﻨﺂﺟﻲ ﻛﻢ
ﻧﺴﻤﻊ ﺍﻵﺯﺍﻥ
ﻧﻮﺛﻖ ﻟﻲ ﻋﻬﻮﺩﻧﺎ ﻗﺴﻤﻨﺎ ﺍﻳﺪﻧﺎ ﻭ
ﺍﻋﻈﻢ ﺍﻹﻳﻤﺎﻥ
ﻣﺴﺘﻘﺒﻠﻨﺎ ﺷﻴﺪﻧﺎﻫﻮ ﺳﺎﺳﻮ ﻭﻓﺎﺀ
ﻭﺳﻴﺎﺟﻮ ﺣﻨﺎﻥ
ﻣﺎﻋﺎﺭﻓﻴﻦ ﺭﻫﻮﺩ ﺁﻵﻣﻨﺎ ﺟﺎﻱ
ﻭﺩﻧﺒﺮ ﺍﻻﺣﺰﺍﻥ
ﻭﺍ ﺧﻮﺍﻟﻲ ﺍﻳﺎﻣﻲ ﻳﺎ ﻗﺴﻮﺓ ﺍﻻﻗﺪﺍﺭ
ﻳﺎ ﻟﺤﻈﺎﺕ ﻋﺸﻘﻨﺎ ﺍﻟﺴﺎﻣﻲ ﻭﻳﻨﻚ
ﻳﺎ ﺻﻔﺎ
ﺍﻻﻧﻬﺎﺭ
ﻳﺎ ﺳﻌﺪ ﺷﻘﺎﻱ ﻭﺍﻵﻣﻲ ﻟﻴﺸﻦ
ﺟﻴﺘﻲ ﻏﻴﺆ
ﺍﻧﺬﺍﺭ
ﻟﻜﻦ ﺍﻻ ﻟﻲ ﻣﻴﻦ ﺍﺷﻜﻲ ﻭﺍﺣﻜﻲ
ﺍﻧﺎ
ﻗﺴﻮﺓ ﺍﻻﻗﺪﺍﺭ
ﻏﻴﺮ ﺍﻟﻠﻪ ﺍﻟﺨﻠﻖ ﺍﻳﺎﻣﻮ ﺳﺒﻌﺔ ﻟﻴﺎﻟﻲ
ﻭﺳﺒﻌﺔ
ﻧﻬﺎﺭ
ﻳﺎ ﻗﻤﺮ ﺍﻟﺒﻮﺍﺩﻱ ﺍﺣﻜﻴﻠﻚ ﻧﺠﻤﻚ
ﻭﺍﻧﺖ ﻛﻨﺘﻮ
ﺷﻬﻮﺩ
ﻛﻢ ﻧﺎﺟﻴﺖ ﻛﻤﻞ ﻟﻴﻠﻲ ﻧﺎﺯﻑ
ﻭﺍﻟﻘﻠﻴﺐ
ﻣﻮﺭﻭﺩ
ﺁﺟﻔﺎﻧﻲ ﺍﻟﺤﺒﻴﺐ ﻏﻴﺮ ﺳﺒﻪ ﺁﻩ ﻣﻦ
ﻗﺴﻮﺓ
ﺍﻟﻤﺮﻳﻮﺩ
ﻏﺎﻓﺮ ﺑﺮﺿﻲ ﻟﻲ ﻣﺤﺒﻮﺑﻲ ﻳﺴﻌﺪ
ﻳﺎﻫﻮ ﻛﻞ
ﻣﻨﺎﻱ
ﻳﺮﻓﻞ ﻓﻲ ﻧﻌﻴﻢ ﺍﻟﺪﻧﻴﺎ ﺍﻋﻴﺶ ﺍﻧﺎ
ﻓﻲ ﻣﺤﻴﻂ
ﻣﺂﺳﻲ
ﻣﺎ ﻳﻬﻤﻚ ﺍﻟﻌﺸﻴﺶ ﺍﻟﺒﺪﺭﻱ ﻳﻮﻣﻮ
ﺍﻟﺸﺎﻟﺘﻮ
ﺍﻟﻬﺒﺒﺎﻱ
ﻫﺎﻳﻢ ﻛﻞ ﻋﺰﺍﻱ ﻃﻤﺒﻮﺭﻱ ﺍﻟﻬﺠﻮ
ﻟﻠﺠﻤﺎﻝ
ﻏﻨﺎﻱ
ﻭﻳﺎﻣﺎ ﻓﻲ ﺍﻟﻐﺮﺍﻡ ﻓﻲ ﻣﻈﺎﻟﻤﻪ
ﻣﺤﺮﻭﻣﻴﻦ
ﻭﻣﺎﻧﻲ ﺑﺮﺍﻱ

محمد ود النصري وما ادراك ما محمد ود النصري

الصوت الذي يجبر كل من يسمعه

لان يعيد سمعه مره اخرى ومرات اخريات

اجمع الكل على انه فنان قل ان تجد مثله جميل

بصوته وباختاره لكلماته

فوجد لنفسه متسع من الجمهور والاذن المستمعه

في اوساط السودان المختلفه بكل هوياتيه

عن نفسي لم اسمع صوت اندى من صوته ولا اجمل

ويكفيه شرفا ان الاستاذ محمد وردي سماه فنان

والمعروف عن وردي انه لا يجامل حتى ابنه

فكل من لم يسمع محمد النصري

عليه ان يرجع ويسمعه ويعود الي ان لم يعجبه ..

الطمبور له نقهه خاصه بين انامل وريشة ود النصري

والكلمه المنتقاه نفسها لها طعم ورائحه ذكيه

والرجل ليست كغيره يعتمد على استرجاع جرة اغاني غيره

بل يمكننا ان نقول انه بنى لنفسه مملكه من الجمال والاناقه

فاستحق كل كلمه تقال عنه

وكلمة انه فنان فريد نادر بين جيله