التصنيف: عافية حسن

احلى غرام…واجمل هوى
لا عمرو فات ..ولا لحظه مات….ولا انتصر

احلى غرام …واجمل هوى …غرامــــــــــــــى
احلى غرام يا منيتى…كان لى امل كان دنيتى
انا من سنين راجيك تجى … تملى حياتى ووحدتى

قلبى اتولد يحمل هواك
خطا هنا خفقات معـــاك
لا يوم سلاك لا قال نساك
ولا لاجأ فى الاحلام سواك
هدهدتو بى حبك سنـــيـــن
ورويتو بالشوق والحنين
سلمتو ليك وانت الامـــين
على عهد حبى وعشرتى

فى ليله ضاويه تفسض هنأ…توجنا ريدنا وحبنا
يا فرحنا…يا بهجنا..بعش السعاده تضمنـــــــــــا

بحسب ليك في الايام
عشان ترجع تعود قوام
حبيبي الدنيا دار فرقة
وما معروفة لي قدام
**
بحسب ليك من يوم فتا
اريت يوم داك مافتا
وحشت الكون وراك كلو
معاك كل الوجود شلتا
والازهار شحب لونا
حتي الصفق حتا
والايام بدل تسرع
تقول بس واقفة في حتة
حتي البيت كساه ضلام
**
بحسب ليك وأعد الفات
واغلط في العدد مرات
وارجع تاني من اول
واشيل الهم من الباقيات
خلاص ماعدت اصلو اطيق
بعادك حتي لو لحظات
وماعاد لي صبر تاني
عشان اصبر علي الجايات
فضلت اعيش علي الاحلام
**
لما تعود حاشرح ليك
عن كل لحظة في غيابك
وانت متين تعود تاني
وهسع رحت يادابك
والزمن القبيل شالك
اريت لو حن ورجع جابك
عارف وبرضي بطمن
متين ياسيدي هو إيابك
تعبت خلاص من الآلام

نجوم الليل الدارية بحالي
وين الغالي الشاغل بالي
وين يا نجوم ياضاوية سمانا
زولا كان بالحيل بطرانا
شايل النوم ومعاهو هنانا
قال الجار بدورو رمانا
نحنا الريد شلناهو امانة
رغم البين الزاد في شقانا
دنيا الناس مترامي حنانا
ونحنا الهم يانجوم هدانا
مهما طال في بعادو اذانا
بكرة بحن لابد للقانا
تبقي الدار بالفال مزدانه
ما دام الغاب عاد لي احضانا