التصنيف: نادر خضر

يا غيمة تظلل كل سمانا و نغمة جميلة بتحيا معانا
بداية الخير الشرف و جانا و نعمة من الله ملت دنيانا

يا منابع الريد الجوه محكر ريحة المطر الما بتاخر
كل الورد الفتح و ازهر و نحن معاك احلامنا بتكبر

يا صباح العيد القرب لينا جمال تاجوج الحلوه و حنينه
يا باقي الأمل العايش فينا بسمة تفرح دنيا حزينه

إنتي القمر الكامل طل شعاع النور الساطع هل
لوحة شوق فنان إتجل و رسم النسمة الجات من الله
إنتي يا تاجوج…………

اندب حظي أم امالى دهري قصدني مالو ومالي

شوف الخيره يارمالى أظن كاتبني عند عمالي
عارض يعترض اعمالى أبنى وأملى ما تمالي

لا تقول ضعت من اهمالى أنا عامل الحزم رأس مالي
بس ايامى ما باسمالى همومي الزايدة متقاسمالى

بين الناس حميدة افعالى أصلى من الجناب العالي
حبك وحبي مانافعالى يوم ينعوني لا تنعالى

قلبي المن الوساوس خالي اليوم انشغل ياخالى
لو كان في اللحد ادخالى أحلى من العذاب ياخالى

دوام آيات محاسنك تالي زيد في هجري لا ترتالى
مقسم عن هواك ما سالى طرفك بالهلاك أفتى لي

حبك كاتمه زاد انحالى من فرطه الدموع فاضحالى
الشاقنى و مغير حالي حسنك واللهيج الحالي

هاك شكواي لو تصغالى العدو حن لي رقا لى
سهران والدموع راشقالى و حياة حبي ليك يا غالى

السمحة يانوارة فريقنا ياالعسل يا النشفت ريقنا
زى الهلال حاجبك مدور دا جمال طبيعة ماجمال مزور
السمحة يادهب الخزائن بتشبهى الموز الفى الجنايان
تهمونى بيك انا قالو خائن انا ماسرقت انا جيت اعاين
من بعيد بى عينى شايف انا من عيونك قلبى خايف
وصف حسنك يصعب عليا يا ام جمالا ادهش الثريا
من غرامك انا ناري حية من فريقنا جاتنى الازية

شال هم فرقتك قلبي …
معاك ياريتو كااااان يرحل ….
وانا الخايف من الاقدار …
اتوه في دروبا ماااا اوصل …
و جنبك …
ومشتهيك ياعيون …
وكيف لما الفراق يحصل …
ان شاء الله ماااااا يحصل…

وكيف كيف …كيف كيف …
لما الفراااااق يحصل …
ان شاءالله ماااااااا يحصل ….

بريدك ياشقا الايام ….
كان بيك الحبيب يسعد …
واسهر نجمي عز الليل….
بعد روح صباحك جد …
وابكي معاي عيون احباب ….
عشان اسف الدموع يشهد …
ماكان الفراق منيه ….
ولافرقة عيونك وعد …

وكيف كيف …كيف كيف …
لما الفراااااق يحصل …
ان شاءالله ماااااااا يحصل ….

مجبور قلبي يتعلم ….
بعد ولف عليك يقسى ….
عشان لو لحظه تنساك ….
عيون ماتعلمت تنسى….
انا الفارقت مرساك….
قبل اشواقي ماترسى….
واصابح بكره كيف العيد ….
وعايش فرقتك هسى …
معقول قلبي بس يقسى …
وعايش فرقتك هسى …
وكيف كيف …كيف كيف …
لما الفراااااق يحصل …
ان شاءالله ماااااااا يحصل

صباح النور عليك يازهور
صباحك يوم يقاس بدهور

يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور

****

زاهر طاهر ما المغرور
عليه جناح الرضا مفرور
صباحه سعادة وكلو سرور
جماله يغني عليه سرور

****

نظرتك جالس بين خدور
بدري حداك أنكسفوا بدور
تفوق نيشان ممتاز في صدور
العظما ء المثلوا أعظم دور

****

جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور

****

يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور

****

فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور

****

أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

الفنان الراحل نادر خضر- كيف تفارق
كلمات دكتور الفاتح حمدتو — الحان نادر خضر
برنامج ليالي الطرب — تقديم نسرين سوركتي

الليلة جيت شايل الفرح
قصدك تعوضني الفات
اديتني حنية عيون
ما لقيتها في اقرب صلات
اديتني احساس بعمر
حاضنو الربيع ونسايمو جات
يوم كنا في جلستنا ديك
نحكي ونعيد الزكريات

ما تشيل مع الحنية هم
وتخاف من الايام تدور
وتخاف يغيرني الزمن
واعبر بدون عينيك بحور
انا روح بتعرف عزتك
زيك كمان صادق شعور
وانا بيك منورة دنيتي
ذي ليلة هالي عليها نور

خليتني ليه عشت الشقى
قبال اعرفك من زمان
كم مرة لاقيتك انا
ولمحت ليك بالريد كمان
من بدري ليه ما قلت لي
انا قلبي ليك مليان حنان
وبالريد كمان صارحتني
يوم كان بيتوهني الزمان

قول الصدق  ..  نادر خضر

ولقينا في دنيا العيون يا أغلى من النور غنا
سافرنا في دنيا العييييييون يا اصبا من النور غنا

فوق من رشاقة وأمسيات باقات أنيقة ملونة
الحان طروبة وشوشات أحرف موسيقى ودندنة
مالت قلوبنا عليك حنااااان تسلم عيونك ذوبتنا
   
أنساك أنت أنت بتتنسي
ما أنت روحنا وحبنااااا
سافرنا في عينيك ولسة.. قلوبنا بيك متجننة
   
طار المسا والكون صبح عشاق جمال اتاملوا
كل الحروف الفي الخيال بي لهفة جات وما غلوا
حتى القمر حلولو النجوم… اتلفو فيك أتغزلوا

قالوا الجمال يا غالي بيك كانت نهايتو و أولو
نحنا في هواك يا غاااااالي لا.. لا في بعاد لا بنحملوا
اصلو المحبين الحناااان.. لا بنسوا لا بتحولوا
   
انسااااااااك.. أنت انت بتتنسي
انساااااااااك.. يا غالي أنتا بتتنسي
ما أنت روحنا وحبنا.. سافرنا في عينيك ولسة.. قلوبنا بيك متجننة

من الاسكلا وحلّ……قام من البلد ولّى
دمعي للثياب بلّ
********
بى داهى العذاب حلّ….وبى تذكاره بتسلى
قلبي الذاب واختلّ…..وين بدر التمام هلّ
*******
صفر ودع الوابور……حاجزين قمره أتنين دور
الوابور مرّ بالمجرور….شال ظبيا سكونو خدور
*********
جبل أوليا حبيبي غشا…..وحصل في القطينة عشا
يا قلبي الطفش وفشا…….الما آليته……… ينكفشا
********
حل زى الصقر خوى……بالبدر الدويم ضوّى
عاد لا حوله لا قوّه……حبيبي الليله في الكوه
*******
صباح الخير على ام نفلين…….أهني البيها محتفلين
سيد الحسن رب اللين…….شرف كوستى والجبلين
********
هنيئا حان وقت زهاك………الرنك احتفل ببهاك
وين الليله يا النشهاك……يا ليت كنت في جلهاك
********
يا كاكا الحبيب طلاك……بعده الزاد نفوسنا هلاك
يا ملوط حليل نزلاك……..يازمن الفراق نسلاك
*********
بقدومك كدوك أصبح…….سوقو من الكساد ارباح
انا من نياحى صرت ابح……..كأنى فى مبرك المذباح
**********
زاد من بعدك الانكال……قلبى البالهموم….. انكال
شاطري العاصمه يا ملكال…..توفيقيه صبرى انا كال
*********
شامبى أضحى بيك مسرور…..بعد المنقلا يا سرور
يا جوبا حي أنا المضرور….بعده النوم بقى لي ضرور
************
من دا الهم ما بنجى………حبيبي الليله في تونجا
يا خالق الخلق تنجا…….تركاكا….. حلت العنجا
********
سلام متنامى ما غبّ…..ما مرّ النسيم صبّ
يرضى ال للعفاف ربى….ويخدم كامل الرتبا
*********
صب يا دمعي لا تكون جاف……وياقلبى البقيت رجاف
البدر الخفا……. الانجاف…..اليوم شرف…… الرجاف

في بعدك يا غالي

في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم
*
من لمسات حنانك خلاص تمينا دور
أيام مرة خالية من طعم السرور
كل ما غنى شادي دوبني الشعور
وأقول يا ريت حبيب لو في الطيف يزور
*
لو كان التمني بينفع كل حبيب
ما كان السعادة بقت قسمة ونصيب
ولا قلوبنا الحيارى مع الايام تشيب
ولا عاش قلبي تايه في حبك غريب
*
لا تسأل مشاعرك ليه عيني بكن
يوم ودعني حسنك ولازمني الشجن
باكر يا حبيبي يعلمك الزمن
ليه دنيا المحبة للعشاق وطن