التصنيف: ندى القلعة

ندى القلعة .. شيال الحمول دخرينا

شيال الحمول دخرينا الفارس أخوك يالزينة في الفنجري بجر النم ده البضبح بقول حرم مابشيل حاشه دية دم ما بسأل بيقول بي كم ودناساً أصيلة قبيل سوداني وبيعادل الويل مساح للدموعو تسيل ويكرم ضيفو هجعة ليل الكرم المعاهو بشاشة ده العين الغزيرة رشاشه ما بميل للهوانات حاشه كذاب البدور غشاشه دمعت الخصوم يا مد يوم جابو حديثهم ليك دكيت لحصونهم دك وجيلك النصر لا شد

ندى القلعة و ابو طالب .. العنبة

مغالطنا ما مصدقنا
أسأل العنبة الرامية فوق بيتنا
خاينة يا دنيا وظالمة يا دنيا
قاسية يا دنيا وظالمة يا دنيا

العذاب ضقنا والشقا وعشنا
الله يغفر ليك من ضياع ريدنا

قلنا نتصبر لا لا ما بنقدر
قلنا الصبر قاسي والمحبة قدر

قلنا للقمرة سافري من بكرة
ختى في قلبه شتلة الذكرى

الغمام خش والمطر رش
كانت آمالنا نحيا في عشة

الزمن غدار ظلمه ما بندار
حني يا دنيا واقبلي الأعذار

رحت خليتنا تاني ما جيتنا
كان مغالطنا ما مصدقنا
أسأل العنية الرامية فوق بيتنا

فيديو .. ندي القلعة .. راجل السترة + أنا بي حسني

راجل السترة ما تفكي
لوكي القرضة وامسكي في
بيت حلال ما تخربي
لوكي المرة وامسكي في

بي الفي المافي عيشي معاه
بيت جالوص وضي شمعة
شن المرة بلا السترة
وشن الزول بلا السمعة

فقرو وعدمو ما عيبة
بعيد عن شبهه أو ريبه
في لقمةحلال صافي
ليك بيخدمه يجيبه

الغنه والروقة من الله
جوعة ولا شبع زله
قال يا الله يا رازق
ما قال يا محسنين لله

راجل العيشة ما ساهل
وين بيتلقي هو بالساهل
عدم مع حسيس بفهم
ولا بوبار مع جاهل

صلي الصبح وقام حاضر
وقال يا مهون يا ساتر
الفي جيبو ختاها
عدم الهلله وقال حاضر

اوعه الصاحبة الحاسده
عديمة فهم وما راشده
بتخرب بيتك وتخربو
وتعمل ليك ما قاصده

وما تسوقي الغلط تبعه
عايزة تهمل السبعة
تسيبك ام واولادك
والمجتمع يقول كعبه

دحين ابقي عليه عشرة
وصونية وقدري العشرة
يجازيك الله في طاعته
حسنتك تجزئ بالعشرة

فيديو .. غمض عينيك – ندى القلعة

غمض عينيك ما تعاين لي
خليني ألِم أنفاسي علي
النظرة الاولى بتجرحني
والنظرة التانية تسافر بي

مــــــــا تَعاين لي *_^

إنتَ البتسهر وما بتسهر
وأنا نازلة دموعي بتتقطر
لو جيتك أسالم تتحسر
لو جيتك أعاتب.. تتعذر
وانا بي احكامك رضيانة
اتحدى عيونك ما بقدر

أديني شوية حرية
انا ريدك قيَّد إيديا
كان إنتَ ابيت ترضى عليَّ
كدهـ إنتَ ألم مكتوب ليَّ

كدي عاين شوف زهر سوسن
غير يبسم ، ما بيعرف يحزن
وانا فيك حبيت.. حبك للفن
يا موج الشوق الما هدن
خلينا نعيش باقي عمرنا
في عشة صغيرة على المقرن
في عشة صغيرة على المقرن

فيديو: الأموال تنهمر علي راس الفنانة ندي القلعة في إحدي المناسبات

تداول نشطاء عبر موقع التواصل الإجتماعي فيديو للفنانة ندي القلعة وهي تقدم وصلة غنائية.

وقد تحصل موقع النيلين علي هذا الفيديو والذي تغني فيه ندي. ويظهر من خلال التصوير ومن خلال الشخصيات الموجودة علي الفيديو أن هذه الحفلة أقيمت خارج السودان.

وقد علق كثير من النشطاء عبر موقع التواصل الإجتماعي علي هذا المقطع والذي آثار جدلاً واسعاً نسبة للكمية الهائلة من الأموال التي وضعها احد المعجبين علي راس المطربة, وعلي الطريقة المعروفة في السودان باسم (النقطة).

من بين هذه التعليقات تعليق للناشط عبدالله يوسف والذي كتب: (ده جهل مركب !!! خلاص الدنيا بقي ما فيها فقر ولا فقراء يعني ؟؟؟؟ اين نحن اليوم من تلك الزمن الذي قيل فيه انثروا القمح على رؤوس الجبال؛ لكي لا يقال جاع طير في بلاد المسلمين)).