التصنيف: محمد وردي

غريب وحيد
فى غربتو
حيران يكفكف دمعتو
حزنان يغالب لوعتو
ويتمنى …
بس لي أوبتو
طال بيهو الحنين
فاض بيهو الشجن
واقف يردد من زمن

بالله ..
يا الطير المهاجر للوطن
زمن الخريف
تطير بسراع
تطير ما تضيع زمن
اوعك تقيف
وتواصل حلق
في الصباح
تحت المطر
وسط الرياح
وكان تعب منك جناح
فى السرعه زيد
فى بلادنا ترتاح
ضل النخيل
أريح سكن

فوت بلاد ..
سيب بلاد ..
وان جيت بلاد
وتلقى فيها النيل
بيلمع فى الضلام
زى سيف مجوهر
بالنجوم من غير نظام
تنزل هناك وتحيى
يا طير باحترام
وتقول سلام …
وتعيد سلام
على نيل بلادنا
سلام
وشباب بلادنا
سلام
ونخيل بلادنا
سلام

بالله ياطير
قبل ما تشرب تمر
على بيت صغير
من بابو
من شباكو
بيلمع الف نور
تلقى الحبيبه
بتشتغل منديل حرير
لحبيب بعيد
تقيف لديها
وتبوس ايديها
وانقل اليها وفائي ليها
وحبى الاكيد

يا شعبا تسامي للشاعر محجوب شريف
يا شعبا تسامي…..
ياهذا الهمام
تفج الدنيا ياما
و تطلع من زحامها
زي بدر التمام
تدي النخلة طولها
والغابات طبولها
والايام فصولها
والبذرة الغمام
***
قدرك عالي قدرك
ياسامي المقام
ياملهم
رماحك سناها الصدام
ام در والطوابي
في صدرك وسام
ملامح
كم تسامح
تغضب لا تلام
***همه وعبقرية
ذمة وفنجرية
ضد العنصرية
و تحلم بالسلام
***
فداك وفي حواك
يامدد الكلام
عفوك انت ورضاكا
و برنا ليك تام
و بحلم في هواك
بي حسن الختام
دينك كم علينا
منك والدينا
واجمل ما لدينا
من يوم السماية
ومن قبل الفطام
منك كل حتة
في الخاطر صبابة
جنبك نبتة نبتة
نكبر نحن يابا
نسألك انت
وانت
ورينا الاجابة
علمنا الرماية
والحجي والقراية
والمشي بي مهابة
في الضحي والظلام

أقابلك في زمن ماشي وزمن جاي وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

لو بايدى كنت طوعت الليالى
و كنت ذللت المحال
والامانى الدايرة فى دنياى ما كانت خيال
دى الارادة
ونحنا ما بنقدر نجابه المستحيل
والمقدر مابنقدر نجيب ليه بديل
اجبرتنى فى هواكم من قبيل
غصباً عنى وغصباً عنك
انت حبيتنى وهويتك
آه لو بايدنا من زمان كنت خليتنى ونسيتك
والنهاية انت عارف وانا عارف
لو بايدى كان هديت
اصلو حبى اقوى واكبر من ارادتى
وانا حاسس فى جحيم نارك سعادتى
واللهيب البكوى فى روحى فى ذاتى
هو انت قلبى دايرك حبى عارفك
فى شبابك فى صباك
فى جمالك فى وفاك
يالمسير وماك مخير
انت ياصابر وعند الله جزاك

يا أماسى الغربة..فد يوم فرحينا

شيلى دمعات الاسى.. و ما توجعينا

يا أماسى الغربة..كم فى الغربة بالآهات نقاسى

ياما وصينا المسافرين كان يلاقوا عيون مراسى

فى الهجير..يمكن تلاقيهم ضفيراتهم شماسى

يا أماسى الغربة ..شيلى جرتق عديلنا

لى تراب بلدى و سواقيها و نخيلنا..

للجزاير الواصلة خيرنا ..و فاصلة نيلنا

و للحليوة ..الفى العيون كانت تلولينا و تشيلنا

مهما طال يا شوق..فيك غيابنا و ليل رجوعنا..

و برضو راجعين للديار الحلوة ..تفرح لرجوعنا

يفرشوا الحبان رموشهم.. فوق دروبنا

و الأماسى الضايعة بتعود لرجوعنا..

عشانك بقاتل الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
وجرجار ومركوب
وجبة وسديري
وسيف سكين
يا سمح يا زين
يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين
يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين
يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين
يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية

شاهد كيف كان محمد وردي صارماً في بروفاته – بروفة شن بتقولوا

الصغيرة شجيرة الأراك .. ياقمر عشرة الفي سماك .. شاغلة روحي وقلبي المعاك
وين لقيتك لامن آباك
القمر بوبا عليك تقيل
…………….
الصغيرون الما كبير
الرقيبة قزازة عصير
السنون براقن يشيل
العيون متل الفناجيل
مابتحش قش التناقير
مابتشيل جردل على الزير
الزراق فوقا تقول حرير
شتتي الشبال يا أم ضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
……………..
القديما قديما الحمام
الويزيزين في موجو عام
ياما رايقه قليلة كلام
واااحلاتا تقول السلام
يا قمر بوبا عليك تقيل
……………..
الغزال الفوق في السلم
المحبة تزيد الألم
كل يوم اصبحلي في هم
سيسبان عودك منظم
شمعدان نفسك يا ام ختم
البرتكان نهدك مدردم
القمر بوبا عليك تقيل
……………..
الجزيري ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سايما
يا غرق يا جيت حازمة
القمر بوبا عليك تقيل
…………….
الصغيرون ام الجنا
ياكريم ربي تسلما
تبعد الشر من حلتا
جنه للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وااااهلاكي الناس شافتا
معذباني انا ود حلتا
القمر بوبا عليك تقيل
……………..
الدفيفيق الدابو ني
البسيمتو بتكويني كي
اهلو ضنو عليهو وعلي
حبك النساني والدي
ما بخليك إن بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
……………..
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
…………….
بحر الدميرة العبا ونزل
مرة يسقي الفل والنخل
فيهو عام وزينا وقدل
يانى انا البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
…………….
المبارك شيخ الظهر
العليك ساسقت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قالي يا زول مرضك كتر
سببك ام شلاخاً خضر
القمر بوبا عليك تقيل

<p style=”text-align: center;”><strong>كلمات اغنية ما تخجلي للشاعر حسن عبد الوهاب</strong>

<strong> صبرت ..</strong>
<strong> واستنيت كتير اتمنى </strong>
<strong> أمني نفسي واقول</strong>
<strong> بكرة الجنة ..</strong>
<strong> ومن بعيد ياما</strong>
<strong> من جوا قلب بدعيلك معاي</strong>
<strong> نتهنى ..</strong>
<strong> عطشتي قلبي </strong>
<strong> وكل يوم تتجملي </strong>
<strong> أديني كلمة وسامحيني</strong>
<strong> وطَوّلي</strong>
<strong> ما تخجلي ..</strong>
<strong> يالسمحة قولي ..</strong>
<strong> استعجلي ..</strong>

<strong> خلاص كبرت وليك 19سنة </strong>
<strong> عمر الزهور</strong>
<strong> عمر الغرام </strong>
<strong> عمر المنى</strong>
<strong> اتمنى يوم تجمعنا </strong>
<strong> جنات حبنا </strong>
<strong> تبقي الأميرة والبطيع قلبي أنا</strong>

<strong> ماتقولي لي</strong>
<strong> مالي ومال الحب أنا</strong>
<strong> نار الهوى الوقادة</strong>
<strong> والشوق والضنا </strong>
<strong> وحلاوة الأحلام </strong>
<strong> وآمال الهنا </strong>
<strong> إيه يجمعن غير ال 19 سنة</strong></p>

كلمات اغنية حرمت الحب والريدة

حرمت الحب والريدة
برضي ما أرضيتك
صعبان علي وحياتك
ياريت لو ماحبيت

فكري الحيرتيهو
وقلبي الودرتيهو
صوني وعدك ليهو
أوعك تخلفي بيهو

ليه صديتي يا ظالمة
واتناسيتي يا حالمة
يا زهر حياتي ربيعي
انا روحي بيكم هايمة

خليتيني في حيرة
وما راعيتي الجيرة
أنا جارك وانتي
يا جارة بهواكي رغم الغيرة

ريدتنا اتناسيتيها
والسعادة استبدلتيها
احلام وبددتيها
وظلمتي جنيتي عليها