التصنيف: حسين الصادق

ياسايق الفيات عج بي وخد سنده
بالدرب التحت تجاه ربوع هند
***
بوصيك قبل تبدأ سيرك
داك طريقك سابق الرَبْدة
منك بعيد جَبْدَة حي هند
المرام عج بي ربوع عبده
شوف سياق الفيات الليلة كيفن هاش
والشجر الكبار بقي شوفنا ليه طشاش
قول لى دحين وين ماش
فارقت الطريق إتيامن الرماش
***
شق حشا الطريق واتيمم الحلال
زفنه الكلاب مانالن إلا علال
باقيات ثواني قلال
بينك والغروب داك مشرع الشلال
***
أطوي الارض واضرع
ومن أفكارنا سيرك يا الفيات أسرع
ميل علي المشروع
لا تريع القطيع وتجفل الأدرع
***
شوف النهر مار بخشوع تفول مجسان
كما مر المنام في مقلة النعسان
جلت قدرته ما اظلم الانسان
كم ينسي الجميل كم يجحد الاحسان
***
مانفرن تقول سايق الكلام إلفه
عطشان قلت ليهن وصحت البلفه
مافيش كاس قريب قالن دون كلفه
تشرب من كفوفنا لم تتكفي

حسين الصادق – البلوم – سبارك سيتي – عيد الاضحي 2014

حسين الصادق – طعم العسل – سبارك سيتي – عيد الاضحي 2014

ﺍﻧﺎ ﻏﻴﺮ ﻫﻮﺍﻙ ﻣﺎﻟﻲ ﻏﺮﺍﻡ ﺍﻃﻤﻨﻲ .. ﺑﻌﺪ ﺍﻟﻤﺤﻨﻪ ﺍﻟﻌﺸﺘﻬﺎ ﺗﺎﻧﻲ ﺍﻟﻌﺸﻖ ﺑﻌﺪﻙ ﺣﺮﺍﺇﺍﻡ ﺍﻃﻤﻨﻲ
ﻟﻮ ﻛﺎﻥ ﺧﻴﺎﻟﻚ
ﻣﺮﻩ ﺻﻮﺭ ﻟﻴﻚ ﻛﻼﻡ
ﻟﻮ ﻣﺮﻩ ﺣﺎﺻﺮﻧﻲ ﺍﻟﺠﻨﻮﻥ
ﻫﻀﺮﺑﺘﺎ ﻓﻲ ﻋﺰ ﺍﻟﻤﻨﺎﻡ
ﺍﻧﺘﻲ ﺍﻟﺤﺒﻴﺒﻪ ﺍﻻﺻﺘﻔﻴﺘﺎ
ﻓﻴﻨﻲ ﺗﻜﺒﺮ ﻛﻞ ﻋﺎﻡ
ﺍﺣﺴﺎﺳﻲ ﺑﺘﺤﺘﺪﻱ ﺍﻟﻈﻨﻮﻥ
ﻭﺍﻟﻐﻴﺮﻩ ﻭﺍﻟﺸﻚ ﻭﺍﻟﻤﻼﻡ ﺍﻃﻤﻨﻲ
ﺑﻬﻮﺍﻙ ﻭﺑﺘﺤﺪﻱ ﺍﻟﺒﻘﻮﻝ
ﺍﻧﺎ ﻟﻲ ﻣﻴﻦ ﻏﻴﺮﻙ ﺣﺒﻴﺐ ﺍﻃﻤﻨﻲ
ﻣﺎ ﺍﻧﺘﻲ ﻗﺴﻤﻪ ﺩﻧﻴﺘﻲ
ﻭﻏﺪﺭﻱ ﺍﻟﺒﻘﻲ ﻟﻲ ﻓﻲ ﺍﻟﺘﺼﻴﺐ
ﺭﻏﻢ ﺍﻟﺤﻨﺎﻥ ﺍﻟﺪﺍﺳﻲ ﻟﻴﻚ
ﻣﻦ ﻗﺴﻮﻩ ﺍﻟﺰﻣﻦ ﺍﻟﺼﻌﻴﺐ
ﻟﻜﻦ ﻱ ﺳﺖ ﺍﻟﻘﻠﻴﺐ
ﺯﻱ ﺍﻟﺒﺸﺮ ﺑﺨﻄﺎ ﻭﺑﺼﻴﺐ ﺍﻃﻤﻨﻲ
°°°°°°°°°°°°°°° °°°°°°°°°°°°
ﺍﻧﺎ ﺑﻌﺘﺰﺭ ﻟﻮ ﻛﺎﻥ ﻇﺮﻭﻓﻲ ﻗﺴﺖ ﻋﻠﻴﻚ
ﺍﻃﻤﻨﻲ
ﻟﻮ ﻣﺮﻩ ﺍﺣﺴﺎﺱ ﺍﻟﺤﻨﺎﻥ
ﺍﻟﺸﺎﻳﻠﻮ ﻡ ﻭﺻﻠﺘﻮ ﻟﻴﻚ ﺍﻃﻤﻨﻲ
ﻭﺍﺗﻤﻨﻲ ﻳﺰﻋﻔﻨﻲ ﺍﻟﻌﻤﺮ
ﺍﺣﻴﺎ ﻭﺍﻋﻴﺶ ﺧﺪﺍﻡ ﻋﻴﻨﻴﻚ
ﻣﺎ ﺍﻟﺪﻧﻴﺎ ﻣﻦ ﻏﻴﺮﻙ ﻋﺪﻡ
ﻭﺍﻟﻔﺮﺣﻪ ﻛﻠﻬﺎ ﺑﻴﻦ ﺍﺩﻳﻚ ﺍﻃﻤﻨﻲ
ﺍﻧﺎ ﻏﻴﺮ ﻫﻮﺍﻙ ﻣﺎﻟﻲ ﻏﺮﺍﻡ ﺍﻃﻤﻨﻲ
ﻣﺴﺎﺀﮔﻢ ﻓﻞ ﯼ ﺷﭙﺎﭖ

عيد الاضحي 2014 .. حسين الصادق – اطمني – سبارك سيتي

عيد الاضحي 2014 .. حسين الصادق – ياوداد – سبارك سيتي – قناة النيل الازرق

آه من بسمتو
آآآه من رسمتو
آه من روقة دمو
آه وآه من قسوتو

………

آه أنا من جمالو
آه أنا من دلالو
لو عزالو قالو
إيه يقولوا في روعتو

……

آه أنا من قوامو
ومن رقة كلامو
بإحترامي قدامو
بقيف وأحترم كلمتو

……

آه أنا من حنينو
الساق قلبي لأنينو
شعرو السال في جبينو
حاكى الليل في سدلتو

……..

آه أنا من عيونو
ومن فلجات سنونو
صعبة العيشة دونو
دون هلتو وطلتو

……….

دا قيافة في لبسو
حلو صوتو حلو حسو
بخاف العين تمسو
والحساد يحسد نظرتو

…….

آه أنا من الشامة
هي الزادتو وسامة
بقيف محتار اماما
أقول الله ودي قسمتو

……..

أسمر نادي لونو
فريد في شباب كونو
كان الله في عونو
حسدوهو في خلقتو

……

آخر شي بقولو
مناي في النوم اطولو
الحاكى البان في طولو
في وقفتو وفي قعدتو

بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا معايا زي ضلى
لو ما جيت من زي ديل..
كان أسفاي وأسفاي وآمأساتي وآذلي.
تصور كيف يكون الحال
لو ما كنت سوداني وأهل الحارة ما أهلي
تصور كيف يكون الحال؟

حفلة ليالي دبي .. حسين الصادق| آخر العنقود

حسين الصادق .. حفل ليالى دبى 2013

قصتنا بالصدفة ابتدت وكل فصولا مسطرة ..

نغيم فاهك يا أم زين دواي…
شفاي البجبر قواي…
يا أم حبا ردف تواي…
كمل صبري وزود هواي..
رقي رقي جودي بدواي..
ظمأي بعدك وقربك رواي…
أقيم ليلي وأحسب سهاي…
يغيب عقلي وأفقد نهاي…
وفي جسمي ظاهر وهاي…
أسعفيني دنا انتهاي…

ذكرت البين ليه ياغراب…
صياحك يافراق يا خراب…
ديار أم زين كانت قراب…
غبن بانن في السراب…

البدر محيك وشعرك كليل…
يميل خصرك منه العليل…
تقل ردفك لأعضاك قليل…
قتيل حبك ودمعي الدليل…

رق جسمي وصابه انتحال…
على حبك حمل الرحال…
ومن بعدك أنا حالي حال…
يالقمرة وصالك محال…

أنا أعيد الحب من جداد…
أنا الحافظ حق الوداد…
أنا الهائم والناس شداد …
أنا اللابس توب الحداد…

أنا الكاتم السر ما حكى…
أنا الحاضن البلا ما أشتكى…
أنا الحجة بحل مشبكا …
أنا المساح دمع البكا…