التصنيف: عبد الله البعيو

تمساح جزاير الكرد
بتقضي الغرض
انت بتشيل بوقت
ما متلك ولد
*******
غني وشكريه يا أم وريداً حز
بحر الاتبراوي الساقي الرجال بالنز
العشاما بتجيك انت ليهن حد
غرضي إن ما انقضي خلي دار جعل تنهد
******
غني وشكريه يا أم ضميراً فوم
بحر الاتبراوي الشقق جبال الروم
من قومة الجهل ما قدل فوق لوم
في بربر هناك أبو البشير مفهوم
******
غني وشكريه يا شمعة القنديل
من قومة الجهل ماهو التليفه عوير
الأسد إن نتر طارد النمر والفيل
عرش يا أب كريق علي البماثلو قليل

عبد الله البعيو – قناة النيل الازرق – شباب فوق الخمسين – عيد الاضحي 2013

بخصمك بي كل عزيز .. عبدالله البعيو

بتريد اللطام اسد الكداد الزام

هزي البلد من اليمن للشام

سيفك للفقر قلام

ديم فى الدقر قال العمير مسيوم

القوى والضعيف من عينو طار النوم

الكفر النجوس ما بختوا من اللوم

حجرت الدرب خليت طيورو تحوم

الاسد النتر بى جيهة الابقار

لمولو الاورط شايلين سلاح النار

ود حبوبة قام ورتب الانصار

فى كتفية ديك كم شبعن صغار

الاعلان صدر واتلمت المخلوق

بى عينى بشوف اب رسوة طامح فوق

ان جات بالمراد واليمين مطلوق

ما كان بنشنق ود اب كريق فى السوق

الاعلان صدر واتلمت الحلال

نصبولو السلاح واتكرنف الخيال

قدر الله الحصل و الزمان ميال

منسول من ابوك ماك ود حرام دجال