التصنيف: محمد الامين

العيون النوركن بجهرا غير جمالكن مين السهرا
يا بدور القلعة وجوهرا
السيوف الحاظك تشهرا علي الفؤاد من بدري انهرا
اخفي ريدي مرة واجهرا نار غرامك ربك يقهرا
عالي صدرك لي خصرك ضرا في جوز رمان جل البرا
الخطيبة وردفك منبرا الشعور البسطل عنبرا
الصدير اعطافك فترا والنهيد باع فينا واشترا
الوضيب اقدامك سترا لقطيهو قلوبنا البعثرا
صيدة غيرك ايه الجسرا تستلم افكارنا وتأسرا
حال محاسنك مين الفسرا يا الثريا الفوق اهل الثرا
جارحة صالح كل ما يحضرا وفي مدينة الجوف ساكن الضرا
الرشيم والرشمة الخضرا زي فريع في موية منضرا
هل حبيبي نسي ام لي طرا يا ام شلوخا عشرة مسطرة
النسايم بالند عطرا ده الدفق لي دموعي ومطرا
حفلة يا ابو الحاج اتذكرا ورنة الصفارة اتفكرا
وهبة بي مزيكتو اتحكرا كم طرب افكارنا وسكرا
البدور النارت مسفرا قاصدة تشتري قلوبنا تسفرا
عبد الرحمن دمت بتظفرا بي نعيم وحظوظ متوفرا

ياريت من اول وريتنا

انك يمكن تتأخر يوم

كان غايتوا اطمنا شويه

وبحرك ياليل ماطفنا نجومه

بيقول الغايب عزره

معاه وفى غيابك ياما نشيل اللوم

مرت لحظات وكمان ساعات

طالت وحياتك منتظرين

لو وشوش صوت الريح في الباب

يسبقنا الشوق قبل العينين

ونعاين الشارع نلقاه

عايم بدموع المغلوبين

العيد الجاب الناس لينا

ما جابك يعنى نسيتنا خلاص

مع انك انت الخليتنا

نعيش الحب ذكرى و اخلاص

صبحت دمعتنا وسألتنا

كده حاول اعرف لينا خلاص

شال النوار

ظّلل بيتنا

من بهجة وعدتك

وما جيتنا وفضلنا

وحاتك منظرين

شوف وين روحتنا ودّيتنا

خوفي تنساني وتنسى الليالي
يا حبيبي أنا خايف يا ما بعدك أنسى حالي
أبقى تائه والغرام يصبح حكاية
والأماني الحلوة دي الكانت بداية
تبقى أشواك في طريقي في النهاية يا حبيبي

قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم ولمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والأنغام والعود في ايدي
بحكيلو حكايتي ويعيد ترديدي
واشكيلو بهمسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين

أقول ليها عويناتك ..
ترع لولي
بحار ياقوت
مناحات ريد حزاينيه
بغازل فيها مآساتي
وفي شرف العبور ليها
بموت واكسر شراعاتي
آه عويناتك
تقول لي غناك حزين
و أنا الواهب قصايدي الباكية
للفرحة !!
و أنا البهديها شال ريدي
و صباي .. طرحه
آه عويناتك
أقول ليها عويناتك زي سواد قدري
كحيلة….عمري من بدري
لو بقدر أسافر في بريق لحظك
و ما أرجع
تقول لي خايفاك بكرة تتوجع
أقول ليها عويناتك ديار وعدي
مسوّرة بجدار صمتك
عذابي معاك
بريدك قبل ما أعرفك
و لو بقدر …
أشيل من الزمن وقتي
بموت في لحظة
و أوهب ليك عقاب عمري
عويناتك …

العيون النوركن بجهرا غير جمالكن مين السهرا
يا بدور القلعة وجوهرا
السيوف الحاظك تشهرا علي الفؤاد من بدري انهرا
اخفي ريدي مرة واجهرا نار غرامك ربك يقهرا
عالي صدرك لي خصرك ضرا في جوز رمان جل البرا
الخطيبة وردفك منبرا الشعور البسطل عنبرا
الصدير اعطافك فترا والنهيد باع فينا واشترا
الوضيب اقدامك سترا لقطيهو قلوبنا البعثرا
صيدة غيرك ايه الجسرا تستلم افكارنا وتأسرا
حال محاسنك مين الفسرا يا الثريا الفوق اهل الثرا
جارحة صالح كل ما يحضرا وفي مدينة الجوف ساكن الضرا
الرشيم والرشمة الخضرا زي فريع في موية منضرا
هل حبيبي نسي ام لي طرا يا ام شلوخا عشرة مسطرة
النسايم بالند عطرا ده الدفق لي دموعي ومطرا
حفلة يا ابو الحاج اتذكرا ورنة الصفارة اتفكرا
وهبة بي مزيكتو اتحكرا كم طرب افكارنا وسكرا
البدور النارت مسفرا قاصدة تشتري قلوبنا تسفرا
عبد الرحمن دمت بتظفرا بي نعيم وحظوظ متوفرا

قلنا ما ممكن تسافر نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * * * * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * * * * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * * * * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

بينى بينك شوق عمر
لانام لا مد انحسر
بينى بينك
لا الشعر قادر يقولو ولا الوتر
وتقول هواي تستبعده
وضحى بيه وتفقده
ليه كلام زعل انت مابتقصده
ماقلت ليك انا
من قبل ده ساند عواطفك ساعدة
خليها تهدأ شوية مش كده
وتقول هواي تستبعده
بتقول هواي تستبعده
وتضحى بيهو وتفقده
ليه كلام زعل انت مابتقصده

شوف كم طولنا . طولنا طولنا نهواه مازلنا نهواه رغم الجور رغم الصدود عنا الصدود عنا .
يا قريب ومني بعيد متي دهري بك يجود يجود اراك وابقي سعيد ظلامي يصبح نور بقربك اتهني في قربك اتهني .
مشتاق ونار الشوق كيف ليها اقدر اطيق كيف من همومي افيق مدام وصالي عسير بعيد عن الجنه بعيد عن الجنه بعيد .
قاليه ديما احن ليه بوصاله يطن انا اليه زمن اتمني طيفه يطول يطول اتمني واتمني اتمني واتمني يدوم.
بشوف كم طولنا طولنا نهواه مازلنا نهواه رغم الجور رغم الصدود عنا

مشتاق ليك ياجميل يارائع
مشتاق ليك و معاى يوماتى
مالى على فى الدنيا حياتى
عايش في وجداني معزة
زى ما اكون غرقان فى ذاتى
شادد عصب الحس السادس
وراجى رياح العودة و اهاتى
نرجع لايامنا الحلوة
و الافرااااااااح
بيك تملأ حياتى
مشتاق ليك ياجميل يارائع
على صهوة خيل الدفا والإلفة
اجيك بشوقا ليك ما كفي
يجيني معاك الفرح الاول
ليل الحب والود والعرفه
وعطر في وجداني مشاعر ودفأ احساس مابعرف الكلفه
اصلك انت سنيني الجايه
ياريتو غناي في ريدتك أوفي………

سارحة مالك يا حبيبة
ساهية وأفكار بعيدة
بقرا فى عيونك حياتى
وعاملة مشغولة بجريدة…
بتقرى فى إيه ..كلمينى يا سلام..
مهتمة عاملة…
يعنى لازم تقرى هسه مقال..
بحاله قصة كاملة…
كم شهور مرت علينا وبينا بعد…
فرقة شاملة..
العيون رويانة تبكى.. والقلوب مشتاقة آملة
أى حاجة تمر .. بخاطرك قصة أو أخبار جديدة..
عندى ليك خبر أهم .. جايبو بأشواق شديدة..
اسمعى وطوعينى مرة
أيوة ما تخليك عنيدة
عايز أقول لك
ولا سيبك أقرى أحسن فى الجريدة
عايز أقول لك.. ليه أقول لك.. ما بقول لك
مش مخير
ساعة مرت ساعة واكتر .. والوقت روح تأخر
زى عنادك.. عايز اعاند.. لكن يظهر ما حأقدر
عايز اقول بحبك يا وحيدة..
بقرى فى عيونك حياتى
وعاملة مشغولة بجريدة…

ماهو باين فى العيون وين حنهرب منو وين
الهوى البعث الليالى العامره بى ذاد الشجون
يفتح قلوبنا ديار محبه ديار محبه ديار حياه للعائدين
مابنقاوم وكيف حنقدر وين نهرب منو وين

مافتكرت الحظ يساعد عمرى يورق من جديد
من بعد فرقتنا ديك مين كان بيفتكرك تعود
كنت بحتاج ليك بشده وانت بعيد
مافى عيشه بلاك بتبقى ومافى نشوه ومافى ريد

ده الهوى الجنبك عرفتو عاطفه ملتهبه وجنون
ويـــن حنـــهـرب مـــنو ويــن

اه ادعينا وقلنا تانى ماحانشتاق فى عمرنا
وقبل ماتمر ليله واحده بحراره الشوق غمرنا
كم كم لهينا وقلنا يمكن ندفن الحب فى سهرنا
الحياة صعبة علينا وبى اثر فقدك شعرنا
شفت كيف حبك حياتنا انت يالحبك حياتنا

وكــيف بدون حــبك نكـون
وين حــنهــرب منو ويــــن

شفت كيف حبك بيعمل يشغل الوجدان ويعذب
اه وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مره جرب

انو مايدق دقه واحده الا ويتفجر حنين
يفتح قلوبنا ديار محبه ديار حياه للعائدين

حروف اسمك
جمال الفال
وراحة البال
وهجعت زول بعد ترحال
وتنيت حلوة للشبال
ودنيتنا مشاوير وغنوتنا اللي ما بتنقال
حروف اسمك نجوم ركت على الياسمين
فرح بعين جمال حزين
اساور في ايدين طفلة بتحفظ في كتابة دين
زفاف عاشقين بعد فرقة وسط فال دعا الطيبن
حروف اسمك عقد معقود بخيط النور

وحياة ابتسامتك . . . . يا حبيبى وحياة عينيك
كل لمسة فى خيالى عن جمالك . . هى فيك
قلبى حاذرك . . ومن زمان . . سائل عليك
قبل ما أشوفك . . كنت فاكر الريد . . . مستحيل
كنت هايم . . . فى طريق خالى . . . . . طويل
ليلى . . . دون الناس كله أهات وويل
تشهد . . . . الايام ويشهد . . الليل والنحيب
عمرى كله عشت وحدى وحدى . . . كالغريب
قلبى عاشق . . ودربى ودربى خالى من حبيب
لكن . . يا حبيبى . . . من يوم ما شفتك قلبى للدنيا ابتسم
أشرقت . . . . دنياى فارق دربى . . هم
رحت القاك . . . فى منامى . . وبيك أحلم
فى انتظارك … يا حبيبى رايح ارعاك … بى حنانى
القى … فى قربك سعادتى وانسى تعذيبى .. وهوانى
يبغروا العشاق من هوانا فرحة الريد .. والامانى
يا حبيبى … عشت لى وعشت … ليك
هاك … عهدى وهات .. هات يديك
وحياة غرامى …… اهدى عمرى .. وحبى ليك

شايلك معاي واتدفأ بطيبة العيون وكتين أسير مشوار براي

وأتاتي زي رمشاً حزين بكي الصباح واتمسي بي حزنو المساء

وأبقي الوحيد زي بلبلاً فقد الجناح

هاجر جناهو علي الصقيع كاس لبوادي مشمسة

وارحل شواطي الغربة مغلوب بالرياح

وانحت حروف فوق الصخور واتحسسها

وابعث غناي مع كل آهه وكل زفرة وكل ضحكة مونسة

شان تمشي لعيونك تعيش وتونسها

وأتـخـيـلـك

وكتين اشوف أمّاً تهبهب لي عروس صندل زفاف وترقصها

وأرحل بعيد فوق شعرها زي مركبا نشوان مشي

فوق موج وشلالات مشى

وآخر المطاف فوق شط حنان مهجور زمن راح واتنسي

وزي ريس الساري الغريق غالب ليالي الشوق علي الساري اتكي

ورش الدموع في رعشة القيف البكي

ودس الانين فتق جراحات الحنين في الغربة باسها ووشوشها

وأتـذكـرك

وكتين اشوف لارنجة تتحدي الرياح عز السموم صدر الشتاء

وتمد ظلالها علي الهجير تفرح تفرِّح في الرياح وتوسوسها

يا نديمى دعك من عثرات قول
واترع الكاس تناجى الكون مثلى
تظننى ابيد العمر لهوا لا لا كلا
اذ انا جسم به البركان يغلى
سوف ياتى باسم الثقر يلوح بالامانى
ضىء عينيه بريق وغموض ومعانى
يحمل الروح اليا يزرع العطف نديا
يسكب الاهات همسا فى ثنايا اذنيا
وبها احيا وانسى ما ضنانى
حينما يبدو حبيبى فوق افق القلب يحبو
فوقه هالات نور بها الاضواء تخبو
واغاريد الامانى فى حنايايا تشب
مثل سريان الحقيقة فى مشاعرنا العميقة
مثل حلم الدهر ياتيك سريعا فى دقيقة
عندها انسى ديارى
عهده بالحب ايام ستكثر وتطول
ويح قلبى منك يا بدرى اذا حان الافول
قبل ان نحصد زرعا ماؤه قد كان دمعا
وتباريحا وشوقا وصدودا وامل
انما قلبى عنيد لا يبالى لا يمل
ينظم الحب اغانى
لا
لا
لا تسلنى
ضىء عينيه بريق وغموض ومعانى

يا حاسدين غرامنا يا قاصدين خصامنا
شوفو غيري وغير حبيبي
يادايرين تقولو وما قادرين تقولو
ايه عايزين تقولو فيا وفي حبيبي؟
قولو وقولو قال مهما تقولو قال
مارايحين تنالو مني ومن حبيبي
قلبين ضماهم غرام
اتنين دنياهم سلام
محال يحصل خصام
بيني وبين حبيبي
عهدي فيه وعهدو فيا
ريدي ليه وريدو ليا
اوصف فيه ويوصف فيا
نصبر كمان نصير شوية
نشيل أملنا نقابل اهلنا
يقولوا اهلا خلاص قبلنا
يتم منانا يفرح أملنا
ونعيش برانا نعيش في جنة

قلنا ما ممكن تسافر .. نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر

الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر

لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر

لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

أنوم الليلة ما بقدر أساهر يا منام أقدر

أشوفك . . بكرة فى الموعد

تصور . . روعة المشهد

أنوم الليل . . أنا لا يمكن

أساهر و النجوم تشهد

وعدتك قبل كده مرات .

ولسه برؤيتك . . . بحلم

مشاكل الدنيا تجبرنى . .

أخالف وعدى و أتلوم

ولوتعرفنى تعرفنى كم

بتعب بعيد عنك . . . . وأتألم

أضيع أتمنى . . . لو أقدر

وأقول . . ياريتنى اتعشم

أشوفك بكرة فى الموعد

أطاوعك يا ارداة الحب. .

وأسلم ليك ما عندى

أفضى ظروفى . . وأتفرغ

وأبادر بكرة فى و عدى

ويا يوم بكرة ما تسرع

تخفف لى نار وجدى

حنانك شوفنى مستنى

معاى أشواقى ما وحدى

أشووفك بكرة فى الموعد

أمانة الصبر ما طيب

مصير مكتوب . .

وكان لازم نحب

نعشق . . . ونجرب نلاقي السهد

وداعا يا ظلام الهم

على أبوابنا ما تعتب

ومرحب يا صباح الحب

تعال ما تبتعد . . . قرب