التصنيف: كمال ترباس

أبوى انشاء الله لي تسلم
ابوي يالطيب الانسان ويا دراق
سيوف الهم
حنين كلك سماحه وفال
وفيكا مهابة الابطال
والقلب الكبير يا يابه
فيهو براءة الاطفال
ملان حنيه يا يابه
واراده تفتت الصخره
وعامر ديمه بالإيمان
وزى الوادي فى الصحراء
تدل التائهه الطشه
وتبقى قداحه للضيفان
تعشى اللسه ما اتعشى
ابوى قادوس سواقى النيل
ونخلاتن تهش للدنيا شاربات
همبريب الليل
سديد رايك أبويا يا أب راي

ويالقلبك تملى معاي
ومهما اقول عليك من قول
ابوى ما بيوفي ليك غناي

ياعيوني ماقلتي من الريدة تبتي

شنو الوداكي تاني وجابك لي تبكي

**

نسيتي زمن دموعك وبحسنه إنبهرتي

أغراك بعيونو وبي لهجو وحنينو

ما قايلاه بظلم وترجعي تاني تبكي

**

قدر ما أوصي فيك وأزيدك في الوصية

أوعي كفاي عذاب وماتزيدي العليا

تجيني حزينة باكية وشايلة معاك أسية

ايه أعمل معاك ياعيني إنتي

**

أقول ليك ياحنينة الله عليك وليك

من ظلم البظلمه يوم ماحسو بيك

الجازاك أميرك وبقي دمعك سميرك

الريدة في دروبها ومسكينة انغلبتي

بشوف كل حاجة في الدنيا……بتمشي مع الزمن تكبر
الا الشمعة لما تدور تفارق الليل…..تكون …. اصغر
تّنزل دمعة فوق دمعة…..ودموعة الحارة…..تتقطر
وانا المجبور…..علي الشمعة اقول اطفيها..مابقدر
—
لما تنور الشمعة…. تخلي قلوبنا……….مجتمعة
ماتأذوها يوم أوعة……….عشان ماتظلم الروعة
نحنا الشمعة بنريدها…….أإصلها روعة الروعة
وعشانه الشمعة سهرانه……تحرق ليله في اللوعة
—
تغالب الشمعة..ظلم الريح…حرام تقضيه ليلها نويح
كم ضوت مع الافراح…وكم هنت حزين وجريح
ماأصلو الشمعة فنانة…..تخلي الكون جميل وفسيح
لي الليل الطويل هي دليل….ولي القلب العليل بتّريح
—
طبع الشمعة بتريح……….عشان ماتفرح الحبان
كم شالوها للحنة…….. وكم ضووها للعرسان
بعد ماكملت نورها……….مشو خلوها للأحزان
وديمة الشمعة مظلومة……ويجهل قدرها الانسان

النصيح حديدو: هي واحة من أغنيات الحماسة والتي تغني بها العديد من الفنانين
تغني بها الفنان كمال ترباس في واحدة من حلقات برنامج صور شعبية الذي كان يقدمه الراحل المقيم ؛ الطيب محمد الطيب في الثمانينات (عليه الرحمة والمغفرة)

سالونى عن حبى انكرت ما قريت شافوه متخبى فى عيون تقول ياريت
حاولت اكتب ليك وصور الاحساس وقول كلام فى الريد زى النجم والماس تعبت تعبت القى حروف ماسمعو بيها الناس سبت الكلام وبديت تانى اقول ياريت ياريت لو كان حبيبى اباح واعلان هواه صراح كان الفؤاد ارتاح وانا قولته ليه
ياريتنى اقدر ابوح وقولو ياعمرى ياعمرى انت الحبيب لروح لكنى خايف اقول ازعل منى اروح عشان كده استكفيت كفايه انى هويت لما الحنين فاض بى من الحنين غنيت ياريت

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى

بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربو ساحل لا جزر لا طوق نجا

بتخيلك لمة صغار ونسة و حجى
و قمراً طلع ضو الدساتر و مهرجا
بتخيلك في كل شي لمن ابالغ وانتشي
لما تظلمني الخطى وابا المشي

وجايى تفتش الماضى ؟

خلاص الماضى ولىَّ زمان ،

وجفت مقلتى الباكية ..

ونامت من سنين أحزان ،

وجاى تفتش الماضى ؟

**

أرجع بالزمن مرة وأتذكر حكايتى معاك ..

تلاقى القصة – جد – مره

هل راعيت شعور مضناك؟!

كلما تزيدنى فى هجرك

أقول ليك زيدنى ما أحلاك

لا شفع التوسل فيك .. ولا حرمانى يوم هماك

وجاى تفتش الماضى ؟

وجيت تترجى بالدمعات…

أسامحك أنسى أغفر ليك ؟

جفف دمعك الغالى ..

مسامحك وما عشان عينيك..

عشان تتعلم الغفران..

وتصفح لو زمن جار بيك

وحاول لو قدرت كمان

تقدر رقة الحابيك

وجاى تفتش الماضى ؟

وعزة نفسى مابيه على

أسلم قلبى ليك تانى..

سنين الهجر بيناتنا

وحاجات تانية حاميانى

ولو رجع الحنين وعاود

وليك من تانى ودانى

ولو مكتوب ليَّا تانى أحب

بحب انسان يكون تاني

لو تخاصم أو تجافي

تبقي لطبعك منافي
يا زمن ريدي الخرافي
وزول بريدك زي مافي

شلت ريدك في الحنايا
شفت فيك احلام صبايا
انت يا ريدي ومناي
حبي ليك واللهي صافي
وزول بريدك زي مافي

انت لو عارف الحقيقه
دنيا غيرك ما بطيقها
اصلي سارح في جمالك
وبهوى في عينيك بريقها
وزول بريدك زي مافي

الله يحفظ ليك جمالك
وديمه رافل في دلالك
يالبديع معدوم مثالك
وبيك تزدان القوافي
وزول بريدك زي مافي

جنا الباباي يا جنا الباباي .. مرة قبل جاي بالي في ريدك انت وينو نجاي يا

مالي بهواك وكتر هميا جنا الباباي ياجنا الباباي
انت عارف الشوق بجري في دميا جنا الباباي يا جنا الباباي
حقوا تفهمني انا ام نمي
حقوا تفهمني انا ام نمي
قصدي صورة معاك وتبقى مهتمي

جنا الباباي يا جنا الباباي
مرة قبل جاي مالي في ريدك انتا وينو نجاي يا

ليه امجد فيك وانتا ناسينيا جنا الباباي يا جنا الباباي
مالي زي ايوب ضري ماسينيا جنا الباباي يا جنا الباباي
لو عرفتا الحال ما بتكويني
لوعرفتا الحال ما بتكويني
اللي في ايدك مافي ايدينيا

جنا الباباي ياجنا الباباي
مرة قبل جاي مالي في ريدك انتا وينو نجاي يا

قلبي يحنو اليك وانتا مابتحن يا جنا الباباي يا جنا الباباي
وين ابل شكواي صبري منك ايا جنا الباباي يا جنا الباباي
راعي حرماني واخشى عامل السن
راعي حرماني واخشى عامل السن
اني ماشي كبير د بتسيبني اجن

جنا الباباي ياجنا الباباي
جنا الباباي ياجنا الباباي

الغلط منك اصلو ما مني
اصلو طول عمرك إنت ظالمني
والغريبه كمان برضو لايمني