التصنيف: اغاني واغاني

عشميق الأصم.. عليك بجر النم يا دقر الحرائق أصبحت كارف السم عشميق الأصم

شدولو ركب فوق اصهبا مو ربيك
الهوى والشرق شرفا بعاينن ليك

العاقر ديك تقول بتلدى وتسمي عليك
يا عيد الضحية البفتحولو البيت
رايو مكملو كسار قلم ماكميك

عليك بجر النم يا دقر الحرايق أصبحت كارف السم

الليله البلد اتباشرو ناسو
يا بحر المحيط مين عبرو وقاسو
بريطانيا الترك ما لينو راسو
ابا العضم الكبير كسرو وشرب ساسو

شدولو ركب فوق اصهبا حبشي
رايو مكملو وكلامو ما هبشي
هادى أديتا ألامانه متقنعه وتمشى
حايدانى الامانه ضيف الهجعه يتعشى
ما بجالس الهفوف ولدا قبيل منسي
عكليتا كبير ماكميك جنى هكسى

قومن شكرنو يا الكلكن قاعدات
دا اب صيتا طلع شال المسافر وفات
حمدالله بالسلامة يا زمام الكليات

ليك بجر النم يا دقر الحرايق اصبحت كارف السم

والله نحنّ مع الطيور..
الما بتعرف ليها خرطة
ولا فى إيدا جواز سفر
نمشى فى كل المدائن
نبنى عشنا بالغناوى
.. وننثر الأفراح .. درر
والربيع يسكن جوارنا
والسنابل تملا دارنا
والرياحين .. والمطر
*********
والحبيبة تغنى لينا
لا هموم تسكن دروبنا
.. ولا يلاقينا الخطر
*********
إلاّ باكر يا حليوة
لمـّا أولادنا السمر
يبقوا أفراحنا البنمسح بيها .. أحزان الزمن
نمشى فى كل الدروب الواسعة .. ديك
والرواكيب الصغيرة .. تبقى أكبر من مدن
إيدى فى إيدك نغنى
والله نحنّ .. مع الطيور
الما بتعرف ليها خرطة
ولا فى إيدا جواز سفر

تباريح الهوى كلمات: التجاني حاج موسى

دا الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لي أسيبك مستحيل
تبقى سيرتك هي الكلام
وتبقى صورتك هى الرؤى الحلوة البعيشا
في صحوتي أو حتى في عز المنام
ويبقى إسمك هو الغنا
هو البخفف لي عذابات الضنى
الشفتو منك يا منى الروح يا أنا
وصفو بصعب يا جميل
وبعدت عنك ولما طال بى النوى
بقى لي أسيبك مستحيل
بشكي ليكم يا مظاليم الهوى
أصلي مجروح مرتين
يمكن ألقى الزيي فيكم
ضاق جراح الحب ومتعذب سنين
ويمكن ألقى وصفة تنفع
ولا يمكن ألقى حاجة تخفف الجرح القديم ..
حاجة تشفع
دا الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لى أسيبك مستحيل