التصنيف: اسرار بابكر

انا فى شخصك بحترم أشخاص
وطبعآ عندي احترامك خاص
احترامي اليك من صميم قلبي
غير ما اشعر
اتفاني عليك والدليل حبي
تسمح تنظر
شوف دموع عيني
سايلة فى خدي
من لهيب الشوق برضو مافى خلاص
هكذا يا ظالم جزا الإخلاص
ذبت فى حبك والفؤاد مجروح
ما فضل منى شئ خلاف الروح
هكذا الاشواق تسمو بالعشاق
من ثري الاشباح لى سما الارواح
حيث تروى هناك للنجوم معناك
سابحة فى علياك طاهرة كالافلاك
انت أبهج نور من بدور الكمال
ساطعة فيك ايات من معاني الجمال
تجعل الفنان عبقريَ الخيال
لو نظم اشعار او عزف أوتار
تندهش أفكار والعقول تحتار
يا جميل ياما فى الجمال أسرار

لو بايدى كنت طوعت الليالى
و كنت ذللت المحال
والامانى الدايرة فى دنياى ما كانت خيال
دى الارادة
ونحنا ما بنقدر نجابه المستحيل
والمقدر مابنقدر نجيب ليه بديل
اجبرتنى فى هواكم من قبيل
غصباً عنى وغصباً عنك
انت حبيتنى وهويتك
آه لو بايدنا من زمان كنت خليتنى ونسيتك
والنهاية انت عارف وانا عارف
لو بايدى كان هديت
اصلو حبى اقوى واكبر من ارادتى
وانا حاسس فى جحيم نارك سعادتى
واللهيب البكوى فى روحى فى ذاتى
هو انت قلبى دايرك حبى عارفك
فى شبابك فى صباك
فى جمالك فى وفاك
يالمسير وماك مخير
انت ياصابر وعند الله جزاك

عود لينا يا ليل الفرح كلمات دكتور عبد الله محمد سليمان

عود لينا يا ليل الفرح
داوي القليب الانجرح
قول ليهو يفرح مرة يوم..
طول عمرو ناسيهو الفرح

عود لينا يا ليل الفرح

عود لينا ما تبكي العيون..
الشاربة من بحر الخجل
عود لينا ما تعذب قلوب..
مليانة بتفيض بي الامل
عود لينا قبال الخريف يرحل..
يسيب ايامنا للصيف للمحل
إمكن تفيض اشواقنا يوم
وريدي لي طيفك يصل

عود لينا يا ليل الفرح

لكن يا ليل كيفن تعود..
تتحدي ليل..
اسود ومن احل العطور..
رويان يسيل
كيفن تعود والليل بيتوسد ضفاير
حبى زى طفلا صغير شايلنو شيل
اتغنى بى حلو الاغانى
الطيبة راجيك من قبيل

عود لينا يا ليل الفرح

يخاصم يوم ويرجع يوم ويعذبنا بريده
ويتحدانا يوم يذعل تقول اقدارنا فى ايده
نقول ياريتو لو يعرف عذاب الحب وتنهيده
وبدل مانحنا بنتعاتب بنفرح يوم يعاتبنا
ونسأل عنه كان طول وما هاميه كان غبنا
حرام ترمينا للايام حنانك يا معذبنا
نلحف قلبك القاس بكل حنان مودتنا
بافراحنا وباشواقنا وبى لهفة محبتنا
بأمالنا وأشواقنا وبي لهفة محبتنا
رضينا هوانا فى حبك حرام تتناسى ريدتنا
خلاص يا قلبى كان خاصم ضميره يحاسبو خلية
تمر ايام وينسى غروره ويلقى هوانا راجية

كلمات ابراهيم الرشيد

يازمن وقف شوية
يازمن ارحم شوية
واهدي لي لحظات هنية
وبعدها شيل باقي عمري
وشيل شبابي شيل عينيا
ياعينيا
يازمن رفقا بحالي
بي حبيب عمري المثالي
بي سعاته وبي هناهو
بي سروري وانشقالي
بي احاسيسو ومشاعرو
وبي كل خاطر في بالو
يازمن وقف شوية
واهدي لي لحظات هنية
وبعدها شيل باقي عمري
شيل شبابي شيل عينيا
ياعينيا
يازمن ماتبقي قاسي
نحن حققنا المحال
انحنا هدمنا وبنينا
ونسجنا في الخيال الف حيلة
الف حيلة لي لقانا
يازمن ارحم شوية
واهدي لي لحظات هنية
وبعدها شيل باقي عمري
شيل شبابي شيل عينيا
ياعينيا
يازمن ارحم حبائب لسه في عمر الزهور
يازمن جود عليهم بي دقائق قبل ماتعدي وتمر
يملو فيها الدنيا فرحة
ونشوة من خمر السرور
يازمن وقف شوية
واهدي لي لحظات هنية
وبعدها شيل باقي عمري
شيل شبابي شيل عينيا
ياعينيا
يازمن انت جائ في النهاية
جائ وما عارف البداية
يازمن جائ تجري وانت ما عارف الحكاية
ديل حبائب عاشوا فكرة وللقائهم اسمي غاية
يازمن وقف شوية
واهدي لي لحظات هنية
وبعدهاشيل باقي عمري
شيل شبابي شيل عينيا
ياعينيا

أنا ما اتغيرتا وما اتنكرت ليك
ما نسيت الريدة وما ضنيت عليك
بس كتمت غرامي في جوه الضلوع
لما شفتك لاهي .. ما بترحم دموع
ما بتحس بالريدة والحب والخشوع
خفت لو يا لاهي عزيت ليك عتاب
وإنت خالي ولسه في زهو الشباب
أفقدك والدنيا تصبح .. لي خراب
إحتضنت عذابي والنوح والحزن
وارتضيت حرماني وأعصابي تمن
صرت أشرب دمعي وأوقات الشجن
برضي ما اتغيرت ما خليت هواك
ما فتر تقديري مهما إزداد جفاك
بس براك الجافي .. والظالم براك