التصنيف: افراح عصام

افراح عصام – من بف نفسك ياالقطار

من بف نفسك يا القطار ورزيم صدرك قلبى طار وين الحبيب
انت شلتو جيبو يا القطار
كم غربت من قريب وكم قربت من غريب
ما خليت لى نصيب غير البكا والنحيب
جوفك ياكل اللهيب وان جوفى بياكلو اللهيب
من بعده غصنى الرطيب من غير شك اصبح شحيب
كم كم كم سريت خليل وفرقت خليل من خليل
واجريت دمعى البسيل وابليت ثوب جسمى الجميل
قلبك اقوى من الحديد اجبر من قلب اليزيد
كل ما اتخيل صفير من جوفى يزداد زفير
ليت جناحى الكسير لى حبيبى يقدر يطير
يا حليل شخصو العظيم يا حليل محيو الوسيم
يا حليل قلبو الرحيم السافر سكن الدويم
تجرى شمالا يمين قلبك قط ما بلين
عيشتى عيشة السجين انا من غير خدو الاسيل
انا ما داير السفر لكن نفذ القدر
ايه سبب لى الكدر غير عجلاتك يا القطار

فيديو .. افراح عصام – بعيد الدار

لقيتك في زمن ضايع صرخة في الماضي الخرافة
جيتني من عمق المواجع من شقى سنيني و جفافا
كلما القاك وحاتك القى دي السكة البخافا
***************************
العمر ياغالي ودع لملم آلامو وجراحو
عدى بي كل المرافي وأدى للحاضر صراحو
قلبك الغلطان معاهو الله يغفر ليه ويسامحو
*****************************
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح يشقى دة العكر صفاهو
******************************
الحروف كانت تنادى همسة في الصمت اللي عابر
كنت أستجدي العواطف زي مشرد حظو عاثر
العواطف هي هي زكري مرة وجرح كاسر …

فيديو .. طه و افراح – عاجبنى الكريم

عاجبني الكريم البسند الضعفان
رباي اليتامى ومركز الضيفان

البارح صحيت بعد المساهر نام
بي عيني بشوف برق الكرم قدام
سايق الخير كتير هاطل سحاب وامام
إسند في الضعاف وبربي في الأيتام
اسمك عيسى يا قشاش دموع الهام
كم حليت كرب وفرجت أمرأً هام

غني وشكريه الليلة يالنيّة
فارساً حمره عينو زين أبو بنية
للأخوان مدفق خيرو ما شوية
إيدو تملي تدفع ما ها ملوية
عطاي بالألوف ما بدي بالمية
وإحاكم الزمن نار الكرم حية

من ما قام صغير ما بمشي في الفارغات
للجار والعشير هو الدخري في الحوبات
ستار العروض البرفع الواقعات
صاين عرضو راخص مالو للشذرات
دابي الكركرة أسد الخلا أبو عاجات
مدخور يالمشكر للبلية إن جات

غني وشكريه يا خضرة الليمون
صنديد الرجال ما بنقدر بالهون
يالحر المأصل يا دهب شيبون
يا ضو الرفاقة اللي العروض مأمون
سموك اللزوم القاطع المصنوم
قضاي الغروض اللي الفقر صابون

تمساح أدبرة الحدر ورود القيف
يا نمر الفروع في الغابة ماكا طريف
يالضل الظليل الفي هجيرة الصيف
للرايدك محنة وللمعاديك سيف
ياشدر الهنا الشايل الثمر عليق
حق الشكرة صح عيسى البتم الكيف

غنت ليك بنيتاً موجت ديسا
غنت ليك سعاد والدر وبلقيسا
بالخيل الكرم عندك وقف ميسا
ياضو القبيلة الحققوا الريسا
يوم تجي للرجال الحارة بتقيسا
الباقين نجوم إلا القمر عيسى

افراح عصام .. في الشاطئ يا حبان

فى الشاطى ياحبان ساهرتو بينا
وبين النهر والنور ساهرتو بينا
والساقيه بينا تدور
والخمر ريحو يفوح
وبراى انا الفنان
الموج يداعبنا
والحب يقربنا
والشادى يطربنا
بى عود معاهو كمان
نذكر وطنا دوام
وحده وعمل وسلام
فى كل خلاف علشان
مايقولو لينا
ياحليل ربوع شندى
بلد الجمال عندى
الفيها نغم فنى
وفى المتمه امان

فيديو .. رماز و افراح – نسانا حبيبنا

نسانا حبيبنا الما منظور ينسانا
مالو سافر روح ما غشانا
حليل الخوه الما قدَّر عشانا

نسا نا حبيبنا وعارف ريدنا هولو
عشانو بتمشى قلوبنا مع رحيلو
تسافر بينا لي دارو ومقيلو
نقول فارقنا سافر ياحليلو

نساهر ونشقى لو ينفع شقانا
تسيل دمعاتنا بي شوقا وحنانا
عشان ما يطرى ريدتنا ومنانا
يذكر قلبو ايامو المعانا

كيفن يرضى يتحمل قليبو
الزمن قساهو نسى إخلاص حبيبو
يامعذبنا ما قادرين نسيبو
نقول لابد بكره الشوق يجيبو

وحات الريده ما بننسالو عشرة
آه يا دنيا لو في بالو مره
اتذكرنا او بس طيفنا مره
كان يا حليلو عرف الفرقة مره

طول يا ليلى لي همي وأسايا
وأشهدي يا نجوم سهدي وبلايا
خلاص في حبو ضاع أملى ورجايا
بقيت وحيد نجوم الليل عزايا

افراح عصام – يا مارى عند الاصيل

يا ماري عند الأصيل
وحدك بشاطئ النيل
صدقني شكلك جميل

يا ماري أجمل مرور
بين المرح والسرور
ما بين أغاني الطيور
تسمع حفيفك زهور
مع النسيم العليل

صدقني إنك وسيم
وسيم وكلك شعور
أرق من النسيم
رشاقه وخفة روح
جبين دوام مطروح
لو شافك المجروح
يطيب ولو كان عليل

يا ماري وحدك تعال
تعال بكأس الوصال
أسقيني خمر الدلال
على مروج الظلال
وبين مجاري الزلال
أسمعني نغم الدلال
سحر الطبيعه الحلال
يزيد جمال دري

أفراح عصام .. كيف القى سيد روحي

كيف ألقى سيد روحي و راحتي و هنايا
تهوى البعاد و أنا ليك اميل رغم العوازل يا جميل
كلك جمال محبوب خصال حلو الدلال صعب الوصال
حسدوني فيك أعداء الغرام دة المستحيل يجدوا المرام
حسدوني فيك أعداء الغرام دة المستحيل يجدوا المرام

فيديو .. أفراح عصام – صوت السماء

يا صوتها
لما سرى عبر الأثير معطراً
مثل الحرير نعومةً
ونداوةً وتكسراً
مثل الصباح
طلاقةً و رشاقةً
وتخضراً
وهما حنيناً حالماً
وصبابةً وتأسراً
لما سرى
يا صوتها لما أتى
لما سرى لما أتى
وتدفقت كلماتها
دفئاً نديياً اخضراً
عبقاً يضوع برآءةً
شذاً يفوح تخضراً
يا صوتها لما سرى
لما أتى لما سرى
سكراً ولا كأساً تُرى
يا صوتها ياروعة
لحناً طبيعياً سرى
هذا الكنار مغرداً
والناى ناح تأسراً
والعندليب إذا حكى
شوقاً تدفق أبحُراً
ماذا يكون وصوتها
صوت السماء من الثرى
يا صوتها لما سرى
عبر الأثير معطراً

فيديو .. أفراح عصام – ليلتنا ليلية

حبي بيك ليلتنا ليليه
ليله كانت من جنان رضوان
ليله فيها الحظ بسم لي
والسعود حفاها بالرضوان

النجوم في سماها مدريه
بنور فوق نورها مطليه
بسمت بسمه الفرحان
اعتدال الطقس يخال لي
النسيم يمشي ويجيب لي
من روائح الورد والريحان

هي لاشك ليله قدريه
مناظرها ساكنه خمريه
حوت بهجه وحواري حسان
روائح انفاسك عطريه
هي ليله والا دريه
بعمرو يبدل الانسان

مناظر غاليه عطريه
حوت كل ايه شعريه
حوت بهجه ولطف وحنان
واشراقة طلعه قمريه
رشاقه جسمتها طريه
يجيك معنى الحرير اللان

بدت في حله دريه
زهت كزهور في زهريه
تمثل معرض الالوان
كأنها شعله نوريه
اتت في صوره سحريه
لتظهر قدره الفنان

فيديو .. افراح عصام .. الفينا مشهودة

الفينا مشهودة عارفانا المكارم انحنا بنقودا
والحارة بنخوضا
الزول بفتخر يباهي بالعندو
نحن اسياد شهامة والكرم جندو
ما في وسطنا واحداً ما انكرب زندو
البعجز يقع بيناتنا بنسندو
الحارة بنخوضا…
ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الحارة بنخوضا..
الفينا مشهودة عارفانا المكارم انحنا بنقودا
والحارة بنخوضا
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة