الوسم: ريماز ميرغني

نسانا حبيبنا الما منظور ينسانا
مالو سافر روح ما غشانا
حليل الخوه الما قدَّر عشانا

نسا نا حبيبنا وعارف ريدنا هولو
عشانو بتمشى قلوبنا مع رحيلو
تسافر بينا لي دارو ومقيلو
نقول فارقنا سافر ياحليلو

نساهر ونشقى لو ينفع شقانا
تسيل دمعاتنا بي شوقا وحنانا
عشان ما يطرى ريدتنا ومنانا
يذكر قلبو ايامو المعانا

كيفن يرضى يتحمل قليبو
الزمن قساهو نسى إخلاص حبيبو
يامعذبنا ما قادرين نسيبو
نقول لابد بكره الشوق يجيبو

وحات الريده ما بننسالو عشرة
آه يا دنيا لو في بالو مره
اتذكرنا او بس طيفنا مره
كان يا حليلو عرف الفرقة مره

طول يا ليلى لي همي وأسايا
وأشهدي يا نجوم سهدي وبلايا
خلاص في حبو ضاع أملى ورجايا
بقيت وحيد نجوم الليل عزايا

مادام العيون
دمعاتها رقراقة
ومادام البعاد
لفحاتو حراقة
ومادام إنى مشتاق
وانتى مشتاقة
أكييييد ياست غناي
باكر بنتلاقى
**
لو فى غيمة
سايقاها الرياح النو
ولو جم نجمة
نتوسد وسايد الضو
ولو بعد الخيال
والاحتمال
أو ..
لو ..
نسكن فى مقاطع بسمة براقة
أكيد يا سر غناي باكر بنتلاقى
**
ياراوية غناي واشعارى فى صمتك
و ياساجعة شقاي البيهو كلمتك
من بدرى وزماان
لي نبضى سلمتك
وانا عارف السنين للفرحة سراقة

إن طلعت القمرا الخير يا عشانا تودينا لأهلنا بسألوك مننا ********** شوف الجنا وشوف فعاله في الديون لافي شاله جيت لي ……… يا الدايرين تعرفو حاله في الكرم مافيش مثاله جيت لي………… تغني ليك البنية أنت يا دهب الوقية لو مديت ما بتدي الشوية يا قشاش دمع الولية بيسألوك عننا ********** يغنن ليك البنات يا ضوء القبايل يا مقنع الكاشفات الكل بي وراك يا مدرج العاطلات بسألوك مننا ********** يغنن ليك الجواري يا تمساح يا عشاري من الموت ما جاني جاري المولد ما جنى السراري بسألوك عننا