الوسم: افراح عصام

من بف نفسك يا القطار ورزيم صدرك قلبى طار وين الحبيب
انت شلتو جيبو يا القطار
كم غربت من قريب وكم قربت من غريب
ما خليت لى نصيب غير البكا والنحيب
جوفك ياكل اللهيب وان جوفى بياكلو اللهيب
من بعده غصنى الرطيب من غير شك اصبح شحيب
كم كم كم سريت خليل وفرقت خليل من خليل
واجريت دمعى البسيل وابليت ثوب جسمى الجميل
قلبك اقوى من الحديد اجبر من قلب اليزيد
كل ما اتخيل صفير من جوفى يزداد زفير
ليت جناحى الكسير لى حبيبى يقدر يطير
يا حليل شخصو العظيم يا حليل محيو الوسيم
يا حليل قلبو الرحيم السافر سكن الدويم
تجرى شمالا يمين قلبك قط ما بلين
عيشتى عيشة السجين انا من غير خدو الاسيل
انا ما داير السفر لكن نفذ القدر
ايه سبب لى الكدر غير عجلاتك يا القطار

لقيتك في زمن ضايع صرخة في الماضي الخرافة
جيتني من عمق المواجع من شقى سنيني و جفافا
كلما القاك وحاتك القى دي السكة البخافا
***************************
العمر ياغالي ودع لملم آلامو وجراحو
عدى بي كل المرافي وأدى للحاضر صراحو
قلبك الغلطان معاهو الله يغفر ليه ويسامحو
*****************************
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح يشقى دة العكر صفاهو
******************************
الحروف كانت تنادى همسة في الصمت اللي عابر
كنت أستجدي العواطف زي مشرد حظو عاثر
العواطف هي هي زكري مرة وجرح كاسر …

فى الشاطى ياحبان ساهرتو بينا
وبين النهر والنور ساهرتو بينا
والساقيه بينا تدور
والخمر ريحو يفوح
وبراى انا الفنان
الموج يداعبنا
والحب يقربنا
والشادى يطربنا
بى عود معاهو كمان
نذكر وطنا دوام
وحده وعمل وسلام
فى كل خلاف علشان
مايقولو لينا
ياحليل ربوع شندى
بلد الجمال عندى
الفيها نغم فنى
وفى المتمه امان

نسانا حبيبنا الما منظور ينسانا
مالو سافر روح ما غشانا
حليل الخوه الما قدَّر عشانا

نسا نا حبيبنا وعارف ريدنا هولو
عشانو بتمشى قلوبنا مع رحيلو
تسافر بينا لي دارو ومقيلو
نقول فارقنا سافر ياحليلو

نساهر ونشقى لو ينفع شقانا
تسيل دمعاتنا بي شوقا وحنانا
عشان ما يطرى ريدتنا ومنانا
يذكر قلبو ايامو المعانا

كيفن يرضى يتحمل قليبو
الزمن قساهو نسى إخلاص حبيبو
يامعذبنا ما قادرين نسيبو
نقول لابد بكره الشوق يجيبو

وحات الريده ما بننسالو عشرة
آه يا دنيا لو في بالو مره
اتذكرنا او بس طيفنا مره
كان يا حليلو عرف الفرقة مره

طول يا ليلى لي همي وأسايا
وأشهدي يا نجوم سهدي وبلايا
خلاص في حبو ضاع أملى ورجايا
بقيت وحيد نجوم الليل عزايا

والله وحدو بينا
البارحونا وراحو شالو من وادينا بهجتو وافراحو
بي الكتير ياحليلوم يا حليل الراحو
ااااااااااااااااااااااااااااه
بي الكتير ياحليلوم يا حليل الراحو

طال نواك وانا قلبي باكي ليلو وصباحو
وفي الضياع والحسره السنين كم راحو
وطال نواك وانا قلبييييييي باكي ليلو وصباحو
وفي الضياع والحسره السنين كم راحو
وراحت الافراح وقلبي عاش لي جراحو
وراحت الافراح وقلبي عاش لي جراحوووووو
مين يقول لي فؤادي روح زي راحو
اااااااااااااااااااااااااااااه
مين يقول لي فؤادي روح زي راحو

انا قلبي اتصبر
قلبي قلبي اتصبر لمن تعب صبارو
نظره باكيه حزينه
نظره باكيه حزيييييييييينه كان وراها ودارو
يوم رحلته وشلته بهجتو وانوارو
يوم رحلته وشلته بهجتو وانوارووووووووووو
لا ارتويت من عطفو ولا اتكويت بي نارو
ااااااااااااااااااااااااااااه
لا ارتويت من عطفو ولا اتكويت بي نارو

لي القليب الصادق
اااااااااااااااااااااااااه
لي القليب الصادق
كنت نبعو الدارو كنت ليهو حبيبو وكنت اهلو ودارو
فضحني عيوني وكشفن اسرارو
فضحني عيوني وكشفن اسرارووووووووو
والعيون لو رادو مابعرفو ايدارو
ااااااااااااااااااااااه
والعيون لو رادو مابعرفو ايدارو
ااااااااااااااااااااااااه
العيون لو رادو كيف يعرفو ايدارو