التصنيف: فاطمة عمر

تعيش انت و يدوم خيرك
تعيش و الدنيا ما تضيرك
لو جارت عليك ايام
تعالي لعيونا بتشيلك

و لما الليل يروق يحلي
تجي النسمة وتضم شتلة
نساهر الليل نلاقيها
شايلا سواد عيون طفلة

كلامك لما تتكلم
نتوه نسرح بعيد نحلم
و اه تلقانا ما بنقدر
نجيب الروح عشان نتلم

اي كلام تقولو حلو
منو البسمع كلام بدنو
تكون دي رسالة للعاشقين
لي ناس لسا ما سألو

الليل الليل العديل والزين الليلة العديلة ويا عديلة الله
بسم الله ابديت قولى السمح والزين والقول ما هو داير البكتب وبقرا
معروف فى الفريق لابيت ولابيتين لالعب القمار لاجرب الخمره
الليله فرحوا الليله عيدوا عريسنا سار لى يوم جديدو
عريسنا ودعز الاهل فى الحاره ما خيب أمل
الليلة ابشروا بى مهل يوم عزتو وسط الاهل
الليلة فرحة ويوم سرور ده عريسنا الفارس الجسور
عماتو ولعن البخور خالاتو زغرتو بسرور
صلاتى بى عدد النبات للمصطفى الشامل الصفات
عروسنا وسط الدايره جات دى الملكة وست البنات

عيش معاي الحب عيش معاي حناني
خليني أنسى سنين عشتهم وحداني
إيه يضرك تسأل يوم علي يا غالي
وإنت وحدك عارف همي عارف حالي
كيف أواصل صبري في الطريق الخالي
كيف بدونك تصبح اليالي ليالي
أنا كنت دايما ً بصبر مهما البعادأضناني
في قلبي إنت بتكبر تكبر معاك معاني
برجى الأيام وستنى أمالي بين نيراني
والهجر مهما يألم يرجع حنانك تاني
برايا لو كان جفيتني خليتني وحدي
مع ليلي الوحدة والشوق حنينو معايا
ما بسيبو غرامك رضيان معاك بشقايا
وقت الطريقك يوصل أعرف نهايتة خطايا

يا حنين زي عش العصفور
معروش بالنور كله محبة
يا الشلت حلاة كل الحلوين
ما سبت وراك زول يتحب

يا حنين قلبي متين يرتاح
من بحر الريدة وأمواجا
والدمعة معاك تصبح شمعة
والزهرة كمان تلبس تاجا
لو سبت العين تتأمل فيك
ما بتاخد من حسنك حاجة
عينك للريد فيني مبين
يا حنين

يا حنين بيك الليل ضوا
رقة وإحساس طيبة وخوة
لو تعرف أصل الريد هو
لا سلطة بتحكمو لا قوة
وآه منو الريد لما يصيبك
بتغلغل في الأعماق جوة

يا حنين لما تسيبني تروح
الدنيا وراك تصبح آه
تبقى الأيام غير الأيام
والبهجة بتفقد معناها
أنا ليك بتقطر حنية
بتمنى بسيمتك ألقاها
ألقاها متين أنا ما عارفة