التصنيف: محمد فيصل الجزار

ينا المحبة مقسمة يا نعمة من رب السما يا سمعي في همس الكلام يا شوفي في زمن العمى يا ضلي في حر الهجيير يا نسمتي البتنسما يا بسما في وش الظروف احلام سنيني البحلما ان شاء الله اقدر اسعدك والدنيا بيكي اعلما كيف نبني من الفرحة بيت والريدة ظاهرة معالما

نا بي هواك مفتون
في عيوني ضاق الكون
أنا أسي بضرب ليك
ما بترفعي التلفون
أحسن تردي علي
قبل المحبه تهون
وماتضمني الأيام
أنا زاتي مامضمون
@@@@
أحسن تردي علي
أنا صبري ليه حدود
عارفاني مشتاق ليك
ليه منك القي صدود
اوعاك تقسي علي
وتقولي مامقصود
أنا ممكن أنسي هواك
مع إني بيك مجنون
@@@@
أنا ياما حزرتك مني
ومن الأشواق
آه من الصدود في الريد
لمن أكون مشتاق
أحسن تردي علي
جبن الغرام حراق
عارفاني صبري قليل
لكني برضو حنون
@@@@
ماتغرك الايام
والعشره والريده
تتعالي مره علي
وتغيبي يا الصيده
أنا قلبي بتحداه
ذكراك ما بعيده
انا عادي ممكن ابيع
في الريده مما يكون
@@@@
انا بي هواك مفتون
في عيوني ضاق الكون
أنا أسي بضرب ليك
ما بترفعي التلفون
أحسن تردي علي
قبل المحبه تهون
وماتضمني الأيام
أنا زاتي مامضمون

صباح النور عليك يازهور
كلمات سيد عبدالعزيز

صباح النور عليك يازهور
صباحك يوم يقاس بدهور

يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور

****

زاهر طاهر ما المغرور
عليه جناح الرضا مفرور
صباحه سعادة وكلو سرور
جماله يغني عليه سرور

****

نظرتك جالس بين خدور
بدري حداك أنكسفوا بدور
تفوق نيشان ممتاز في صدور
العظما ء المثلوا أعظم دور

****

جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور

****

يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور

****

فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور

****

أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

ساأسمر جميل عاجبني لونو
كحّل سواد الليل عيونو
عالي النخيل ما ضقنا تمرو
أسمر جميل ما حنّا عمرو
جسمي العليل إستحلى جبرو
شرْع الغرام حاير لأمرو
أسمر جميل فتّان بريدو
كل الخلود تتمنى ريدو
عقد الجلال يا ناس يزيدو
عقد القلوب منصوب بجيدو
أسمر جميل فوق في سماهو
كل الخلود ترغب ضياهو
سهم اللحاف ساعة رماهو
صاب القليب سالت دماهو
أسمر جميل فاق في الوسامه
صفوة جمال وجهو إبتسامه
فوق الخديد عاجباني شامه
ومن العيون ياالله السلامه
أسمر جميل عاجبني لونو
كحّل سواد الليل عيونو
هم بكتابه كلمات هذه الاغنية

فيديو .. الشاب امير & محمد الجزار – مابستحمل

انا اللاقيتا أول و اخدت معاها موعد

مع الأغصان تسالم مع الأطيار تغرد

…

مع البسمات تغازل مع الأزهار تفرهد

انا اللاقيتا اول و منها انت أبعد

أنا اللاقيتا قبلك مع الشمس البتشرق

انا اللاقيتا سكر مع العسل البيشرق

انا اللاقيت عيونا تغفل قلبي تسرق

بتبعد نورا واصل تقرب نارا تحرق

يا ولهان أظنك تكون لاقيتا دابك

بعد ما الريد جفاكَ و بعد روح شبابك

انا الحبيتا قبلك خلاص أعمل حسابك

حتجري سنين طويلة و ما بتلحق سرابك

انا الحبيتا بدري انا الحبيت حلاتا

قبل الدنيا تعرف ايه الريدة ذاتا

انا العاشق صفاها انا الحافظ صفاتا

و بتنفس هواها و بحيا عشان حياتا

في حاجات يا صديقي كتير فاتت علينا

انحنا الخوة بينا ما بنحسب سنينا

و كيف لينا بتفرق و أظنها لاعبة بينا

محال تفرقنا واحدة و تشغلنا بحنينا