التصنيف: اغاني

كيف لا اعشق جمالك
ما رأت عيناي مثالك
و كيف لا اعشق جمالك

كيف لا اعشق جمالك
و أنت مغرى
زنت بي أدبك جمالك
و أنت سحري
فيك أجمل شي خصالك
و أنت بدري
و أبعد الغايات منالك
لو رنيت ترسل نبالك
قلبي لاعب بيهو مالك
ليهو حق لو كان هوانك

بسمتك توحي الأغاني
و أسمى آيات المعاني
في هواك لاقيت هواني
و بيهو راضي
معتلي قلبي و لسان
أنت زى زهر الخميلة
تزدهر في روح جميلة
و عاليه أخلاقك نبيلة
و يخجل البدرين هلالك

أنت رافل في نعيمك
و بس أنال منك جحيمك
قول لي كيف أظفر بليمك
ناري تطفأ
روحي ترفا
في سما العز زى كمالك

ما دام نسى العشرة
واختار سوانا حبيب
خلينا لي الأيام
لو لي ضميرو حسيب
قت ليهو يا مغرور
ليه الجفا والتعذيب
قال لي في عذرو
كلام غريب وعجيب
اتنكروا الاحباب
ما أصل المحبة نصيب
وما أظن أصيل وصميم
يبدِِل حبيب بي حبيب
وا ضيعة أيامي
ما بين ضنا وتعذيب
خلفت فينا جرح
محال يداوي طبيب
الحراقة نارو شديد
جميل رشيق فنان
ودَر عهود الريد
يا ظالم الوالاك
واخترت غيرو حبيب
وما بتدري للظالمين
يوماً عصيب ورهيب
نصيحة لي العشاق
من زول بحب ومجرِب
ياما في دنيا الحب
أهوال تخيف وتشيب

ياجميل يا مدلل

ياجميل يا مدلل قولي ليه بس حكم الغرام قد حلل
عذابي يدوم

كل ما اطراك بالدموع اتبلل
جسمي صار منحول والمنام أتقلل
طرفو لي رؤياك دمعو كبر وهلل
جفاني النوم

العقول تتخبل والاديب في الناس للقاك يتهبل
رغم اني عزيز خفت في المستقبل
اهدي ليك الروح وانت بي ما تقبل
و اكون محروم

بالعلي لا تجهل يا حلو النغمات يا لذيذ المنهل
ناري حارقة الجوف و المدامع تبهل
بعد هذا الحال هل وصالك يسهل
تحن يا ظلوم

في هواك لو اعزل برضي لا انساك في الخيال اتعزل
العجيبة كمان قلبي صار ليك منزل
انت فوق للقوس والسماك الاعزل
علمت نجوم

ليل ضفايرك مسدل يا رشيق القامة والمعاطف الهدل
القوام ممشوق و المعاطف جدل
ده البخلي إليك حبي ما لا يتبدل
يزيد كل يوم

انت يا قلبى المتيم كنــــت خالى
كنت نايم ما رايت سهــــد الليالى
كنت قايل كل شى فى الدنيا خالى
***
جيت لقيت باب الغرام فاتح دخلت
ومن شراب الريدة يا مسكين نهلت
وابتديت يــــا قلبى تعشق وانشغلت
كنت جـــــــــــــــــــــــــــــــــــــاهل
العشق ظنيتو ســــــــــــــــــــــــاهل
الا يا ريتك عرفت ومــــــــا جهلت
***
المحاسن اغرتك وبقيت عشوقه
انت قايل عاصفات الحب شفوقه
بالمحبه وانــت ساير فى طريقه
لما باكر تصحى تلاقى الحقيقه
والنهايـــــــــــــــة تكون سعيده
لما جاءت عكس ما انك تريده
فالمقادير حيث ما شاءت تسوقه

لقيتو واقف منتظر تشتاق العيون لطلعته
نفس الملامح والشبه والمشيه ذاتها وقدلته
اللفته والتوب والقوام اوصاف حبيبي وروعته
تاريهو يا قلبي الحنين راجينا بي شوق السنين
يا ربي واقف من متين لكنه اه ….
يخلق من الشبه اربعين
من كم سنة لا هو عارف لا انا
سايبني في بحر انتظار ما عدى في ليلو الهنا
واعدني بي لحظات شجون تشتاقه كل الامكنه
وانا في مسار الشوق لقيت ميعاده فرهد واغتني
يا ربي جيت قبل الميعاد ولا الزمن غفلني زاد
قصة يغيب ما اظن تكون وما اظن تدور يوم في اعتقاد
جايهو من مشوار بعيد كايس عليه بلاد .. بلاد
ومرساله دايما لي يقول ارجاهو في نفس الميعاد
انا ديمه يا اجمل ميعاد راجيك وانت علي مطول
امشي واقول اسال عليك اسال صحابي وكل زول
ويقولو لي هنا هسه كان عنك بيسال وليك بقول
ارجاهو في نفس الميعاد ما اظنه تاني عليك يطول

حنيني إليك وليل الغربة أضناني
وطيف ذكراك بدمع القلب أبكاني
أقول ياريت زماني الفات يعود تاني
وألقاك ياحبيب عمري وتلقاني
تلقي الريد معايا لحظة مانسيتك ولانساني
ومابنساك ومابقدر ولاعايز بعد حبك أحب تاني
حنيني إليك وليل الغربة أضناني
وطيف ذكراك بدمع القلب أبكاني
أهرب من خيال طيفك في عيني بلاقيهوا
أعيش أيامي بالذكري ألم أفراح أعيش بيهوا
متين الليل بيصافيني بنعود تاني تاني تاني تاني تاني ونعود تاني من تاني
ألقاك ياحبيب عمري وتلقاني
تلقي الريد معايا لحظة مانسيتك ولانساني
ومابنساك ومابقدر ولاعايز بعد حبك أحب تاني
….حنيني إلييييييك…..

يوم قسموك يا هم كتبو عليك اسمي لو كان روك بالدم يا هم رواك دمي

حياتي حياتي حياتي حياتي أحبك أنتِ كحبي لذاتي أحبك أنتِ لحبك أنتِ معاني الحياة
سكلتي طريق .. طريق محفوف بكلّ محب وكلّ عطوف نبذت الضيق نزعت الخوف وقلتي نسير .. نسير ما نقيف وقلتي ما دام في الدنيا حبّ وعاطفة عميقة في روحنا تدب
وإيد في إيد .. وقلب جنب قلب ليه ما نسعد وليه ما نحب الدرب السالكاهو والقلب المالكاهوهم قلبي ودربي وحبك إياهو بطراهو وبرعاهو آه لو ترعي حبي نحن السعادة أحبابا ونحن الموّدة طلاّبا والجنّة الليها نتشابى باكر ندق علي بابا ندق وندق وندق .. والجنة تجيب لأملنا نشق .. إن شاء الله قريب وتهلل علينا في قلوبنا الحزينة بشاير السنين بي غمرة هنانا تتشابك إيدينا يسار في يمين

حتى باقى العمر شيلو حتى باقى عمرى شيلو
اديتك القلب المعذب وقلت لي ألمو بتزيلو
إبقى في وارف رموشك فرحتو ولحظات مقيلو
تبقى نورو تبقى فجرو وتمنع الدمعات إسيلو
هسه لو داير تسيبو حتى باقي عمرى شيلو

بي محنه الزول بلوم دمعه في الخدين بتجري
كنت بأمل أنا في سماحك الظروف فرقتنا بدري
انت ماريدي ومنايا كل لحظه بتضوي عمري
وكنت دايرك ياحبيبي لو مره بي آلامي تدري
وهسه لو داير تسيبو حتى باقي العمر شيلو

في نهاية لومي ليك كنت بطمع تاني ترجع
كنت راجي الدنيا تبسم لينا في افراحا تجمع
ما انت ما الزول المن عرفتو طرفى ما اظن مرة دمع
اصلي عارفك يامنايا كل لحظه بتصبح اروع
وانت من طليت علي طرفي ما اظن مره دمع
وهسه لو داير تسيبو حتى باقي العمر شيلو

حتى باقى العمر شيلو حتى باقى عمرى شيلو
اديتك القلب المعذب وقلت لي ألمو بتزيلو
إبقى في وارف رموشك فرحتو ولحظات مقيلو
تبقى نورو تبقى فجرو وتمنع الدمعات إسيلو
هسه لو داير تسيبو حتى باقي عمرى شيلو