الوسم: الطيب عبد الله

لقيتو واقف منتظر تشتاق العيون لطلعته
نفس الملامح والشبه والمشيه ذاتها وقدلته
اللفته والتوب والقوام اوصاف حبيبي وروعته
تاريهو يا قلبي الحنين راجينا بي شوق السنين
يا ربي واقف من متين لكنه اه ….
يخلق من الشبه اربعين
من كم سنة لا هو عارف لا انا
سايبني في بحر انتظار ما عدى في ليلو الهنا
واعدني بي لحظات شجون تشتاقه كل الامكنه
وانا في مسار الشوق لقيت ميعاده فرهد واغتني
يا ربي جيت قبل الميعاد ولا الزمن غفلني زاد
قصة يغيب ما اظن تكون وما اظن تدور يوم في اعتقاد
جايهو من مشوار بعيد كايس عليه بلاد .. بلاد
ومرساله دايما لي يقول ارجاهو في نفس الميعاد
انا ديمه يا اجمل ميعاد راجيك وانت علي مطول
امشي واقول اسال عليك اسال صحابي وكل زول
ويقولو لي هنا هسه كان عنك بيسال وليك بقول
ارجاهو في نفس الميعاد ما اظنه تاني عليك يطول

عود لينا يا ليل الفرح
داوي القليب الانجرح
قول ليهو يفرح مرة يوم..
طول عمرو ناسيهو الفرح

عود لينا يا ليل الفرح

عود لينا ما تبكي العيون..
الشاربة من بحر الخجل
عود لينا ما تعذب قلوب..
مليانة بتفيض بي الامل
عود لينا قبال الخريف يرحل..
يسيب ايامنا للصيف للمحل
إمكن تفيض اشواقنا يوم
وريدي لي طيفك يصل

عود لينا يا ليل الفرح

لكن يا ليل كيفن تعود..
تتحدي ليل..
اسود ومن احل العطور..
رويان يسيل
كيفن تعود والليل بيتوسد ضفاير
حبى زى طفلا صغير شايلنو شيل
اتغنى بى حلو الاغانى
الطيبة راجيك من قبيل

عود لينا يا ليل الفرح

ﺇﻧﺖ ﻳﺎ ﺍﻷﺑﻴﺾ ﺿﻤﻴﺮﻙ
ﺻﺎﻓﻲ ﺯﻱ ﻗﻠﺐ
ﺍﻟﺮﺿﻴﻊ
ﻓﻲ ﻛﻼﻣﻚ ﻭﺍﺑﺘﺴﺎﻣﻚ
ﺃﻧﺪﻱ ﻣﻦ ﺯﻫﺮ ﺍﻟﺮﺑﻴﻊ
ﻋﺸﺖ ﻣﺘﻬﻴﺊ ﻟﺤﺒﻚ
ﻛﻞ ﺃﻳﺎﻣﻲ ﻭﺣﻨﺎﻧﻬﺎ
ﺍﺑﺘﺴﺎماتك ﻋﺰﻳﺰﺓ
ﺑﺤﺮﻕ ﺍﻵﻫﺎﺕ ﻋﺸﺎﻧﺎ
ﺑﺲ ﻟﻘﻴﺘﻚ ﺇﻧﺖ ﺣﺎﺋﺮ
ﺗﻈﻠﻢ
ﺍﻟﺤﺐ ﺑﺎﻟﻤﻬﺎﻧﺔ
ﺍﻟﺪﻣﻮﻉ ﺍﻟﺴﺎﻳﻠﺔ ﻣﻨﻲ
ﻳﺎ ﻣﺎ ﺳﺎﻟﺖ ﺣﺮﻗﺘﻨﻲ
ﻭﺍﻟﻈﻨﻮﻥ ﺍﻟﺤﺎﺭﻗﺔ
ﻗﻠﺒﻲ
ﺑﺎﻟﻤﺎﺳﻲ ﻛﻢ ﺷﻘﺘﻨﻲ
ﻛﻨﺖ ﺑﺠﻨﻲ ﺷﻘﺎﻙ ﻣﺤﻨﺔ
ﻭﺃﻋﺸﻖ ﺃﻭﻫﺎﻣﻲ ﺍﻟﻄﻮﺗﻨﻲ

قالو لي انساهو وامسح من خيالك ذكرياتو
انسى كل الماضي وابعد عن طريقو وعن حياتو
فات وخلاك للزمن بعد امالك سدن
ليه تحن من تاني ليه ليه تفكر في صلاتو

السنين العشت فيها معاك هنايا
اقوى من قول العوازل واسمى من كلمة وشاية
لو خلاص قلبك نسى الايام معايا
برضي راضي في الغرام كم من ضحايا
بس تأكد يا حبيبي انو حبك في دمايا

بالامل صبرت قلبي وعشت في دنيا الاماني
اهدهد الشوق بين ضلوعي واترجم الالام اغاني
باروي للناس سر عذابي واحكي ليهم ماشجاني
لا نفع دمعي السكبتو ولا شفع عندك حناني

الغريب عن وطنو مهما طال غيابو
مصيرو يرجع تاني لاهلو وصحابو
ينسى الامو وشجونو ينسى حرمانو وعذابو
الا قلبي يا حبيبي في هواك طال اغترابو