التصنيف: يس وخنساء

لي نية في قمر..
لي نية في قمر السماء مقاصدي معاك آه ما اجسما
ابني الفكر واهدما والعين تسيل دمع الدما
والدمعة مرات اعدما لحبيبي روحي اقدما
ياليته يرضى يخدما
حواسي مالها كلما هبت نسيمة تألما
روح يانسيم لها كلما لوجاهلة كنت اعلما
حن المعذب للما
عجبا ملاك ساكن حما في حماية الحيا احتمى
منعو الدلال يظهر حماه هلك النفوس وابا يرحما
من هجرو ياحامي الحمى
بديها روحي تقسما بدل الزهور في مواسما
مهما النفوس قدرن سما تفدي العيون الباسمة
الفي القلوب ممضي إسما
كم من محاسن أعظما فيك خايلة خلقة منظمة
زي معنى شاعر ناظما صفا بهجتك ما أعظما
شوفتك ظماء وتروي الظماء
حي المسالمة ومسلما الذكراها أنسي وقلما
الذكرى دايماَ مؤلمة لله روحي أسلما
ما القمرة مالقيت سلما

مسو نوركم شوفوا المن جبينة صباح
والصباح لو لاح لا فايدة فى المصباح
هل اتلك حديث الكوكب النطاح
قمرة تمطر خمرة حارسا الفضاح
لو تعيرنا محاسن شمس للايضاح
مابتعيرنا محاسن محيها الوضاح
نور جمالا دهشنا معشر الفصاح
بين ناطق صامت بين صامت صاح
غالية غالية محاسن فيها شوق يا صاح
الجمال الفيها..كل معنى صاح
نصدر الايات من نور على الالواح
المعانى الفرد وميتة الارواح
فى العيون المرد والسحر لاواح
تجلب الالباب ويفرح النواح
القوام اللادن والاريج الفاح
من جسيما الناعم الاسمر التفاح
خلا عقلى وخلا فى هواى كفاح
جيش هواها احتل قلعة الاصفاح
روضة غنى جمالا يجلب الافراح
حورا من الجنة تسقيك راح
كل هذا تراه ما بزيل اتراح
من بحبو تهانت واستراح وراح
ياليالى احبابى ما شفيتى جراح
بل شفيتى فؤادى ومدية الجراح
صرت اتلو حديثك فى الوجود بصراح
لو تليت بو كتابى سميت بالشراح
كم نظرنا مناظر يعلم الفتاح
لو قفلنا قلوبنا كانت تكون مفتاح
ادرى ام ما ادرى صرت كالمفتاح
لو رضاكى هلكنا للهلاك نرتاح
ما جنيت بهواى ما على جناح
ه شكيت للقمرى لو يعيرنى جناح
يكفيك لسانى الغنا فيك ليك وناح
لو رثيت بو حياتى ما زلت لى مناح.

الشينة منكورة
كلمات محمد الحافظ ابو زكرى
الحان العملاق بلال

أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع

داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع

يـفـر خـيت بـسـمه يشبه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
محنن دون قنله وحدو وتوبو واقع
يـتـغطى بــي سـواعده ويحنو كـانه واجـع
ويلتجى بى مرافقه واطراف المضاجع
وتتلب فوق شفاهه لؤلؤة المدامع
يــردد لــي نـغـيماً تـشتاق لـي الـمسامع

أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل بشـعره ألـقى الـفرق شـاسع
اقيس الفم بودعه القى الودع واسع
دي مــا بـيـلقاها زول زي صـيـده نـاجـع

بـــدور لـــو مـــــرة نتـقـابــل حـــبــيــب روحــى و اراك لامـــع

اوجــــه نــظــرى لمحيـــــاك و اجـــد مـــن هيــــــــــبتك مــــانع

احــــاول وطــــرفى يتخــاذل و ارجــــــع امـــــــــجــد الصــانع

روحـــى تـــتـــوق وتــتلـبس لنـــــفــــــس ثــــبـــــت الخـــالق

فـــمــأ روض نـــبــت غـصنا يمــــاثـــل غــصــنك الــيـــانع

ولا عـــــــيـــنا رأت قـــــــدا رشـــــــيـق زى قــــــدك الــــــرائع

فــى بــســتانك بـــفـــسـتانك تــمـــشــــــــــى هــويـــنــة الخاشع

وتــقـطــف زهــــرة صـفراء تــمـــــــــــــــاثل لــــــونك الــلامع

تـفوح مـن عــطرك المخمور روايــــــح تـــــغـــــمـــــر الــشارع

ومـــــــــن رطـــــب النسـيم اذا مــــــــــــا كـــنــــت بـــتطالع

تــــنـام فــى ضــرى الكـثيب راصــــــــد بتـــوب شفافك الناصـع

مـلـمع يــرقــش العسـعس تـــســريـــحة الـــصــانع الـــبارع

نــــوم الــعـافية يا الغــافى تــعــــيــــش لــى ســــعدك الــطـالع

طــــلبــت الــحظ لا يبارحك اجــــــــابـــنـــــى بــرغبة لا مانــع

من الاسكلا وحلا .. قام من البلد ولى .. دمعي لي الثياب بلّ
بى داهى العذاب حلّ..
وبى تذكاره بتسلى
قلبي الذاب واختلّ.. وين بدر التمام هلّ
صفر ودع الوابور..
حاجزين قمره اتنين دور
الوابور مرَّ بالمجرور.
شال ظبيا سكونو خدور
جبل أولي حبيبي غشا..
وحصل في القطينة عشا
يا قلبي الطفش وفشا..
الما آليته ينكفشا
حل زى الصقر خوى.. بالبدر الدويم ضوّى
عاد لا حول لا قوّه.. حبيبي الليله في الكوه
صباح الخير على ام نفلين..
أهني البيها محتفلين
سيد الحسن رب اللين..
شرف كوستى والجبلين
هنيئا حان وقت زهاك..
الرنك احتفل بي بهاك
وين الليله يا النشهاك..
يا ليت كنت في جلهاك
يا كاكا الحبيب طلاك..
بعده الزاد نفوسنا هلاك
يا ملوط حليل نزلاك..
يا زمن الفراق نسلاك
بي قدومك كدوك أصبح..
سوقو من الكساد أرباح
انا من نياحى صرت أبح..
كأنى فى مبرك المذباح
زاد من بعدك الانكال..
قلبى البي الهموم انكال
شاطري العاصمه يا ملكال..
توفيقيه صبرى نكال
شامبى أضحى بيك مسرور..
بعد المنقلا يا سرور
يا جوبا حي أنا المضرور..
بعده النوم بقى لي ضرور
من دا الهم ما بنجى..
حبيبي الليله في تونجا
يا خالق الخلق تنجا.. تركاكا حلت العنجا
سلام متنامى ما غبّ.. ما مرّ النسيم صبّ
يرضى ال لي العفاف ربى..
ويخدم كامل الرتبا
صبَّ يا دمعي لا تكون جاف..
ويا قلبى البقيت رجاف
البدر الخفا الانجاف.. اليوم شرف الرجَّاف

يا حـنوني وعليـك بـزيـد في جـنـوني الليـلة
&&&
حـبيـب منعت وصالك ضيعت كـل ظنـوني
حجبت عني خيالك وكيف رضيت بشجوني
&&&
من يوم عشقت جمالك جيوش هواك أضنوني
تزيد علي في دلالك وأزيد عليك في جنوني
&&&
بنـورك المتـوهـج يا الأخضر الليـموني
خـتفـت موية بـصري وعـميت عـلـي عيـوني
&&&
يا من سكنت فؤادي أخـبرني كيف سكوني
وأخـبرني كيـف أشـاهـد منـاظرك الهلـكوني
&&&
حـاولت أداري وصالك أحـبابي حين سألوني
عـنك وعـن أخـبارك وعـن عـيـون شغـلوني
&&&
إذا انتـظرت وصالـك عـزالي ما خـلـوني
كفـاك تـعـال أدركني جـفاك مغـير لـوني

ﻳﺎ ﺭﻭﺣﻲ ﺃﻧﺼﻔﻨﻲ ﻓﻲ ﺣﻜﻤﻚ
ﻷﻧﻪ ﻗﺎﺳﻲ ﻋﻠﻲ ﺃﻧﺎ ﻳﺎﺣﺒﻴﺐ ﻇﻠﻤﻚ
ﺗﻈﻠﻤﻨﻲ ﻭﺍﻷﻳﺎﻡ ﻗﺪ ﺗﻨﺼﻒ ﺍﻻﻧﺴﺎﻥ
ﻳﺸﺎﻫﺪ ﺍﻟﻤﺤﺒﻮﺏ ﻋﻔﻮﺍ ﻋﻴﺎﻥ ﻭﺑﻴﺎﻥ
ﺑﺎﻟﻨﺴﺒﺔ ﻟﻠﻄﻔﻚ ﻭﺍﻟﺮﻗﺔ ﻳﺎ ﻓﺘﺎﻥ
ﻣﺎ ﻛﻨﺖ ﺗﻈﻠﻢ ﻣﻦ ﻗﺪ ﺃﺿﺤﻰ ﺑﻴﻚ ﻭﻟﻬﺎﻥ
ﺗﺘﺮﻛﻨﻲ ﻟﻠﻤﺎﺿﻲ ﻣﻊ ﺍﻧﻪ ﻓﻲ ﺍﻻﻣﻜﺎﻥ
ﺗﺠﺪﺩ ﺍﻟﺬﻛﺮﻯ ﻭﺗﻨﺴﻰ ﻛﻞ ﺍﻟﻜﺎﻥ
ﻫﻴﺎﻣﻲ ﺑﻴﻚ ﻳﺎ ﻓﺎﺗﻦ ﻣﺼﺪﺭﻩ ﺍﻻﻧﺼﺎﻑ
ﺍﻧﺼﻔﺖ ﺣﺴﻨﻚ ﺣﺐ ﻭﺍﻧﺼﻔﺖ ﺣﺒﻲ ﻋﻔﺎﻑ
ﺫﻭﺑﺖ ﺭﻭﺣﻲ ﻣﻌﺎﻧﻲ ﺩﻗﻴﻘﺔ ﻓﻲ ﺍﻻﻭﺻﺎﻑ
ﻫﻮﻣﺖ ﻧﻔﺴﻲ ﺧﻴﺎﻝ ﻓﻲ ﻣﻌﺒﺪﻙ ﻃﻮﺍﻑ
ﺳﻜﺒﺖ ﺭﻭﺣﻲ ﻋﻠﻰ ﻛﺎﺱ ﺍﻟﻤﺤﺒﺔ ﺳﻼﻑ
ﻫﻞ ﺑﻌﺪ ﺫﻟﻚ ﺃﻛﻮﻥ ﻟﺴﻬﺎﻡ ﻧﻮﺍﻙ ﺃﻫﺪﺍﻑ
ﺃﻧﺎ ﻳﺎ ﺣﺒﻴﺒﻲ ﻏﺮﺍﻣﻲ ﺗﺮﻛﺘﻪ ﻟﻼﻳﺎﻡ
ﺗﺮﻛﺘﻪ ﺣﺐ ﻭﺩﻣﻮﻉ ﺗﺮﻛﺘﻪ ﺷﻮﻕ ﻭﻫﻴﺎﻡ
ﻋﻮﺩﺕ ﻧﻔﺴﻲ ﺍﺫﺍ ﻣﺎ ﺍﺷﺘﺪﺕ ﺍﻻﻻﻡ
ﺍﺻﺒﺮ ﻋﻠﻰ ﺍﻟﺤﺮﻣﺎﻥ ﻭﺍﺿﺤﻲ ﺑﺎﻻﺣﻼﻡ
ﺟﻨﺔ ﻫﻮﺍﻱ ﺍﻟﻌﺬﺭﻱ ﻧﺪﻳﺔ ﻛﺎﻻﻧﺴﺎﻡ
ﺗﺨﻠﻲ ﻧﺎﺭ ﺍﻟﺸﻮﻕ ﺑﺮﺩﺍ ﻋﻠﻲ ﻭﺳﻼﻡ

ينوحن ليل حمامتين همن عيني غماماتن شوقي لي للماتن
هياب رعاب جمال فاتن ولا شئ في الادب فاتن
تروق الروح لي شوفاتن وارجف حين موافاتن
نديم قول هن ياتن مهات راما وظبياتن خدودن جل فصادن قلوب الادباء مرصادن
قنابل ترمي تصطادن وهن صادن وما صادن
قنابل ترمي قاصادن وهن صادن وماصادن
خف جلادن وضيبن هدهدن لادن
عفافن عف تيلادن بسوي القوق علي بلادن بطير بي فوق علي بلادن

يس وخنساء عبدالله خالد – كمشكا – قناة قوون 2014

روحى كلميه للبريد روحه سلميه يا نسايم الليل … روحى كلميه للبريد روحه سلميه يا نسايم الليل … المناظر على التلال … المناظر على التلال … و العيون طابعها الدلال … و الحواجب تقول هلال ..و الحواجب تقول هلال ..و الحواجب تقول هلال ..و الحواجب تقول هلال ..و الحواجب تقول هلال ..و الحواجب تقول هلال ….أحسن نموت حلال يا نشايم الليل .. روحى كلميه للبريد روحه سلميه يا نسايم الليل … روحى كلميه للبريد روحه سلميه يا نسايم الليل … شوفها كيفن منعمة شوفها بالعفاف كيف معمعمة شوفها …الحرير زيه أنعمها .. و الحسود عينه مالعمى يا نسايم الليل … روحى كلميه للبريد روحه سلميه يا نسايم الليل .. روحى كلميه للبريد روحه سلميه يا نسايم الليل … الصفار المزج بياض ..تشبه الزهرة فى الرياض … اه انا الفاض بيا الفياض … روحى كلميه للبريد روحه سلميه يا نسايم الليل … روحى كلميه للبريد روحه سلميه يا نسايم الليل … بالجمال وجهك انغسل … و العيون طابعها الكسل .. و المزمزم ضريب مثل .. عجوة معطونة فى عسل .. روحى كلميه للبريد روحه سلميه يا نسايم الليل …

أي قليل يا طيف أقيف وأرجاني
وين فايتني عابر
وأنا شن حارس وراك أنا تاني
ياني معاك مسافر
وين حتى الطيف رحل خلاني
ما طيّب لي خاطر
الليله لا تقول لي هيّ كدي استناني
بمشي وأجيك باكر
يبقى أنا ما ألم فيك تاني
مين عارف المصاير
وين حتى الطيف رحل خلاني
ما طيّب لي خاطر
الليله هاك اسمع رنين ألحاني
أبقى معاي سامر
خفف لي قليل أحزاني
ياما أنا عشت صابر
وين حتى الطيف رحل خلاني
ما طيّب لي خاطر
الليله شوف كيفن يسوي زماني
ديمة علي جاير
آه مر العذاب وراني
سهمو في قلبي غاير
وين حتى الطيف رحل خلاني
ما طيّب لي خاطر
الليله شوف الليلة كيف بستاني
الكان باشّي ناضر
من حر السموم بيعاني
طيرو يفر يهاجر
وين حتى الطيف رحل خلاني
ما طيّب لي خاطر
الليله جفّ يبس صبح صناني
لافح حرو كافر
عدمان الضليل سواني
مجنون قالوا شاعر
وين حتى الطيف رحل خلاني
ما طيّب لي خاطر
الليله كل ما تمر تعدي ثواني
منو أسراب تغادر
رحل الفيهو صر وحداني
نازل ومرة سادر
وين حتى الطيف رحل خلاني
ما طيّب لي خاطر
أنا بحوم وأرجع وأصد بكاني
مقطوع راسي حاير
وين أحبابي وين خلاني
آه يا الله قادر
وين حتى الطيف رحل خلاني
ما طيّب لي خاطر
الليله ما عارف العلي تراني
فوق كرعي ساير
وأسكت أسوي في أوزاني
أشعار مالا آخر
وين حتى الطيف رحل خلاني
ما طيّب لي خاطر
الليله وإت ياطيف عليك أحزاني
ليّ شوية كابر
عشان خاطر قليبي عشاني
لحظات بس تخاطر
وين حتى الطيف رحل خلاني
ما طيّب لي خاطر
أما النوم أبا وجافاني
وأصبح داجّي ساهر
وين حتى الطيف رحل خلاني
ما طيّب لي خاطر