التصنيف: اغاني الطمبور

داوي الجراح يا دمعة خففي للأسى .. داوي الجروح الفينا صبحت نازفة
طبع الحزن عمق الجراح .. فقد الأنامل العازفة
واحلى الكلام
رحل النعام الليله وووب
رحلت مع اوتار الكان قليبو موالفة……
فقد الشمال زولا ولوف حضن القوافي وصنفا…..

انتى الربيع سيد الفصول مازى خريف مازى شتا
زى القمر لمن يبين كل النجوم ياخد ضياها يشتتا
انتى الشعر جوه الشعور اتى الوفا البنبع بحور
انتى الربيع الجاب زهور انتى النسيم الشال عطور
مازى خريف مازي شتا زى القمر لمن يبين
انتى مين ؟ يا حلوة مين ياريتنى لو شفتك زمان
قبال احس الكان علي قبال يكون الكان وكان
ماكت بضوى الدنيا بيك وازرع دروب الناس امان
ما انتى ضي لى كل زول زى القمر لمن يبن
حسيت جنبك يا ملاك انو العمر يادوب بدا
وعرفت انو الراح زمان فى لحظة بيكى بعوضا
زى زول مشى وللكعبه طاف ولاقي من مولي الرضا

كلمات/ محمد الحسن سالم حميد.غناء والحان الفنان الراحل / يس عبدالعظيم. مشاركة أداءالفنان/ عادل عثمان الطيب.

يا نسايم
جيبي ليّ اخبار حبيبي
وشوفي ليه؟
قاطع الرسايل يا نسايم اعلو طيبي

اصلو طوّل مني غايب
وماني عارف كيف اطولو
ولسه مترقب مجيهو
وما عرفت متين وصولو
الامل سايق خطايه
وراجي تتغير فصولو
ومنتظر ازهارنا تزهر
بالحنين تغمر حقولو

شيلي اشواقي وحنيني
وامشي لي ارض المحنه
وقولي لي زولي البريدو
مالو لو يوم قلبو حنه
يا حبيبي انا ما نسيتك
لا يشيل خاطرك مظنه
وافتقدك حنان رسايلك
وروعه الناس في بلدنا

يا نسايم
اوعي تقسي
ولي حبيب الروح تلومي
وياما كفكف لي دموعي
وشال معاي المي وهمومي
راضي عنو اذا تجني
وطيفو ما سافر نجومي
بكره شمسو اكيد بتشرق
وتنقشع ظلمه غيومي

قولي ليهو
عشان عيونك
في دروب الشوق مسافر
لو الاقي خريف يجيبك
شايل الافراح بشاير
وحتي لو طال ارتحالي
وما لقيت لي دربي اخر
ما بشوف غيرك حياتي
وغير عيونك ماني داير

ما خلاص يا غالي هانت
والاماني بقت قريبي
وجاي ليك ارتاح معاك
وانسي مر ايام صعيبي
بكره نرّجع لي بلدنا
ونبني دار بالريد رحيبي
وتاني تخضرّه السواقي
وبالفرح ينقر دليبي
يا نسايم

عافيه منك وراضه عنك سو رضايا
ومابخيب الرضا والدتو يا جنايــا
انت من يادوب صغير من زمان دايما معايا
انت ديمه امامى سائر ما بخليك بى قفايا
مابتغيب من عينى لحظه ولا حصل سبتك ورايا
ولامن الله يشيل امانتو انا ببقى خاصاك بالرعايه
لى يرعاك البيرعى ولى بيك يبرد حشايا
اصلك انت هديه منو والله بيك اجزل عطايا
جيتنى واحد مالو تانى رحمه فى اخر صبايا
قبل ماافقد قدرتى وقبل ماتنهار قوايا
جيتنى زى بدرا منور وفجاه طليت فى سمايا
اسى لما خلاص كبرت داير تسيبنى اعيش برايا
داير تفارقنى وتهاجر والحزن يصبح جزايا
كيف اهون عليك تحزن امك شان تحقق ليك غايا
كان مناك ترحل تغادر قعدك فى جنبك منايا
كان مسافر عشان علاجى بلقى فى شوفتك دوايا
كان عشان تسقينا مالك نحن بى حنك روايا
كان عشان كرعينا راحل نحن بى بعدك حفايا
كان مسافر عشان تعرس خير ابوك مالى التكايا
وخيرو وافر ابوك يحمدو مراحو مليان بالسعايا
بالقروش الجيب مجكن ولسع برضو الجايا جايا
برضو منك ما بقصر بحفر اديك المعايا
كان ده كلو كمان شويه بتلقى فى دهبى الكفايه
اصلى من سويته ناذره يبقى لى ايام قسايا
داخره للزمن البعاند ولى سعاتك يا عشايا
لاتسيبنى وراك ترحل انت ياك ضلى وضرايا
دايره منك تبقى جنبى فى فرحى وفى بلايا
لا تسيب امك تسافر يمه محتاجه الحمايا
دايره اقضى عميرى جنبك اصلو قارب للنهايه
خايفه كان سافرت ترجع تلقى فاضى البيت بلايا

انا بعشقك ما شفت انسان ادمن الريد منو تاب***
بعشقك ما شفت مجنون غير طبيبو يمسو طاب***
إلا خايف عمري يكمل ولسه في صبري العقاب***
وكنت بمد ايامي لو لا ان لكل اجل كتاب

يمين لا عندي نية الرجعة
لاطاف بالخيال ذكرا
قلبي انا مابهملوا ليك
تاني تضوقي المرة
ارجوك لاتصحي الماضي جرح الماضي دابو برا
خلي امالي والاحلام تنوم مرتاحي في قبرا
بين الويل وسهر الليل
الروح كملت صبرا
ونفح الذكريات كيف مرة
وما ادراك ماالذكري

ﺑﺎﻛﺮ ﺑﺠﻴﻚ
ﻗﺎﻃﻊ ﻣﺴﺎﻓﺎﺕ ﺍﻟﻌﺸﻢ
ﺷﺎﻳﻞ ﻣﻌﺎﻳﺎ ﻫﻮﻯ ﺍﻟﻌﻴﻮﻥ
ﻭﺁﻣﺎﻟﻲ ﻓﻲ ﺃﺟﻤﻞ ﻧﻐﻢ
ﺑﺎﻛﺮ ﺑﺠﻴﻚ ﻣﻦ ﺳﻜﺔ
ﺍﻟﻘﻠﺐ ﺍﻟﻌﺸﻖ ﺫﺍﺗﻚ ﺳﻨﻴﻦ
ﻣﻦ ﺻﺮﺧﺔ ﺍﻟﻤﺎﺿﻲ
ﺍﻟﻠﻲ ﻛﺎﻥ ﻗﺎﺳﻲ ﻭﺿﻨﻴﻦ
ﺧﺎﻳﻒ ﻳﻜﻮﻥ ﺯﻳﻒ ﺍﻟﻤﺪﻥ
ﻏﻴﺮ ﺃﺻﺎﻟﺘﻚ ﻭﺍﻟﺤﻨﻴﻦ
ﺟﺎﻳﻴﻜﻲ ﻣﻦ ﻟﻴﻞ ﺍﻟﻌﺬﺍﺏ
ﺃﺭﺟﻴﻨﻲ ﺑﺎﻟﺼﺒﺢ ﺍﻟﻤﺒﻴﻦ
ﻓﺘﻴﻨﻲ ﻟﻠﻴﻞ ﺍﻟﻄﻮﻳﻞ
ﻳﺮﻣﻴﻨﻲ ﻓﻲ ﺣﻀﻦ ﺍﻷﻟﻢ
ﺳﺒﺘﻴﻨﻲ ﺑﻴﻦ ﺷﺒﺢ ﺍﻟﻈﻨﻮﻥ
ﻭﺃﺣﺰﺍﻥ ﺑﺘﻨﺒﻊ ﻣﻦ ﻭﻫﻢ
ﺃﺭﺟﻴﻨﻲ ﻓﻮﻕ ﺃﺭﺽ ﺍﻟﺼﺒﺮ
ﺟﺎﻳﻴﻜﻲ ﻣﻦ ﺯﻣﻨﺂ ﺳﺠﻢ
ﻣﺎﻓﻴﻬﻮ ﻟﻸﻓﺮﺍﺡ ﻃﺮﻳﻖ
ﻭﻣﺎﻓﻴﻬﻮ ﻟﻸﻳﺎﻡ ﻃﻌﻢ
ﺑﺎﻛﺮ ﺑﺠﻴﻚ ﺑﻲ ﻟﻌﻨﺔ ﺍﻟﺮﻳﺪ
ﺍﻟﻤﻠﻚ ﻗﻠﺒﻲ ﺍﻟﺠﺮﻳﺢ
ﺑﻲ ﺣﺎﻝ ﺑﻴﻐﻨﻲ ﻋﻦ ﺍﻟﺴﺆﺍﻝ
ﻣﺎﺑﻮﺻﻔﻮ ﺍﻟﺨﺎﻃﺮ ﺍﻟﻔﺼﻴﺢ
ﺧﺎﻳﻒ ﻳﻘﺼﺮ ﺑﻲ ﺍﻟﻌﻤﺮ
ﺗﺤﻤﻠﻨﻲ ﻣﻦ ﺍﻟﺪﻧﻴﺎ ﺭﻳﺢ
ﻟﻮ ﻛﺎﻥ ﻣﻘﺪﺭ ﺇﻧﻲ ﺃﺭﻭﺡ
ﺳﻮﻳﻠﻲ ﻓﻲ ﺭﻭﺣﻚ ﺿﺮﻳﺢ
ﺳﺎﻓﺮﺗﻲ ﻣﺎﺧﻠﻴﺘﻲ ﺧﻴﺖ
ﺃﺑﺮﺍﻩ ﻟﻠﻤﺮﺳﻰ ﺍﻟﺠﺪﻳﺪ
ﺳﺎﻓﺮﺗﻲ ﻣﺎﺧﻠﻴﺘﻲ ﻟﻲ
ﻏﻴﺮ ﺫﻛﺮﺓ ﺍﻟﺰﻣﻦ ﺍﻟﺒﻌﻴﺪ
ﻋﻠﻤﺘﻲ ﺭﻭﺣﻲ ﺍﻹﻧﺸﺮﺍﺡ
ﻋﻠﻤﺘﻲ ﻗﻠﺒﻲ ﻳﺤﻦ ﺷﺪﻳﺪ
ﻓﺠﺄﻩ ﺇﺧﺘﻔﻴﺘﻲ ﻣﻦ ﺍﻟﺪﺭﻭﺏ
ﻭﺃﺧﻔﻴﺘﻲ ﻛﻞ ﺯﻣﻨﻲ ﺍﻟﺴﻌﻴﺪ
ﻟﻜﻨﻲ ﻟﻲ ﺇﺣﺴﺎﺱ ﺑﺴﻮﻕ
ﺧﻄﻮﺍﺗﻲ ﻟﻲ ﺃﺟﻤﻞ ﻋﻴﻮﻥ
ﺑﺎﻛﺮ ﺑﺘﻠﻘﻲ ﺧﻄﺎﻱ ﻣﻌﺎﻙ
ﺗﺘﻤﺸﻰ ﻣﺎﺑﻴﻦ ﺍﻟﻐﺼﻮﻥ
ﻣﺎﺗﻘﻮﻟﻲ ﻟﻲ ﻭﺻﻠﺖ ﻛﻴﻒ
ﻣﻴﻦ ﺩﻝ ﻗﻠﺒﻚ ﻳﺎﺣﻨﻮﻥ
ﻣﺎ ﻗﻠﺒﻲ ﺃﺻﺒﺢ ﻟﻴﻚ ﻣﻜﺎﻥ
ﻳﺎﺍﻟﻨﺎﺳﻴﻪ ﺇﻧﻲ ﺃﻧﺎ ﻟﻴﻜﻲ ﻛﻮﻥ
ﺑﺎﻛﺮ ﺑﻴﻨﻜﺸﻒ ﺍﻟﻀﺒﺎﺏ
ﻭﺃﻟﻘﺎﻛﻲ ﻓﻲ ﻓﺮﺡ ﺍﻟﺸﺒﺎﺏ
ﺑﺘﻘﺸﻲ ﻓﻲ ﺩﻣﻊ ﺍﻟﻔﺮﺍﻕ
ﻭﺗﺰﻳﻠﻲ ﻓﻲ ﺃﺛﺮ ﺍﻟﻌﺬﺍﺏ
ﺑﻜﺮﻩ ﺍﻟﻤﺴﺎﻓﺎﺕ ﺗﺠﺘﻤﻊ
ﻭﺗﻠﻢ ﻗﻠﻮﺏ ﻳﻮﻡ ﻋﻴﺪﺍ ﺁﺏ
ﻭﻳﻌﻮﺩ ﺷﺒﺎﺏ ﺍﻟﻔﻲ ﻫﻮﺍﻙ
ﻳﺎﺣﻠﻮﻩ ﺑﻲ ﺃﺣﺰﺍﻧﻮ ﺷﺎﺏ