الوسم: حنان النيل

حنيني إليك وليل الغربة أضناني
وطيف ذكراك بدمع القلب أبكاني
أقول ياريت زماني الفات يعود تاني
وألقاك ياحبيب عمري وتلقاني
تلقي الريد معايا لحظة مانسيتك ولانساني
ومابنساك ومابقدر ولاعايز بعد حبك أحب تاني
حنيني إليك وليل الغربة أضناني
وطيف ذكراك بدمع القلب أبكاني
أهرب من خيال طيفك في عيني بلاقيهوا
أعيش أيامي بالذكري ألم أفراح أعيش بيهوا
متين الليل بيصافيني بنعود تاني تاني تاني تاني تاني ونعود تاني من تاني
ألقاك ياحبيب عمري وتلقاني
تلقي الريد معايا لحظة مانسيتك ولانساني
ومابنساك ومابقدر ولاعايز بعد حبك أحب تاني
….حنيني إلييييييك…..

ياقائد الاسطول
تخضع لك الفرسان
يازو الفخار والطول
ارحم بنى الانسان
مين لى سماك يطول
ما بطولك اللمسان
معناك شرحو يطول
والله يا انسان
اصدق كفاك مطول
يا زو الحسن احسان
انا عقلى بيك مختول
والناس عقول ولسان
ما بنكر المعقول
أمنت بالايمان
يا الطلسم المصقول
بدل لى خوفى امان
يا النور سحرت عقول
كانت صميمة زمان
يا من تحق القول
قتل النفوس حرمان

تعالوا نغني حنيه و نبيض النية
نلم أطراف السوالف نسامر قمر العشية

سماحة الناس في التصافي سماحة الزول يوم يوافي
وكل العز في البكافح مالي ضراعو عوافي

نغني ونهزم شقانا نفجر صمت القوافي
عشان نرتاح في بيادر مخضرة وأزمان رخية

تعالوا نغني حنيه تعالوا نبيض النية

يا رزينة ٠٠
وصي عينيك الحنينة ٠٠
ترسم الفرح المهاجر
في عيون كل المدينة ٠٠
سيبي أحزانك تعالي
نحضن القمر البيلالي
فوق نجيمات الليالي ٠٠
نحكي للأطفال حكاوي
نهدي للناس الغناوي ٠٠
في الصباحات والأصايل
للرياحين والخمايل ٠٠
يا رزينة ٠٠
للرياح الهابة نحكي ٠٠
للنجيمة ٠٠
للغيوم نهدي التحايا ٠٠
غيمة ٠٠ غيمة ٠٠
ولي قمر طلا في جبينك ٠٠
وللنجيمة ٠٠
العيون كيفنها ؟؟
خلي بالك منها !!
الحزن فارقنا أمسو ٠٠
والنسيم يطربنا همسو
والصباح الطل جانا
فوق جيبنك
شارقه شمسو ٠٠
يا رزينة ٠٠
وصي عينيك الحنينة
ترسم الفرح المهاجر ٠٠
يا عيون كل المدينة