بحسب ليك في الايام
عشان ترجع تعود قوام
حبيبي الدنيا دار فرقة
وما معروفة لي قدام
**
بحسب ليك من يوم فتا
اريت يوم داك مافتا
وحشت الكون وراك كلو
معاك كل الوجود شلتا
والازهار شحب لونا
حتي الصفق حتا
والايام بدل تسرع
تقول بس واقفة في حتة
حتي البيت كساه ضلام
**
بحسب ليك وأعد الفات
واغلط في العدد مرات
وارجع تاني من اول
واشيل الهم من الباقيات
خلاص ماعدت اصلو اطيق
بعادك حتي لو لحظات
وماعاد لي صبر تاني
عشان اصبر علي الجايات
فضلت اعيش علي الاحلام
**
لما تعود حاشرح ليك
عن كل لحظة في غيابك
وانت متين تعود تاني
وهسع رحت يادابك
والزمن القبيل شالك
اريت لو حن ورجع جابك
عارف وبرضي بطمن
متين ياسيدي هو إيابك
تعبت خلاص من الآلام
