الكاتب: فيديو النيلين

حتى باقى العمر شيلو حتى باقى عمرى شيلو
اديتك القلب المعذب وقلت لي ألمو بتزيلو
إبقى في وارف رموشك فرحتو ولحظات مقيلو
تبقى نورو تبقى فجرو وتمنع الدمعات إسيلو
هسه لو داير تسيبو حتى باقي عمرى شيلو

بي محنه الزول بلوم دمعه في الخدين بتجري
كنت بأمل أنا في سماحك الظروف فرقتنا بدري
انت ماريدي ومنايا كل لحظه بتضوي عمري
وكنت دايرك ياحبيبي لو مره بي آلامي تدري
وهسه لو داير تسيبو حتى باقي العمر شيلو

في نهاية لومي ليك كنت بطمع تاني ترجع
كنت راجي الدنيا تبسم لينا في افراحا تجمع
ما انت ما الزول المن عرفتو طرفى ما اظن مرة دمع
اصلي عارفك يامنايا كل لحظه بتصبح اروع
وانت من طليت علي طرفي ما اظن مره دمع
وهسه لو داير تسيبو حتى باقي العمر شيلو

حتى باقى العمر شيلو حتى باقى عمرى شيلو
اديتك القلب المعذب وقلت لي ألمو بتزيلو
إبقى في وارف رموشك فرحتو ولحظات مقيلو
تبقى نورو تبقى فجرو وتمنع الدمعات إسيلو
هسه لو داير تسيبو حتى باقي عمرى شيلو

عشناك غنا يا اجمل مني
ان شاء الله في عشة هادية
فرحة تلمنا يا الله في عشة هادية
فرحة تلمنا
بريدك و ريدك انت زادنا في عمرنا
قبلك ياما توهنا و ياما كم سهرنا
شايلين المحنة و همنا نبني جنة
همنا نبني جنة جنة تلمنا
معاك الريد نتمو قلوبنا معاك يلموا
نعيشي سعادة حلوه غيرنا يعيش في همو
شايلين المحنة و همنا نبني جنة
همنا نبني جنة جنة تلمنا
الفرحة تضوي بيتنا يوم طلت و بنتي
نعيش ايام جميلة بتحنانك انت
شايلين المحنة و همنا نبني جنة
همنا نبني جنة جنة تلمنا

أنت الصباح الصاحي
وانت الغروب الباهي
وانت المياه العذبة
وأنت النسيم الصافي
***
اهوى العيون السوداء
واحب سمار فى خدودا
***
بهواك وازيد فى حبي
مهما تزيد فى جروحي
دا قلبي راح لقلبك
يا سيدي مالك روحي
***
أنت الصباح الضاحك
وانت الغروب الباكى
وانت المياه العذبة
وأنت النسيم الصافي

ماهو عارف قدمو المفارق يامحط امالي سلام..
في سموم الصيف لاح لي بارق..
لم يزل يرتاد المشارق..
كان مع الأحباب نجمو شارق..
مالو والأفلاك في الظلام ..
يابلادي كم فيك حاذق ..
غير الاهو ماأم رازق..
من شعارو دخول الماَزق …
يتفاني في شرفك تمام………….
مسرح الغزلان في الحدايق ..
والشوارع الغر والمضايق ..
قولي كيف امسيت دمت رايق..
ودام بهاك مشغول بي النظام……
الحبايب لفتو الخلايق …
وبيني بينم قطعوا العلايق ..
كان دلال كان تيه كلو لايق ..
نحن ماملينا الخصام …….
من حطامك انا غصني وارق ..
فيي شن خليت للطوارق…
غير قليبا في همومو غارق…
ولسانا بردو الكلام ………..
يادهر اعوانك تسارق ..
في كم شابت مفارق …
ماعلينا الفات كلو فارق…
دروبنا ولا نعي الملام…………….
في يمين حيث سابق ….
كنا فوق اعراف السوابق ..
في الضريح الفاح طيبو عابق ..
السلام يالمهدي الامام …………..
من علايل ابروف للمزالق ..
من فتيح للخور للمغالق ..
قدلة يامولاي حافي حالق..
بالطريق الشاقي الترام ..

الأمبررو سر الأسحار – فيلم وثائقي – عرض ومناقشة بحضور مخرجه عثمان هرون
تنظيم نادي السينما- النادي السوداني – ابوظبي – الأثنين 8-12-2014
تقديم المهنس/ حسام عثمان محجوب

ارض الخير افريقيا مكاني..زمن النور و العزة زماني
فيها جدودي… جباهم عالية…. جباهم عالية..جباهم عااالية
مواكب ما بتتراجع تاني
اقيف قدامها و اقول للدنيا انا سوداني
انا افريقي انا سوداني
انا بلدي..بلد الخير و الطيبة
ارض و خزاين..فيها جناين
نجومه عيون للخير بتعاين
قمره بيضوي ما بغيب ابداً داايماً باين
نوره بيهدي ليالي حبيبة
عليها اغني و اقول للدنيا انا سودااني
انا افريقي انا سوداني
شمسك طلعت و اشرق نورها بقت شمسين
شمس العزة و نورها الاكبر
هلت شااامخة زي تاريخي قوية و رااسخة
ملت الدنيا و خيرنا بيكتر
خيرنا بيكتر خيرنا بيكتر
شمس ايماني بأوطاني
دا الخلاني اقول للدنيا انا سودااني
انا افريقي..انا سوداني
***