الكاتب: فيديو النيلين

ياريت من اول وريتنا

انك يمكن تتأخر يوم

كان غايتوا اطمنا شويه

وبحرك ياليل ماطفنا نجومه

بيقول الغايب عزره

معاه وفى غيابك ياما نشيل اللوم

مرت لحظات وكمان ساعات

طالت وحياتك منتظرين

لو وشوش صوت الريح في الباب

يسبقنا الشوق قبل العينين

ونعاين الشارع نلقاه

عايم بدموع المغلوبين

العيد الجاب الناس لينا

ما جابك يعنى نسيتنا خلاص

مع انك انت الخليتنا

نعيش الحب ذكرى و اخلاص

صبحت دمعتنا وسألتنا

كده حاول اعرف لينا خلاص

شال النوار

ظّلل بيتنا

من بهجة وعدتك

وما جيتنا وفضلنا

وحاتك منظرين

شوف وين روحتنا ودّيتنا

رئيس تحرير جريدة سودانية : لن يفرط السودان في حلايب ولن نقبل إهانة البشير من إعلامي مصري

ماهو عارف قدمو المفارق يامحط امالي سلام..
في سموم الصيف لاح لي بارق..
لم يزل يرتاد المشارق..
كان مع الأحباب نجمو شارق..
مالو والأفلاك في الظلام ..
يابلادي كم فيك حاذق ..
غير الاهو ماأم رازق..
من شعارو دخول الماَزق …
يتفاني في شرفك تمام………….
مسرح الغزلان في الحدايق ..
والشوارع الغر والمضايق ..
قولي كيف امسيت دمت رايق..
ودام بهاك مشغول بي النظام……
الحبايب لفتو الخلايق …
وبيني بينم قطعوا العلايق ..
كان دلال كان تيه كلو لايق ..
نحن ماملينا الخصام …….
من حطامك انا غصني وارق ..
فيي شن خليت للطوارق…
غير قليبا في همومو غارق…
ولسانا بردو الكلام ………..
يادهر اعوانك تسارق ..
في كم شابت مفارق …
ماعلينا الفات كلو فارق…
دروبنا ولا نعي الملام…………….
في يمين حيث سابق ….
كنا فوق اعراف السوابق ..
في الضريح الفاح طيبو عابق ..
السلام يالمهدي الامام …………..
من علايل ابروف للمزالق ..
من فتيح للخور للمغالق ..
قدلة يامولاي حافي حالق..
بالطريق الشاقي الترام ..

هسه خايف من فراقِك – لما يحصل ببقي كيف
زي ورد في عز نداه – خوفه بكره يزوله صيف

من عِرفِتك — كنت حاسس الزمن لي ما بيسيبك
كنت حاسس — رغم حبي إني زي الما حبيبك
والحنان — البينا ولف لا نصيبي ولا نصيبك
الزمان عارف مصيرنا حقه لي ما كان يجيبك
هسه خايف

الفرح في دربي عارفه – أصله ما بيطول كتير
زي غمام في سمايا عدي – وسابني في عز الهجير
كم فراشه علي ورده طاله – أصله ما قايله بيطير
فات وراح شايل هناها خوفي من نفس المصير
هسه خايف

يا زمن علمني أنسي – المحال نسيان عيونه
حتي لو أيامي طالت – ما أظني أعيش بدونه
ما أظن أيامي تاني – زي حنانها تكون حنونه
إنت خوني زماني كله إلا أوعك يوم تخونه
هسه خايف

حقه يا عيني توالفي الصبر قبال فراقه – قبال فراقه
ما إنتي عارفه الجاي بكره وبرضه تغرقي في إشتياقه
كم عيون في الريده غرقت – والزمن من ريده ساقه
ما كتير القلبه حبَ و ياما كم في هواه لاقي

هسه خايف من فراقك – لما يحصل ببقي كيف
زي ورد في عز نداه – خوفه بكره يزوله صيف

هاي قليل يا طيف اقيف و ارجاني
وين فايتني عابر ؟؟!!!
وانا شين حارس وراك انا تاني؟؟
ياني معاك مسافر
وين حتى الطيف رحل خلاني
ما طيّب لي خاطر
الليلة لا تقول ليّ هيّ كدي استناني
بمشي و اجيك باكر !!
يبقي انا ما الم فيك تاني
مين عارف المصائر
وين حتى الطيف رحل خلاني
ما طيّب لي خاطر
الليلة هاك اسمع رنين الحاني
ابقي معايّ سامر
خفف لي قليل احزاني
ياما انا عشت صابر !!
وين حتى الطيف رحل خلاني
ما طيّب لي خاطر
الليلة شوف كيفن يسوي زماني
ديمة عليّ جاير
آه مر العذاب وراني
سهمو في قلبي غائر !!!
وين حتى الطيف رحل خلاني
ما طيّب لي خاطر
الليلة شوف الليلة كيف بستاني
الكان باشي ناضر ..
من حر السموم بيعاني
طيرو يفر يهاجر
وين حتى الطيف رحل خلاني
ما طيّب لي خاطر
الليله جفّ يبس صبح صناني
لافح حرو كافر
عدمان الضليل سواني
مجنون قالوا شاعر
وين حتى طيفو رحل خلاني
ما طيّب لي خاطر
الليله كل ما تمر تعدي ثواني
منو أسراب تغادر
رحل الفيهو صرت وحداني
نازل ومرة سادر
وين حتى الطيف رحل خلاني
ما طيّب لي خاطر
الليلة أنا بحوم وأرجع وأصد بكاني
مقطوع راسي حاير
وين أحبابي وين خلاني
آه يا الله قادر
وين حتى الطيف رحل خلاني
ما طيّب لي خاطر
الليله ما عارف العلي تراني
فوق كرعي ساير
وأسكت أسوي في أوزاني
أشعار مالا آخر
وين حتى الطيف رحل خلاني
ما طيّب لي خاطر
الليله وإنت ياطيف عليك أحزاني
ليّ شوية كابر
عشان خاطر قليبي عشاني
لحظات بس تخاطر
وين حتى الطيف رحل خلاني
ما طيّب لي خاطر
يمّه النوم أبا وجافاني!!!
وأصبحت داجّي ساهر
وين حتى الطيف رحل خلاني
ما طيّب لي خاطر

في الطيف أو في الصحيان زورني *** ياحبيبي أنا عيان
مالو لـو فـي بعـض الاحيـان **** تسمح لـي صحـوا اراك عيـان
تاخذ ياحبيبي عـن حالـي بيـان**** عسي تبقي قلوبنا في الغرام سيـان
ياالفريد في حسنك وبهجة امدرمان**** لي من شوفتك يا حبيبـي زمـان
أنا ساهر ونـوم عينـي حرمـان **** وانت بين اترابك في نعيم وامـان
النحول علي جسمي يا حبيبي بيان**** وانت جسمك نامي وبالنعيم طربان
لو رأك الناسك المـن الله جبـان **** بيك يفتن ويصبح بالغـرام تعبـان
قبل حسنك قط مارايـت انسـان **** فاق العسجد لمعة والحريـر لمسـان
كيف يحصر وصفك ياحبيبي **** لسان والبان اتعلم من قامتـك الميسـان
مالـدرر لثنـاك مابنـت الحـان **** للمـاك وايـه نفحـة الريـحـان
انت حسنك كامل لكـن لمحـان**** خدك قاسـي وقلبـك ماحـان