الكاتب: فيديو النيلين

عارفني بريدو زاد دلو علي

انا دبت في ريدو عطف و حنية
من ريدي ازيدو و هو يقسى علي

عارف في هواهو كم انا متفاني
اتنفس ريدو و اريوهو اغاني
و القلب رهيف عايش بي حناني
كل الفي قلبي القى لسني

يهجر من كلمة و يجيك بي رواية
مرات كدا ساكت يحلالو اسايا
لو قلت اعاتبو كان تبقى حكاية
دي عيون في الريدة دايما بكايا

يرضيني بي قربو بي صدو يكاوي
يعشق في عيوني دمعات الغاوي
يومين حنية يوم هجرا كاوي
يا اخوانا حليلو يجرح و يداوي

ما بنختلف
درسني بس قانون هواك
بحفظ حروفو..حرف ..حرف
أول بشيل الضمة ديك
وأبرز سكون حرف الوقف
واكسر عيوني أمام عينيك
واحفظ ملامحك بالوصف
أنا ببقى زي قيس زي جميل
أبكي واجن أشكي وأعف
ونرجع الريد الزمان
القالوا عند الناس خرف
شفاف وشوفتك شفا
وزعلك يشفق وبعترف
في سري في الغيب من سنين
ما قايل الغيب بنكشف
سامحني مرة إذا نسيت
ما تبقى صارف ومنصرف
لو حتى حق الريدة هان
انا لي عليك حق الولف
أنا عندي ليك سر من زمان
داير أقواو ومنكسف
كل ما أقول قربت ليك
ألقاني بادي من الألف

حبيبي تعال نشوف حوالينا … نشوف الناس الشامته علينا…
حرام نزعل ونحن بقينا … أحلا قصة في أحلا مدينا حبيبي تعال تعال تعال …
حبيبي تعال نشوف قدامنا … وننسى زعلنا وننسى خصامنا شمعة ريدنا ضاوية ضلامنا(ظلامنا) … تنور بالأمل أحلامنا حرام نزعل ونحن غرامنا … في الأيام عبيرو هيامنا …
حرام نزعل ونحن بقينا … أحلا قصة في أحلا مدينة . حبيبي تعال تعال تعال … اه ااه اااه .