التصنيف: اغاني

رمان موسى .اغنية ليل العشم ..كلمات والحان : علاء الدين الجاك

البسأل ما بتوه……..
البسأل ما بتوه دارنا نحن قريبة ليه …
انت ما مجبور علينا نحن مجبورين عليك …
كان سألت علينا كنت عرفت احنا الليلة وين …
كنت اول لما آحنا نغيب ثوانى تقول سنين …
غيروك يا وحيدنا ؟ ولا صابت ريدنا عين …
اشتهينا تكون معانا .. ما لقينا حنان عينيك …
انت ما مجبور علينا نحن مجبورين عليك …
مرة شفناك يا الحنين طالى فى حارتنا صدفة …
جابنا ليك الريد وجينا الحصل جابتا الفه …
ولا لالا آلجابنا ليك .. لو بتطرا دربنا عرفه …
ان سرحت شويه فينا وما رجيتنا عشان نجيك …
انت ما مجبور علينا نحن مجبورين عليك …
لسه مستنين تجينا ناسى طالبنك زيارة …
يا جمال فرحتنا شاتل الصباحة بالنضارة …
كان عمرنا زمان وروح .. فى رجاك ما راح خسارة …
انت ما تفكر تجينا .. نحن بالافراح نجيك …
انت ما مجبور علينا نحن مجبورين عليك

يادنيا وحاتك سيبينا
ده القمر اتواضع واتدلى
ياربى ده جاى يعذبنا
وكمان بقلوبنا بتسلى
الرقه بكل معانيها
والذوق ده مفصل بمقاسه
الناس مشتاقه تلاقيهو
فى غيابو كتير تعبو وقاسو
وحديثه الناعم يطربنا
ده العايش فينا باحساسه

لناس تتمني من الدنيا والدنيا المنه بتتمني عيونه الناعسه بتتعبنا ووجوده كتير بفرحنا دا كلامه البجبر خاطرنا وعتابه حقيقه بيجرحنا واحزانه العايشه في جواهو بنشيليها بدالو دوام نحنا

ست العينين عطر الصندل
لوشفتها يوم عمرك يطول
يمتد سنين
خطوات فنان ايقاع موزون
همسات شاعر دايب فى فنون
رقة واحساس كيف ليها اخون
اية خالق كم ليها اصون
من عين الناس
ست العينين عطر الصندل
لو شفتها يوم عمرك يطول
يمتد سنين
لو شفتها عاد كيف تصبر
ضي القمرا وزايد اكتر
زهرة ياسمين وانفاس عنبر
زفة روعة وربك يستر
من عين الناس
ست العينين عطر الصندل
لوشفتها يوم عمرك يطول
يمتد سنين
يا نغم فنان حاسى فى جواي
يا احلى كلام يتقال فى غناي
يا عيد العيد الحاسى براي
يا اجما طيف شفتو فى دنياي
الله يخليك من عين الناس
ست العينين عطر الصندل لوشفتها يوم عمرك يطول يمتد سنين

صدفة غريبة لقيتو الليلة صدفة جميلة لقيتو الليلة ماالليلةدى اجمل ليلة بعد غيابو ليالي طويلة صدفة غريبة جانا زاير بثغرو الباسم وخدة الناير بحنانو وعطفو وشوقو الظاهر والامل القرب ليوم باكر والنور الفجر دربي بشاير بحب واماني وعاطفة نبيلة لقيتو ولسة الشوق فى عينيهو وحسيت بالرعشة في ايديهو لو شفتو الخجل الكسا خديهو والبسمة الحلوة ودلالو وتيهو بتقولو عذابي شوية عليهو وليالي سهادي برضو قليلة حبيبي حبو في الوجدان تضمو ضلوعي بشوق وحنان طيفو معاى في كل مكان يسقي فوادى الهوى الوان ويطرب روحي بالالحان وعشانو بشوف الدنيا جميلة

كنت معاك سعيد والليله في بعدك ما أضناني
اصبر يمكن يفيد صبري ويمكن نرجع تاني

خائف الناس تغريك تنسى دموعي وتنسى حناني
وأفضل مخلص ليك لو حتى سعادتك في حرماني
واضحي بزهرة عمرى علشان ما تعيش طول عمرك هاني
واروي حقيقة أمري واستشهد بالحاني
عرفت الحب من قبلك مره وانت الحب العاش في كياني

بهرب منك لرضاك وبحاول من أجلك أنساك
امهد ليك تتخلص منى القى خطاي تجمعنى معاك
لو تعرف عايش على الصبر كل حياتي من أجلك
تعرف يوم في دنيا غيابك يساوي سنين في دنيا هناك
يا أعز عزيز في دنياي أنا طامع أبقى عزيز دنياك

Read more: http://www.blue-nil.net/vb/showthread.php?t=18357#ixzz3EoSKXR00

صَهْ يا كنارُ وضعْ يمينكَ في يـدي
ودعِ المزاحَ لذي الطلاقـةِ والددِ
صه غيرَ مأمـورٍ وهـاتِ هـواتناً
دِيَماً تهشّ علـى أَصِـيد الأغـيد
فإذا صغـرتَ فكـنْ وضـيئاً نَيّراً
مثلَ اليراعـةِ في الظـلام الأسود
فإذا وجـدتَ من الفكـاك بوادراً
فابذلْ حياتَـكَ غـيرَ مغلـولِ اليد
فإذا ادّخـرتَ إلى الصباح بسالـةً
فاعلمْ بأن اليومَ أنسبُ من غـد
واسـبقْ رفاقَكَ للقيـود فـإنني
آمـنتُ أنْ لا حـرَّ غيرُ مُقيَّد
وأمـلأْ فـؤادَكَ بالـرجاء فإنها
«بلقيسُ» جاء بها ذهـابُ الهدهـد
فإذا تبدّد شـملُ قومكَ فاجْمَعنْ
فإذا أبَوْا فاضربْ بعزمـة مُفـرَد
فالبندقيـةُ في بـدادِ بيوتـهـا
طلعـتْ بمجـدٍ ليس بالمتبـدّد

صه يا كنارُ فما فـؤادي في يدي
طـوراً أضـلُّ وتارةً قد أهتدي
وأرى العواذلَ حين يملكني الظما
فأمـوت من ظـمأٍ أمامَ المـورد
وأرود أرجـاءَ البـيانِ دواجـياً
فأضـيق مـن آنائـه بالشُّرَّد
أنا يا كنارُ مع الكواكـبِ ساهدٌ
أسـري بخفـق وميضها المتعدّد
وعرفتُ أخلاقَ النجـومِ، فكوكبٌ
يهبُ البيانَ وكوكبٌ لا يهتدي
وكويكبٌ جمُّ الحياءِ وكوكـبٌ
يعصـي الصـباحَ بضوئه المتمرّد
إن كنتَ تستهدي النجومَ فتهتدي
فانشدْ رضايَ كما نشدتَ وجَدِّد
أو كنتَ لستَ تطيق لومـةَ لائمٍ
فأنا الملـومُ على عـتاب الفرقد

صه يا كنارُ، وبعضُ صمتِكَ موجِعٌ
قـلبي ومُـوردِيَ الردى ومخلّدي
أرأيتَ لولا أنْ شـدوتَ لما سرتْ
بي سارياتُكَ والسُّرى لم يُحمَد
حـتى يُثوِّبَ للكمـاة مُـثَوِّبٌ
ليذيبَ تاموري ويحصب موقدي
أنا لا أخاف مـن المنون وريبِها
مـا دام عزمي يا كنارُ مُهنَّـدي
سـأذود عن وطني وأهلك دونَهُ
في الهالكـين فيا ملائكةُ اشهدي

خلي العيش حرام مادام أرى الموت يحل
مابين الرميش فوق للطريف الكحيل

هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
ولا لان إشتياقي وقلبي أصبح وجيل
واتمنت محاسنك روحي يلمع ده جيل
ولا من جمال يرفع لي قدرك يجل
يتمنى الهلال ينصاع لي قدميك حجل

ومن فوق لي الحسود لو كان غضب او قبل
ما بنخاف رصاص من غيرو تشفي السدل
بالحب كم غدير فينا وجريح منسبل
لاقينا الهلاك بي جرعة من سلسبيل

بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
يالمنك معار تكحل شويدن الخميل
علمت الغصون مع النسيم كيف تميل
مختارك يحاكي الشولة ودمعو الهميل
التختارو لينا لاشك جميل ياجميل

غبتي والغنــــــــــــــا ريقو يابس
غبتي والأيـــــــــــــــام عوابس
غبتي زي غيبة النــوارس
لما تلقى المـــــــــــــــــــوج ملبك
والشتيلة قليبـــــــــــــا عـــــــــــابس

تلقى خاطر النيل مجرح فاقد الزول البآنس
وحشة الليل بى حنانو وبى حديثو الديمة هامس

كم غمام يسألني عنك .. كم مرافئ وكم مشارع
يسأل النيل ضفة ضفة .. وينا جلساتنا الروائع
وين اغانى المغربية لما يبقى الليل مو سامع

يدى إحساسنا الهوية بينا طفل الريدهو شافع
ياحليل يانع غناىا تراهو وسط الفرقة ضايع
ومين سواكى يكون ضراهو يلفى لحنو من المواجع

كلمات الشاعر الراحل/ عبدالله محمد خير.الحان وغناء الفنان/ صديق أحمد .

وشوشنى العبير فانتشيت وساقنى الهوى فما أبيت
يد الحرير ارتعشت بكفىّ بكيت من رعشتها بكيت
*****
صبية … العطر يشتهيها أمذنب أنا إذا اشتهيت؟
سافرت في عينيها دهوراً فما أرتوت عيناي … ما أرتويت
جدائل الليل على كتفيها تهدّلت حولى فما أهتديت
******
حبيبتى أغرودة العذارى ورنة الأفراح إن غنيت
حبيبتى أنيقة العطايا تهمى هوى إذا أنا هميت
أجمل منها ما احتوى فؤادى فالعبق الصادح مااحتويت
*****
لا تسألونى كيف كان الملتقى وكيف فى دروبها مشيت
وكيف طاف الثغر فى إبتهال وكيف فى محرابها صليت
سرّ عميق حبها بقلبى ما قلته للناس .. ما حكيت
*****
فإن روى القيثار سرّ قلبىّ قولوا لها ما قلت .. ما رويت
لكنه حين بكى حنينا بكيت من رقته بكيت

كلمات/ محمد الحسن سالم حميد.غناء والحان الفنان الراحل / يس عبدالعظيم. مشاركة أداءالفنان/ عادل عثمان الطيب.

في عز الليل .. ساعة النسمة ترتاح .. على هدب الدغش وتنوم أنا مساهر ..
هد الحيل .. غرامك
واجترار الذكرى ..
طيفك في خيالي يحوم ,,
ويا هاجر ..
*****
انا والليل .. ومر جفاك
مساهرين نحكي للافلاك
لاخلصت حكاوينا ..
لالقينا البداوينا ..
يامشهيني طعم النوم ..
وطيفك في خيالي يحوم ..
وياهاجر ..
*****
سنين مرت . . ومروا سنين
.. وبراك عارف وبي ادرى
والحال ياهو نفس الحال
وفي جواي صدى الذكرى ..
وجرحك ياغرام الروح
لاطاب لابيدور يبرئ ..
ده جرحك مهما طول وغار مطبوع فيني بالفطرة ..
وبين الذكرى والنسيان . .
مسافة قريبة يا انسان ..
*****
ولو حاولت تتذكر ..
تعيد الماضي من أول
تلقى الزمن غير ملامحنا
ونحن بقينا مانحن ..
وانا الصابر على المحنة ..
ولو كان الزمان قساك
.. انا ماقسيت ..
ولو في يوم زمن نساك
انا مانسيت ..
وفي عز الليل ياهاجر
. . أنا مساهر ..