التصنيف: اغاني

يا غريب عن ديارك مصيرك تعود .. بعد غربة سنين مصيرك تعود
تحكي لي يمة شوق شال منامك زمان
تحكي ليك الحنين
يابا عاتب ليك
ليه رسايلك قلال
ياخي ما بصح ليك
شوقنا ليك عمرو طال
…… ……. ……

الصبية أم عيون
شوقا ليك يوم تعود
راجية منك وعود
تزرع الريد في دربك بأجمل ورود
ريدا فايت الحدود
و بررضو عاتبين عليك
ليه رسايلك قلال
ياخ ما بصح ليك
شوقنا ليك عمرو طال
…. …. …..
يا ليل الغريب
قصر علي سمارك
و ارجع يا غريب
فرحك هناك في دارك
يغشاك الغمام
تصبح نسايم نارك
….. ….. ….

عزاز علينا الشالو نوم عينينا فراقهم جبري ولا لا مابإيدينا
دوام اطراهم وهم بلسم جراحي بتن يالله يقيف دمعي ونواحي
يعود حبيبي تعود معاهو افراحي يتلاشى ريدي جميل يشرق صباحي
عزاز علينا الشالو نوم عينينا فراقهم جبري ولا لا مابإيدينا
ودادنا ليهوهو للوداد نافي يتابع ظنو يجيب زعلو من مافي ودادنا
بتيين يادهري دليلو لي الصافي يعود حبيبي ملك حير اوصافي
حنان علينا الشالو نوم عينينا فراقهم جبري ولا لا مابإيدينا
هو منانا وكان للعهود صاين اسيبو لا لا ابدا علي ماهاين
ترك ديارنا رحل ساب المداين يالله كيف حالو وانا حالي ظاهر
عزاز علينا الشالو نوم عينينا فراقهم جبري ولا لا مابإيدينا

بستنشقـــــك وأكتم هواك جواى..على مر السنين .. وتعيشى فيني على الدوام
أبداً..أبداً ما أتنفسك ..
تتخللى الروح و المسام
وأتخطى بيك سخف الصغائر واللئام..
وأحبـــــك تانى ومن جـــديد
وابداك معاى انا ياسلام وأحدثك
عن الزول البرسل فيك الأغنيات
ومن الصغر كان بيعشقــــــك
تزدهر فينى الفصـــــــــول
ولما انم انا بغنــــــــاك
قامتى بتطـــــــول
وابقى قادر انى اتمــدد على طول الزمن
ومن المحــــن
ومن المحن يا عــــــــازة يا أم الكرام
وحدة نضـــالنا بتحرسك..
ومن المحن ياعازة يا أم الكـــــــرام
أنا والمعـــــاى بنحرســــــــك

بستـنشقـــــــــك

يا سحابة الرحمة مري
وكمان فوتي واغشي دارنا وكلميها
قولي ليها الطال غيابو مصيرو يرجع ليك وليها
في عبورك يا سحابة اوعي تنسيها الوصية
بي غمامك ظلليهم وغازلي الشمس الوفية
شيلي من وهجه البيلفح خصميها تحن شوية
عطري الجو بي نسيمك رشتك تبقي الهدية
فيها واحة واستراحة من الكبير قبل الصبية
دي البلد متسني جيتك بالحروف النرجسية
بالكرامات والكهارب والمفارش سندسية
انتي في راحتك سكونا وعزة الهنية

لما تتحرك مواكبك والقلوب تعلن رحيلا
الجميع ليك بلوح بالعبارات الجميلة
والنخل طربان يغني فرحة والاغصان يميلا
والخضار التحتو شايل لون الوجنة النبيلة
والصغيرونة الحليوه في الظليل نشوانه تعلب لما النوم يشيلا
والطيور الراحلة ترجع وياما ترتاح في الخميلة
وتلقي داك فنان يراقب يرسم اللوحة الاصيلة
ياها عيشتنا الجميلة الحاشا ما بندور بديلا

كورال الأحفاد 2006 اغنية انا في هواك ضحيت

انا في هواك ضحيت ياحبيبي لو تعلم
وعزولنا نام وارتاح وانا قلبي ينزف دم
رحيل ياملاك وقالو مابنتلم
حافظ علي زكراي الدنيا مابترحم
صابر علي الايام وانا عمري مابندم
لوضاع شبابي فداك تعيش ولي تسلم
دايما امني الروح امكن انوم واحلم
احظي بيشوفتك انسي الدموع والهم
اتغني بسحرك سحرك فريد وعدم
والبدر لو شافك وحيااااتك يتلثم

يا نديمى دعك من عثرات قول
واترع الكاس تناجى الكون مثلى
تظننى ابيد العمر لهوا لا لا كلا
اذ انا جسم به البركان يغلى
سوف ياتى باسم الثقر يلوح بالامانى
ضىء عينيه بريق وغموض ومعانى
يحمل الروح اليا يزرع العطف نديا
يسكب الاهات همسا فى ثنايا اذنيا
وبها احيا وانسى ما ضنانى
حينما يبدو حبيبى فوق افق القلب يحبو
فوقه هالات نور بها الاضواء تخبو
واغاريد الامانى فى حنايايا تشب
مثل سريان الحقيقة فى مشاعرنا العميقة
مثل حلم الدهر ياتيك سريعا فى دقيقة
عندها انسى ديارى
عهده بالحب ايام ستكثر وتطول
ويح قلبى منك يا بدرى اذا حان الافول
قبل ان نحصد زرعا ماؤه قد كان دمعا
وتباريحا وشوقا وصدودا وامل
انما قلبى عنيد لا يبالى لا يمل
ينظم الحب اغانى
لا
لا
لا تسلنى
ضىء عينيه بريق وغموض ومعانى

مين فكرك يا حبيبي
مين الهداك اليَ
جرحى قرب يطيب
جددته تانى عليَ

أنا قلت حبنا راح
مر الزمان وطواه
والباقى منو شجن
وعذابنا فى ذكراه
لقيتو أكبر حب
بين الضلوع مأواه
ماقدرت يوم أنساه
ولا هان على أسلاه

لكنى رغم البين
رغم الفراق الطال
كانت مشاعرى تقول
أبداً فراقنا محال
ما ليَ غيرك شريك
ما ليك غيرى مآل
جمعت قلوبنا محبه
ربطت حياتنا آمال

يا حبيب كفانا خصامنا
كفانا هم وضنا
ما بتقدر إنت تلومنى
وما بعاتبك أنا
ما كان بإيدنا شقا
وما كان بإيدنا هنا
حسد القدر فرقنا
هو العلينا جنا

يابنية فوق الولد شكرو ماشوية الليل فوق الولد شكرو ماشوية اخوك اللصم البقود ميه
انا لاخاف لاشرد اخوك ياريه ديارنا البيه محميه .
من قومت الجهل لافز لااضارا انا من حمرت عيونو اسلمو نصارا ياالفارس ياالقادل الضعيف ركاز الحارا
يوم دقك النحاس والنفوس خايفات الخيل قلبن والسيوف طايفات دا اللصم عيوني الشايفي

دابي السار الرسى فوق الدرب القسا

مرقو التور والنحاس على البارود والرصاص

مرق الدود للدواس تيران شتكيت ليها راس

فحل القوق في السباع صيتك ال للبرنو شاع

لاك سديس لاك رباع كلس يا اب نايبا ضراع

فوق ابواتي انا بجر حديثا صح مو فشر

ابوداؤود صافي حر ركيزة العادم البصر

تغني ليك جدية الزرع ليك يا المابتنخدع

يوم السيف والدرع سريع الكف للصقع

تغني ليك جدية التمام نمر الصاقعة ام لحام

وكتين خرب الكلام يخوجل شايل اب قيام

تغني ليك الفوق في العبك ويا خيري اشكرك

عمر حلال للشبك بدخل ام بارودا عبك

الليل بجيب شتمي واجلدو ولي اخواني برسلو

كان هن فزو وجرو وبجز قرني واكسرو

مرقو عيالي الميرفاب يعرضو اتسومتو ما بتشردو

وكت العود دقا طبلو زي الغابات يبردو

ما دام نسى العشرة
واختار سوانا حبيب
خلينا لي الأيام
لو لي ضميرو حسيب
قت ليهو يا مغرور
ليه الجفا والتعذيب
قال لي في عذرو
كلام غريب وعجيب
اتنكروا الاحباب
ما أصل المحبة نصيب
وما أظن أصيل وصميم
يبدِِل حبيب بي حبيب
وا ضيعة أيامي
ما بين ضنا وتعذيب
خلفت فينا جرح
محال يداوي طبيب
الحراقة نارو شديد
جميل رشيق فنان
ودَر عهود الريد
يا ظالم الوالاك
واخترت غيرو حبيب
وما بتدري للظالمين
يوماً عصيب ورهيب
نصيحة لي العشاق
من زول بحب ومجرِب
ياما في دنيا الحب
أهوال تخيف وتشيب

يهديك يرضيك الله .. يخليك… الله يخليك
و يشيل من عمرى أنا .. ويديك
الله يخليك في عيونك ديل أنا شفت الويل
و يمين ما ليك في قلبي شريك

ليه يا حبيبي طبعك بقى ما زي زمان
وأنت عارف حنية قلب الفنان
حساس و ما بيرضى يشوفك يا جميل زعلان
بحر الحنان جوة عيونك و أنا العطشان
بشبابي ونور عيني أفيديك

إن كنت ناوي تهجرني من دون أسباب
بالله أوعى تصارحني خليك كذاب
أنا خااايف .. وعامل لزعلك يا حبيبي حساب
ليه في الخصام نفني عمرنا وقلوبنا شباب
فايتني أشكي و أحكي لي مين بعديك

سألوني عزالى مالك مشغول
أكتم هواي في ضلوعي من كل عزول
فضحني عيوني في الحب والشوق وتقول
عاشق وخايف لكن خجول
و لمتين فايتني آحكي وأ شكي و أبكي لمين بعديك

يهديك يرضيك الله .. يخليك الله يخليك
ويشيل كم عمري أنا ويديك
الله يخليك

يا سمسم القضارف الزول صغير ما عارف
قليب الريد الريد كل ما هويتك شارف
يا حبيب بريدك ريدة ريدة الحمامة لي وليدا
يا حبيب تعال تعال تعال نتم الريدة
يا سمسم القضارف الزول صغير ما عارف
قليب الريد كل ما طريتك شارف
لو ما بخاف الروقبة بسير معاك العقبة
عقد السوميت يالفصلوك للرقبة
يا يما مالى وحيدي شايل السبيل في ايدى
مابي الفراش داير الرقاد فوق ايدي
يا يما ما تدقنو العقر ما بيلدنو
انتنين جنيه من امو ما بكفنو
يا حبيب بريدك ريد ريدة الحمامة لي وليدا
حبيب تعال تعال خلي انتم الريدة

لازمني ابتسم
ولا فارقت هم
اصلو الريد قسم
مقسوم لي الم
يابدر الليالى
حبى ليك مثالى
ارحم وحن لحالى
مادام البينا غالى
لا اغرونى غيرك
ولا خليت مصيرك
للسا مازال قليبى
للسا مازال اسيرك
ساعى دوام لقربك
ودايما عنى باعد
ومرة تحن عليا
وكتير مرات تعاند
لا زمنى ابتسم
ولا فارقت هم
اصلو الريد قسم
مقسوم لي الم

الزهور والورد شتلوها جوة قلبي
عشان حبيبي تذكراو ديمة عندي

حبيبي يعلم ذكراهو خالدة عندي
وطيف خيالو متي إمتي غاب عني
ثم أجتمعنا في تأني وفي تمني
ثم أفترقنا وكأني وكأني

فيا صحابي يكفيني صنت عهدا”
من المودة وجزاي كان صدا
الجور تفشي والهجران تبدا
الحب تولي والاخلاص تعلا

ترِك حمامة تخبرني بي هياما
تقولي اصبر في العجلة النداما
فكم صبرنا وكم كم كم الي ما
تطير عقولنا تخبرنا بالغماما

حبيبنا شرف أخذني في قدومو
عرفني مزعج وتدلي من نجومو
بأيه يثبت انو وحات عيونو
اخلاصو ظاهر وياربي لي تصونو

الزهور والورد شتلوها جوة قلبي
عشان حبيبي تذكارو ديمة عندي

فيديو .. الشاب امير & محمد الجزار – مابستحمل

جديد السلطان طه سليمان – سحابة صيف 2014

عن حبيبتي بقولكم
عن حبيبتي أنا حأحكي ليكم
ضل ضفايرا ملتقانا
شدُّوا أوتار الضلوع
أنا بحكي ليكم عن حنانا
مرة غنت عن هوانا
فرّحت كل الحزاني
ومرة لاقت في المدينة
الحمامات الحزينة
قامت أدّتا من حنانا
ولما طارت في الفضاء
رددت ألحن رضاء
وكانت أول مرة في عُمر المدينة
أنو نام مكتوم حزينا
تحيا محبوتي الحنينه
*
ساوّه ليكم..بإيدينا شاي
وحالبالكم ضي القمرا
مخبّيه في جيوب الليل
متى ما تدورو بترويكم
وما ممكن تخليكم
تجيب النجمه تديكم
عشان كان نورا ماكفّي
تجيب ضوا يكفّيكم
وعن حبيبتي بقول لكم
ولسه برضي حاقول لكم
يلا صفقوا كلكم

القلب البعتو ..والريد الخنتو
انا قلبي معاك ..سافرت وشلتو
••
كلمات : محمود الجيلى
الحان : محمد جزار