التصنيف: اغاني

يا حنين زي عش العصفور
معروش بالنور كله محبة
يا الشلت حلاة كل الحلوين
ما سبت وراك زول يتحب

يا حنين قلبي متين يرتاح
من بحر الريدة وأمواجا
والدمعة معاك تصبح شمعة
والزهرة كمان تلبس تاجا
لو سبت العين تتأمل فيك
ما بتاخد من حسنك حاجة
عينك للريد فيني مبين
يا حنين

يا حنين بيك الليل ضوا
رقة وإحساس طيبة وخوة
لو تعرف أصل الريد هو
لا سلطة بتحكمو لا قوة
وآه منو الريد لما يصيبك
بتغلغل في الأعماق جوة

يا حنين لما تسيبني تروح
الدنيا وراك تصبح آه
تبقى الأيام غير الأيام
والبهجة بتفقد معناها
أنا ليك بتقطر حنية
بتمنى بسيمتك ألقاها
ألقاها متين أنا ما عارفة

كلمات اغنية ” بعد ما فات الاوان ” للشاعر التجاني حاج موسى
**************
من بعد ما فات الأوان
الليلة جاى بتعــــــــتذر

بترجع أيامنا الزمـــــان
من وين نجيب ليك العمر

وفرحت بيك مديت دروب الريد سماح

وغزلت ليك طيبة مشاعرى غطا ووشاح

لكنى وآضيعة رجـــــــــــــــــــــــــــــــــــــاى

رديتنى مكسور الجنــــــــــــــــــــــــــــــــــاح ..

وسقيتني بعد الحلوة مــــــــــــــــــــــــــــر

بعد ما فــــــــــــــــــــــــــــــــــــــــــــــات الاوان

يا البى غرورك كم قسيت

كان ظنى فيك تكون حنين

غالبت أحزاني ومشيت

فى سكة الشوق بالسنين

وبراى بالنارانكــــــــويت

صليتني بعد الفرقة بين

لحد ما كمل الصبر

من بعد ما فات الاوان
الليله جاي تعتزر

كلمات اغنية سوات العاصفه كلمات / ابوقطاطي

سوات العاصفة بي
ساق الشتيل الني
وفعل السيل وقت يتحدر
يكسح ما يفضل شي
دا كان حبك وقت حسيتو
شفت الدنيا دارت بي

وقت شفتك ..
شعرت الرعشة من صوف راسي
لي كرعي
ومن الساعة ديك ياالسمحة
ولع فيني جمر الغي
كتمت الريدة ما شافوها
ناس الحي
وقلت الجنة عاد انشاالله
ما يقسن دروبها علي

ونجم الليل
منو العداهو غيري
وزاد حسابو شوي
وسافر بي خيالو هناك
صنقر فوق سحاب الري
بنيت في الموج قصور آمال
ومديت للرهاب إيدي
وشديت سرجي فوق الريح
عشان ألقاك
بدور أطوي المسافات طي

صعيب وصفك
لأنك هالة كلك ضي
وفوقك هيبة واجمل خامة
واسمح زي
جمالك في البنات معدوم
شبيهك ما كحل عيني
أقدلي ..
وسكتي الخشامة
وانزلي في العواذل كي

نسانا حبيبنا المامنظور انسانا يازولنا المامنظور انسانا مالو سافر روح ما غشانا حليل الخوة الماقدر عشانا… نسانا حبيبنا عارف ريدنا هولو الليله زولنا عارف ريدنا هولو عشانوبتمشى قلوبنا ورا رحيله نسافر ليهو لي دارو ومقيله نقول فارقنا سافر يا حليله… نساهر ونشقى لو ينفع شقانا تسيل دمعاتنا بي شوقها وحنانها عشان ما يطرى ريدتنا ومنانا يذكر قلبه ايامه المعانا …كيفن صابر مستحمل قليبه الزمن نساهو ونسى اخلاص حبيبه يامعذبنا وماقادرين نسيبه نقول لابد بكرة الشوق يجيبه …وحاة الريدة ما بننساله عشرة اه يادنيا لوفي بالو مرة اتذكرنا او بس طيفنا مر كان يحليله عرف الفرقة مرة

في الليل الهاجع غرد ياساجع

اذكر احبابي وهيج اشجاني

أرجوك يابلبل حين تقفل راجع

غرد وأذكر نوم عيني الناجع

وهجراني الطال وبكاي وحناني

وأشواقي الزدات تحتاج لمراجع

عسي يرحم حبي لي عقله يراجع

وبي عين الرحمة والرضا يرعاني

****

تايه في نعيمك والخير الهامع

لك راحة الدنيا والخد اللامع

منظرجذاب بي حسنة سباني

أنانايح ودايما للنقيضين جامع

من قلبي النار ومن طرفي مدامع

الحب غلاب بالموت أنباني

****

الحور لي حسنك متزلل وخاضع

والبدر لنورك ياجميل متواضع

غصنك فضاح للآس والباني

يشبهك البدر كأنه معاك راضع

سبحان من أنشاك لمأواك واضع

فوق كل الانجم لمجدك باني

****

مضروب لحظاتك غير شك ما نافع

لي عازلك وعاطفك سهمك مارافع

جبار مهاب تسبي الفرسان

يهواك الناسك والكاهل واليافع

قلبه وفي الحال يسلي الأوثان

****

ما يخشي عزول في هواك يرافع

ومايخشي رماح وسيوف ومدافع

بس بيخشي جفاك يانور إنساني

ونحول اعضاي عن حالي يدافع

ياسكينة قلبي وصحاي ووساني

*****

ياظبئ الانس لك سعدك تابع

بين روض الجنة والنيل النابع

ما بين ظلال في نعيمك هاني

ما تجاسر طيار لسماك الرابع

حتي يعشم في طلوع السابع

دم بين علاك في سرور تهاني

شذى حسون تعيد احياء الاغنية السودانية والمعروفة عربيا ” كده كده يا تريلا ”

كلمات الاغنية

كدا كدا يا تريلا جاطرة جوندرانو دندنا وسرحنا ومعاكم مرحنا دندنا وسرحنا واخدنا برحنا ياللى جيتنا فرحنا ان شالله عجبالك انت غزلان البرارى غني لكم جوارى من مطلع نهارى لحد الساعة سته كدا كدا يا تريلا جاطرة جوندرانو فيلاتها عريضة بجوار برج الجزيره تركب لى خنزيرة وسلندرها سته كدا كدا يا تريلا جاطرة جوندرانو شايل له خنجر عامل فيها عنتر لكن هو ما عنتر بس حصل المقدر كدا كدا يا تريلا جاطرة جوندرانو يرقص عشرة بلدى عامل فيها مصري لكن هو ما مصرى قالو مو باصلى كدا كدا يا تريلا جاطرة جوندرانو

قليل يا طيف اقيف و ارجاني
وين فايتني عابر ؟؟!!!
وانا شن حارس وراك انا تاني؟؟
ياني معاك مسافر
وين حتى الطيف رحل خلاني
ما طيّب لي خاطر
الليلة لا تقول ليّ هيّ كدي استناني
بمشي و اجيك باكر !!
يبقي انا ما الم فيك تاني
مين عارف المصائر
وين حتى الطيف رحل خلاني
ما طيّب لي خاطر
الليلة هاك اسمع رنين الحاني
ابقي معايّ سامر
خفف لي قليل احزاني
ياما انا عشت صابر !!
وين حتى الطيف رحل خلاني
ما طيّب لي خاطر
الليلة شوف كيفن يسوي زماني
ديمة عليّ جاير
آه مر العذاب وراني
سهمو في قلبي غائر !!!
وين حتى الطيف رحل خلاني
ما طيّب لي خاطر
الليلة شوف الليلة كيف بستاني
الكان باشي ناضر ..
من حر السموم بيعاني
طيرو يفر يهاجر
وين حتى الطيف رحل خلاني
ما طيّب لي خاطر
الليله جفّ يبس صبح صناني
لافح حرو كافر
عدمان الضليل سواني
مجنون قالوا شاعر
وين حتى طيفو رحل خلاني
ما طيّب لي خاطر
الليله كل ما تمر تعدي ثواني
منو أسراب تغادر
رحل الفيهو صرت وحداني
نازل ومرة سادر
وين حتى الطيف رحل خلاني
ما طيّب لي خاطر
الليلة أنا بحوم وأرجع وأصد بكاني
مقطوع راسي حاير
وين أحبابي وين خلاني
آه يا الله قادر
وين حتى الطيف رحل خلاني
ما طيّب لي خاطر
الليله ما عارف العلي تراني
فوق كرعي ساير
وأسكت أسوي في أوزاني
أشعار مالا آخر
وين حتى الطيف رحل خلاني
ما طيّب لي خاطر
الليله وإنت ياطيف عليك أحزاني
ليّ شوية كابر
عشان خاطر قليبي عشاني
لحظات بس تخاطر
وين حتى الطيف رحل خلاني
ما طيّب لي خاطر
يمّه النوم أبا وجافاني!!!
وأصبحت داجّي ساهر
وين حتى الطيف رحل خلاني
ما طيّب لي خاطر

كلمات رد الرسالة .. للشاعر مختار دفع الله
اداء الفنان جعفر السقيد

القصيدة كاملة
رد رســالة
تــاني كاتب لي خبارك ؟!
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
***
ويبقى ردى على جوابك
يا جميل الرجعه لا…لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***
والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
…. وكنت برضو….!!
ممكن أهديك نور عيونى
شان عيونك منّى يرضو…!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك
وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك