التصنيف: اغاني

عادل مسلم – أنة المجروح

يا أنة المجروح يا الروح حياتي تروح
الحب فيك يا جميل معني الجمال مشروح
للحب لهيب فى الجوف زيو الزناد مقدوح
منه الجبابرة تلين لصوت بلابل الدوح
تصاحبو النسمات تفضل معاها تدوح
من نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
حوريه فى السودان بحبى ليكى أبوح
عنب جناين النيل أتمنى منه صبوح
وانشد فؤادى الضال بين الرياض مذبوح
أرى الهلال فى ظلال تلك الخميلة يلوح
أنا لو ضمنتو رضاك اكون سعيد ممنوح
يا من تسر رؤياك تفرح تنسى النوح
تكسو النهار بجمال خديك جمال ووضوح
منو الغزالة تقف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح

بكري المغربي ومسعود فائز وصلاح الامين – يا عيني

ردي علينا يا عينينا ..سفرك طال متين الجية
مهرة دنقلا اللصافة .. سادل ديسا لاكتافها
ما ممكن أجيب أوصافها تبكي تبكي كل الشافا
حداد أناعندي يوم سافرت .. فيه بكيت وما أستغفرت
بكل الغواني كفرت .. صفر قطرك أنا أنتحرت
ما ممكن هواك أداري .. بحالي العلي ما داري
يا ساكن قريب لداري .. راقي وسامي لونه سماري
في شمبات حليل مجلسنا .. الحيا والعفاف حارسنا
أستاذ الغرام درسنا .. لشجر المحنة غرسنا
أيامنا المضت يا حليلا .. كنت معانا في كل ليلة
كنت حياتنا كنت دليلا .. كيف أمسيت أنت الليلة

منال بدرالدين & عماد احمد الطيب – نار الغرام

ضاع صبري اين يا وصلي
قلبي بنار الغرام مصلي
ياعقود آمالي انفصلي
مابفيق من النويح اصلي
عقلي يوت كل ساعه ينقص لي
فيك ضاع يا طيبة الاصل
ايه ده ليل والبدر واضحلي
ام ده ديسك محيو فاضحلي
يا العيون عاد روقي واحلي
خفي رمشك ده المجرح لي
زاد من نار الصدود وجلي
يا معاني الشعر والزجل
باهي جيدك والخديد مجلي
ترى ده الهلاك في الاعين النجل
ليك نسائم الشوق دوام رسلي
في هواك كم ضائعا” مثلي
ماسليت وانتي كيف تسلي
انا صرت ميت والدموع غسلي
مالي يا ليل الهم تجمعلي
يا بدر بالله اسطعلي
وياسهيل ارجوك اسمعلي
ترمي محيك في الكفل تعلي
يا حمام بالله اسجع لي
مالو ضائع في الخيال فعلي

فيديو .. خضر بشير – كيف يجهلوك

كيف يجهلوك وعلى الجمال العادى راحو يمثلوك

لو بادلوك عين الحقيقة او بالبصيرة تاملوك

بالنور او بالنار او بقدر ما صاغ الخيال ما عادلوك

كوكب منزه فى علوك سحرك غريب شخصك بعيد

لو كان قريب انواره آخذة بدون سلوك

يبرق سناك فى غيهب الليل الهلوك

اظرف شمائل زاملوك هم اكملوك ادبك شفا فيك

موهبة وطبع الملوك
يا جميل الاوصفوك

بادي محمد الطيب – الخدير ماني حي

العيش لين دقو ما هين حليل شيخي الفي الرجال بين
الخدير ماني حي للأكلو الطير ماني حي
شمة جات لابسة العاجات ندق ونضري ولي الما عارف نوري
عيشاً خدر بري طامن فوقو سري

فيديو .. ميادة قمر الدين – آن حِمامي

ﺃﻥ ﺣﻤﺎﻣﻲ ﻧﺎﺡ ﺣﻤﺎﻣﻲ
ﻋﺸﺎﻥ ﻳﺎ ﺣﺒﻴﺒﻲ ﻣﺎ ﺣﻔﻈﺖ ﺯﻣﺎﻣﻲ
ﻟﻮ ﺣﻔﻈﺖ ﺯﻣﺎﻣﻲ
ﻭﺟﻴﺖ ﺟﻠﺴﺖ ﺃﻣﺎﻣﻲ
ﻛﻨﺖ ﻃﺒﺖ ﻭﺯﺍﻝ ﺇﺣﺘﻤﺎﻣﻲ
ﺑﺘﻘﺒﻴﻞ ﻗﺪﻣﻴﻚ ﻳﺎ ﺯﻫﺮﺓ ﻛﻤﺎﻣﻲ
ﺇﻧﺖ ﻗﺪﺭﻙ ﺳﺎﻣﻲ ﻟﻠﺜﺮﻳﺎ ﻭﺳﺎﻣﻲ
ﻫﻮﺍﻙ ﺍﺿﺤﻰ ﻭﺳﺎﻣﻲ
******
ﺍﻟﻌﻔﺎﻑ ﻭﺍﻟﺮﻗﺔ
ﻟﻲ ﺳﻴﺎﺩﺗﻚ ﺃﺳﺎﻣﻲ
ﻳﺎ ﺣﺒﻴﺒﻲ ﺭﺣﺎﻣﻲ
ﻣﺎ ﺃﺳﺘﻄﻌﺖ ﺍﺟﻴﺐ ﻣﻌﺎﻱ ﻣﺤﺎﻣﻲ
ﻳﺤﻤﻲ ﺍﻟﻔﺆﺍﺩ ﺍﻟﺤﺎﻣﻲ
ﺍﻟﺤﻤﻰ ﺍﻟﻤﻦ ﻧﺎﺭ ﻫﻮﺍﻙ ﺍﻟﺤﺎﻣﻲ
ﻳﺎ ﺣﺒﻴﺒﻲ ﻏﺮﺍﻣﻲ
ﻟﻲ ﺩﺍﻳﻤﺎ ﺭﺍﻣﻲ
ﻣﺘﻴﻦ ﺗﺠﻮﺩ ﺑﻤﺮﺍﻣﻲ
ﻳﺎ ﻋﺰﻳﺰ ﻳﺎ ﺻﻔﻮﺓ ﻛﺮﺍﻣﻲ
ﻣﻬﻤﺎ ﺗﺰﻳﺪ ﺃﻻﻣﻲ
ﺑﺮﺿﻮ ﻋﺎﺷﻘﻚ ﻳﺎ ﻧﻮﺭ
ﻧﻮﺭ ﻇﻼﻣﻲ
ﻭﺃﺧﺮ ﻣﺎ ﺃﻗﻮﻝ ﻓﻲ ﻛﻼﻣﻲ
# ﺷﻜﺮﺁ
ﺑﻌﺪﻭ ﺑﻬﺪﻱ ﺳﻼﻣﻲ
ﻟﻴﻚ ﻳﺎ ﺣﺒﻴﺒﻲ

هاشم ميرغني: كنـوز الدنيا

لو كنوز الدنيا راحت صدقيني روحتها ما بتأثِّر
انا إشتريت بيك عُمري كلو ما في غير فقدِك بخسِّر
لو عجزت النظرات تعبِّر خلي الغُنا البكَّاي يفسِّر
ولو وهبتِك عُمري كلو تلقيني في ريدِك مقصِّر
اصلي من شفتِك وحاتك ناوي ابنيلك خميله
لي جمال ما شفنا زيو لي عيون نادره وكحيله
خوفي تبقي زي ندرة عيونك بالوداد دايماً بخيله
تنسجي الأزهار عقودِك وتبقى شوفتِك مُستحيله
الغنيوه الحلوه ضاعت والحروف بِصعَب اقولها
ما كنتِ في عيني نجمه في سماها بَعيد وصولها
بقيتي في عيني دمعه لي سواكِ صَعب نزولها
العيون ما شايفه غيرِك كفيفه لمَّا إفوتها زولها
لو كنوز الدنيا راحت صدقيني روحتها ما بتأثِّر
انا إشتريت بيك عُمري كلو ما في غير فقدِك بخسِّر
لو عجزت النظرات تعبِّر خلي الغُنا البكَّاي يفسِّر
ولو وهبتِك عُمري كلو تلقيني في ريدِك مقصِّر