التصنيف: اغاني

مهرجان الخرطوم الدولي للموسيقى

كلمات اغنية صدقيني

صدقيني وحياة غرامنا.. ما كذبت عليك في حبي

صدقيني ابدا ولا حولت عنك مرة……. قلبي

وانت في دنياي امالي واهلي …… كل صحبي

كل زهرة ندية يانعه .. انت رياها وعبيرها

كل فرحة في فؤادي .. انت لحظاتها المثيرة

كل لحظة عمقت في قلبي حبك واحترامك يا اميرة

كفكفت من عيني دمعات الليالي وقسوة الايام وجورها

من بعيد .. من بعيد تكفيني منك .. لفته او طيف ابتسامة

نظرة تفضح سر عيونك فيها نجواها وكلامها

فيها من معني المحبة رقتها وخيرها وسلامها

فيها ما يغنيني طول ايامي عن سور الندامة

كل من جهل الحقيقة .. سالني عن سرك معايا

لكني خايف .. لو ادل الناس عليك يا اغلي غاية

كل واحد في خيالو بكرة يتخيل حكاية

وانت ابعد ما تكوني عن الاقاويل والوشاية

كلمات أغنية شجن للشاعر حسين بارزعه

لى متين يلازمك في … هواك مر الشجن

ويطول بايامك سهر … ويطول عذاب

يا قلبـــى لوكانت … محبتــــه .. الثمن

يكفيك هدرت عمر … حرقت عليه شباب

لكن هواه أكبر … وما كــــان ليه ثمن

والحسرة ما بتنفع … ومــــا بجدى العتــــاب

أحســـــن .. تخليـــه … لـــى الليالى والزمن

يمكن يحس ضميره … ويهديه لــــى الصواب

لكنى اخشى عليه … مــــن غـــدر الليــــالى

وأخشى الامانى تشيب … وعشّنا يبقى خالى

وهو لسع في نضارة … حسنه فى عمر الدوالى

ما حصل فارق عيونى … لحظة او بارح خيالى

اغفـــر لــه يا حنيــِّن … وجــاوز لـــو ظلم

ما اصلها الأيام مظالم والعمــر غمضة ثواني

واصبر على جرحك … وإن طــــال الألم

بى جراحنا بى أشواقنا … بنضوى الزمن

انا عارفه بكره بيعود … فى رعشـــة ندم

ننسى الحصل بيناتنا … والسهر اللى كان

تصبح حياتنا نغم … وعشنــــا يبتســــم

وتعود مراكب ريدنا … لـــــى بر الأمان

كلمات اغنية .. الآلاف درجن للشاعرة رقية بنت مسمار

الآلاف درجن ولدا نجيض ماك ني
البجرجر فى ام صقير وحدي
********
غنى وشكري يا اختو يا ريا
تمساح الكوانى الضارب الليه
سمعنا لنا خبرا في الهلالية
خمستاشر جواد سكن سبعماية
*******
من قومة الجهل ما خوفوك بى أخ
تور بقر الجواميس الرقادن لخ
نقرولو أم هبك الضربخانه يدخ
قرنك بفتح الهامه وبيمرق المخ
*******
أنا قولي ليك صحيح
ياركاب على شلق بنات الريح
ياجدرى النزيله الدم كرف في القيح
ادريس صاقعة التلوي المقابله السيح
*******
ما بيحركو الكشكيش
والقلب ان رجف ما بنفع الحريش
الجنيات وراك في الحلة آفة عيش
ود المقدره البيعزم على المافيش

كلمات اغنية تواه انا

تواه انا وكل الدروب جربتها
والسنين العشتها
لا وصلت ليك لا الرجعة تاني عرفتها

وفضلت عايش في التياع
مكتوب على عمري الضياع
من فرقتك يوم الوداع يا الذ زول ذوبتنا

نزلت معاي كل الخطى
بكيت معاي لون المساء
وشرفتو بالهم والاسى
يا الذ زول في حينا

شديت على قلبي الحنين
والقايلو لى ريدك نسا
ولقيتو بيك زايد جنون
رغم التباريح والقسا

الحجروك حبي وعملوا السبب حُبي
كيف تنزع الصورة المرسومة في قلبي
****
يا فرحي وهناي يا بهجتي وطبي
فيك أملى ومناي فيك بجيد غناي
ما بعيشق سِواك وليه مني متخبي
****
أنا لي فيك غاية هي مُنيتي وكسبي
من صدك كفاية وكيف يرضيك جفاي
يالحسنك حواك بحبك وحات ربي
****
يا نيراني زيدي يا مهجتي التهبي
أنا صبحي ومساي في عل وعساي
لو في الطيف أراك ياللي البدور تسبي
****
يالبيك إنتشاي ولجنك يزيد طربي
لا تهمك أساي وما تسمع وشايه
حاكمني في ضراك وريني إيه ذنبي
****
إيه يعني المِـرايه مع خـدك الذهـبي
أنا من دون دراية أهتف بيك براي
قدامي ووراي حبك أعلن حـربي
****
يالغصنك ثناك وكيف من هواك سلبي
فيك واضع ثنايا وفي لحاظك فنايا
فيك نزلت عنايه جاغريو عُمـره مجبى

جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد