التصنيف: اغاني

الحجل بالرجل .. كلمات حميده ابوعشر .. ألحان حسن عطيه

الحجل بالرجل
يا حبيبي سوقني معاك
الليلة العزول
جاب لي خبر بالسو
نسام البحر
قلب الخبر بلو
قال لي دام هواك
يا حبيبي مهما تسو
الحجل بالرجل يا
حبيبي سوقني معاك
يا مسافر براك
شاقي المفازة بليل
يوم قلباً طراك
هداك المحبة دليل
بحق المودة
حق الهوى والليل
الحجل بالرجل
يا حبيبي سوقني معاك
يا مسافر براك
قبل السفر زامل
يوم قلبا طراك
بالمحنة ما بجامل
بحق المودة
حق الهوى الكامل
الحجل بالرجل
يا حبيبي سوقني معاك

كلمات اغنية ربيع الدنيا

يا ربيع الدنيا في عينيا
يا نور قلبي يا معنى الجمال
يا اُختا روحي يا أماني هواي
عشت في دنيا الخيال
أنا فيك عشقته الروعة ما أحلاها في الدل والدلال
والمعاني الراسمة نور إشراقة
في عينيك ظلال
وابتسامتك لما تأسر قلبي تحكي عن المحال
تحكي عن شوقك إليا
تحكي عن بُعد الوصال
من قلبي من اجل المحبة وهبت ليك شعر الغزل
مع انو قدامي الطريق أنا عارفو يا السمحة انقفل
مافي قسمة
مافي يا نور قلبي حتى بصيص أمل
ما قدرت اقرب من ضراك
وما قدرت لي فراقك اصل
يا حبيبه ليه
ليه قلبك قسا وكتمتِ ما تُخفيهُ عني
أنا عشت في حبك مقيم
ما عرفت نُكران أو تجني
ما عرفت غير حُبك غرام
وسرحت فيهو سنين بغني
وهبته دمعاتي الغوالي
وهبته عمري أنا وهبت فني

أغنية ضامر قوامك لان

اسهرت جفني ملان***يزرف دمع نازل كالمزن في الهملان
ما بصح ليك يافلان***طرفك دوام ناعس وانا طرفي ما غفلان

ضامر قوامــك لان قلبك قسى وجافيت ليه يا جدي الغـــزلان

أسهرت جفني ملان يزرف دمع نازل كالمزن في الهمــــلان
ما بصح ليك يا فلان طرفك دوام ناعس وأنا طرفي ما غفلان

أظهرت شكلك بان كوكب منير اشرق من فوق لي غصن البان
كم ليك محب تعبان درب العشق ساهل ودرب الوصال صعبان

كالظبية في اللفتان أما الخديد ناعم زي زهرة البستان
تجد الطباع أمتن وحسن بديع رائع منظر جميل فتان

لا يحصى وصفو لسان وجهك بدر كامل من البدور إحسان
ما قصدي فيك لمسان مقصودي بس شوفتك لا تضيعني يا إنسان

القمري في الأغصان ذكرني ألحانك وقلبي إنطرب فرحان
بتوارى لي لمحان بروق درر فاهك بالراحة والريحان

ليه كفك أتحنن وليه قلبك القاسي ما فيهو لي حنان
يا الراقص الفنان جبك ملك فلبي وجننت عقلي جنان

قول النصيحة كلمني مالك غير هجري المني قول ياحبيب
قول لي مين جاب ليك عتاب بدور يفرق بين قراب
وقال هواي احلام سراب نهايتو شقى ونهايتو عزاب
البينا عشره غرام وريد
البنا الفة وحنان بزيد
عشناهة بهجة وعشناهة عيد
بس كيف تسيبو وتروح بعيد
مرسالي جاك بدوب هيام
قال ليك حرام تنسى الغرام
لو بي القليل رسل سلام يازول خصامك لي حرام
الحب حنان ماتقول عزاب والريد امان لي ناس قراب قول النصيحة وبلاش عتاب يا اليا ريدك لي لاللجنة باب

كلمات اغنية مصابك سميرك

منو الهسه غير مصابك سميرك
بحاول احدد مصيري ومصيرك
واخليك إمكن يحاسبك ضميرك
منو الهسه بقدر يسوى العملتو
يوقف قليبي بعد ما شغلتو
قليبك مراوغ وكم ريد كتلتو
وأنا الكنتا قايل براي الدخلتو
زمان كنتا تغلط ونحن بنسامح
نعاتبك بتبكي وترجع تصالح
بقيت ما بترحم غناك كلو جراح
بتضحك وتكتل بنفس الملامح
منو البقسي زيك على زول بريدو
يجيك بي إبتسامة كمان مادي إيدو
لا تجبر بخاطرو لا تقول ده عيدو
خسارة الغرام البزل حتى سيدو
منو الزيي يزعل عليك لما تزعل
يعيش بالغبينة لما تنوي ترحل
دايرك تجينى وتكون جيه أطول
تعطر حياتى وتخليها أجمل
منو الزيي مالى الحنان كلو قلبو
ولما يعشق يموت في البحبو
ده حباك وأخلص وخاف فيك ربو
يا ريتك بعد ده ترحم تحبو.

الحكومة الليبرية تعلن حالة الطواريء في البلاد بعد أن قضى المرض على حياة ثلاثمئة شخص هناك

كلمات اغنية عيني ما تبكي

عيني ماتبكي عيني ما تبكي
كفاية أحمل هم واعيش حياتي ألم
نارية في جسمي نيرانا مابترحم
ولاهو البحلني ولا الزمن برحم
جزاك ياعيوني بالأصلو ما شفتي
أظلم علي نوري يوم فات وخلاني
خلاني في ناري أندم لعمري الراح
ضاعت علي سنين يارتو ما عرفني
قوليّ ياهاجر أيه بعدك أيه أعمل
خليتني سبت الحي الباقي لي حصل
خليتني سبت الحي فقدت أعز أهل
نارية في جسمي نيرانا ما بترحم
ولاهو البحلني ولا الزمن برحم

انت المهم الناس جميع ما تهمني
انت العزيز افرد شراعك ضمني
خايف تفوت والسكه بيك ما تلمني
انت الوداد
نبض الفؤاد
بستان نضير
وصفا وعبير
وجمال رهيب
ودلال عجيب
ريّح شقايا وجمّني
جاييك شعاع
نجمه وشراع
نسيني يا عمري الضياع
انا لسه تايه دلّني
قول ليا قول
يا احلى زول
خلي الحزن يرحل يزول
لو كنت جد بتعزّني
انا ليك وبيك
مداح عيونك ومشتهيك
مهما تجور بنزف واجيك
لا بقسى لا بزعل عليك
لانك انت تهمني
خايف تفوت والسكه بيك ما تلمني

كلمات اغنية أحبك .. بحبك

أحبك .. بحبك .. ما لا نهاية
واغنيك حنيني .. شوقي وهوايا
لأنك حبيبي .. وغاية رجايا

كتير في بعادك دهتني الليالي
أغالب دموعي وأكابد ملالي
طريقي المنور خلاص أضحى خالي
تعال يا حبيبي .. صدودك كفاية

زرعنا المحنة .. رويناها شوقنا
وعايشين نأمل تقوم ترمي فوقنا
نسير في ضراها نسير لي شروقنا
نتوج حياتنا .. بأسعد نهاية

منامي المسهد .. يحل لي عيونك
وشوقي المعذب .. يناشد حنينك
تحكم شعورك .. وترحم سجينك
فؤادي البحبك .. ما لا نهاية

كلمات اغنية لو عارف عيونك

لو عارف عيونك توهت العيون
ورقصت المشاعر وغنا معاها كون
غنا وراها كون …..

*******
شفنا الدنيا حلوة وفي رموشها وسرحنا
صابحنا الاماني واتمدد فرحنا
والحنية هلت في دنيانا طلت
بامر العيون ….

*******
موال برضو غنوة
بس من نظرة حلوة
عاشت في خيالنا في وجدانا سلوى
واترسمت سنين في قليبنا الحنين
واتناست شجون ….

******
لما معاها نسرح ونتوه في الغناوي
ويداعب خيالنا مشوار الحكاوي
تتلاقى امنياتنا ونقول اغنياتنا
في اجمل عيون ….

*******
لو عارف عيونك توهت العيون
ورقصت المشاعر غنا معاها كون
غنا وراها كون