التصنيف: اغاني

شاهد: الفنان طلال (الساتة) يغني للطلاب المتفوقين في إمتحانات شهادة الاساس + كلمة أول شهادة الاساس

قدم الفنان الشاب صاحب الصوت الرنان محمد الفاتح اغنية (عروس الرمال) بشكل مذهل…وهذه الاغنية نظمت الحانها علي إيقاع المردوم والمشهور في مناطق غرب السودان…اغنية (عروس الرمال) هي من كلمات والحان الدكتور والإعلامي عوض ابراهيم عوض….

كلمات الاغنية:

صدق صدق اللي القال القومة لعروس الرمال ودالبقا الملك الجنان سوريبو فاح والسيسبان على وحي الحان الكمان صدح البلوم في كردفان …جات روحي تردي مع ام فصود عشطانه لي المي الرهود وصل الفجر ناس اب قعود والقدله في شارع النهود…ي اب قبه يافحل الديوم انا شوقي زايد كل يوم الدنيا كوم ونحن كوم لو في ابوجهل نقدر نحوم صدق صدق اللى قال القومة لي عروس الرمال

اغنية (اللوري القاقا) هي واحدة من اغاني التراث الرائعة والتي لم تجد حظها في الظهور كأغنية رائعة…الا ان جاء الفنان الشاب حسين الصادق وقدمها للمستمع علي أعلي مستوي واستطاع ان يضع لها بصمة خاصة..واصبحت من الاغاني المطلوبة بشدة في كل المناسبات التي يتغني فيها الفنان الشاب…

كلمات الاغنية:

ﺍﻟﻠﻮﺭﻱ ﺍﻟﻘﺎﻗﺎ ﺍﻟﺴﻮﺍ ﻋﺠﺎﺟﺎ
ﺣﻠﻮ ﺍﻟﻘﺮﻳﻦ ﻛﺒﺎﻳﺘﻴﻦ
ﺁ ﺍﻟﻘﺎﻋﺪﻳﻦ ﺩﻳﻞ ﻓﺮﺍﺟﺎ
ﺍﻟﻠﻮﺭﻱ ﺍﻟﻮﻧﺎ ﺑﻌﺪ ﻣﺎ ﺍﻟﻔﻨﺎ
ﺧﻼ ﺍﻟﺨﻠﻮﻕ ﺣﺰﻧﺎﻧﻴﻦ
ﺷﺎﻝ ﻃﻴﺮ ﺍﻟﺠﻨﻪ ﻭﻗﻠﻴﺒﻲ ﺍﻟﺤﻨﻪ
ﻗﻮﻟﻮ ﻋﻮﺩﺗﻚ ﻵ ﻣﺘﻴﻦ
ﺍﻟﻠﻮﺭﻱ ﺍﻟﺒﺪﺭ ﻻ ﺯﺍﺭ ﻻ ﺧﺪﺭ
ﺧﻼ ﺍﻟﺪﻣﻮﻉ ﺗﺮﻳﺎﻧﻴﻦ
ﺷﺎﻝ ﻏﻴﻤﻲ ﺍﻟﻤﻄﺮ ﻭﺣﺰﻧﻲ ﺍﻟﻜﺘﺮ
ﻗﻮﻟﻮ ﻓﺮﺍﻗﻚ ﻵ ﻣﺘﻴﻦ
ﺍﻟﻠﻮﺭﻱ ﺍﻟﺸﺎﻟﻮ ﻣﺎ ﺷﺎﻟﻨﻲ ﻑ ﺑﺎﻟﻮ
ﺧﻼ ﺍﻷﺑﻮﻧﻲ ﺷﻤﺘﺎﻧﻴﻦ
ﺷﺎﻝ ﺷﻮﻗﻲ ﺑﺪﺍﻟﻮ ﻭﻗﻠﺒﻲ ﻭﺣﺎﻟﻮ
ﻗﻮﻟﻮ ﺷﻮﻗﻚ ﻵ ﺍﻟﻌﻴﻦ
ﺍﻟﻠﻮﺭﻱ ﺍﻟﺮﻭﻭﺡ ﺷﻮﻑ ﺭﺍﻛﺒﻮ ﺍﻟﻠﻮﻭﺡ
ﺍﻟﺸﺎﻝ ﻣﺤﺒﻮﺑﻲ ﺍﺏ ﻃﻴﺒﺎ ﻓﻮﻭﺡ
ﺍﻟﻠﻮﺭﻱ ﺣﺪﻳﺪﻭ ﺍﻟﺮﺍﻛﺒﻮ ﺑﺮﻳﺪﻭ
ﺧﻼ ﺍﻟﻌﻘﻮﻝ ﺳﺮﺣﺎﻧﻴﻦ
ﺷﺎﻝ ﻋﻴﺪﻱ ﻭﺳﻴﺪﻭ ﻭﺭﻭﺣﻲ ﻑ ﺍﻳﺪﻭ
ﻗﻮﻟﻮ ﺳﻮﻗﻚ ﻵ ﻭﻳن

قدم الثنائي معاذ بن البادية ونادر عثمان اغنية يا سمرا للفنان الكبير محمد وردي بطريقة رائعة خلال مشاركتهما في برنامج اغاني واغاني في النسخة الماضية…هذه الاغنية من كلمات الشاعر الكبير اسماعيل حسن ومن الحان واداء فنان افريقيا الاول الراحل محمد وردي..

كلمات الاغنية:
اغنية : الليلة ياسمرا

الليلة ياسمرا
يا سمارة الليلة يا سمرا

أنا بحكي ليكي
وانتي لي تحكي
كيف اقسم ليكي
وانتي ليه تبكي
وليه الزعل
أطري الأمل

لونك بديع
وطبعك وديع
وخدك يفوق
زهر الربيع
وكيف الوصال
خلي الدلال

ديمة الجميل
وشوفتو القليل
ياحليل حليل
ليالي الهنا
وين العهود
عهد الخلود

الليلة يا سمرا
يا سمارا الليلة يا سمرا

قدم الفنان الشاب محمد الجزار اغنية (من الاسكلا) وهي من روائع الحقيبة علي طريقته الخاصة…وقد تالق الفنان الشاب في أداء هذه الاغنية علي طريقته المعروفة والتي اشتهر بها….هذه الاغنية من كلمات شاعر الحقيبة الكبير (ود الرضي)…ومن الحان وأداء الحاج محمد أحمد سرور..

كلمات الاغنية:

يروي سرور قصة أغنية الأسكلا وحلى أنه رأى فتاة فاتنة الجمال ومعروفة في ذلك الوقت اسمها مليم تتجه مع أسرتها المتجهة الى الباخرة المسافرة الى جنوب السودان من الاسكلا وهي مرسى السفن السفن الذي كان يقع جنوب الهيلتون الحالي.. فتألم سرور كثيراً لفراق مليم.. فطلب من قبطان السفينه أسماء المدن التي تمر بها الباخرة.. ثم أخذها الى الشاعر ود الرضي الذي كان يجلس معه الشاعر أحمد حسين العمرابي فى دكانه بالخرطوم، وكان سرور حزينا وحكى له خبر سفر مليم، وطلب من ود الرضي تأليف أغنية لهذه المناسبة ثم إعطاه اسم المدن وعلى الفور جادت قريحة ود الرضي الشعرية بالاغنية التى يقول مطلعها:
من الأسكلا وحلا قام من البلد ولّى
دمعي للثياب بلا
بي داهي العذاب حلا وبى تذكارو بتسلى
عقلي الذاب و إختلا وين بدر التمام هلا
صفر ودع البابور راكبين قمرة اتنين دور
البابور مر (بالمجرور) شال ظبيا سكونو تلول
جبل أولياء حبيبي غشا وحصّل (للقطينة) عِشا
صاح قلبي الطفش وفشا الما ليته ينكفشا
حل زي الصقر خـوي بالبدر (الدويم) ضوّا
عاد لاحول لاقوة حبيبي حلاتو في (الكوة)
صباح الخير على أم نفلين أحيي البيها محتفلين
بدر الحسن رب اللين شرف كوستي والجبلين
هنيئا حان وقت زهاك الرنك احتفل ببهاك
وين الليلة يالنشهاك ياريت كنت في جلهاك
يا كاكا الحبيب طلاك وبعدو الزاد نفوسنا هلاك
يا ملوط حليل نزلاك ويا زمن الفراق نسلاك
بقدومك (كدوك) أصبح سوقو من الكساد أربح
أنا من نواحي صرت أبح كأني في مبرك المذبح
زاد من بعدك الانكال قلبي البي الهموم انكال
قطري العاصمة يا ملكال توفيني أنا صبري نكال
من دا الهم ما بنجا حبيبي الليلة في تونجا
ياخالق الخلوق تنجا تركاكا حلتا العنجا
صب يا دمعي لاتكون جاف وياقلبي ليه البقيت رجاف
البدر الخفى الانجاف اليوم شرف الرجاف…

تغني الفنان المصري محمد منير برائعة الفنان الراحل سيد خليفة (أزيكم كيفنكم) وقد وجد الفنان المصري إستحسان الجمهور السوداني الذي كان متواجداً في هذا الحفل…

كلمات الاغنية:

إزيكم …. كيفنكم
أنا لي زمان ما شفتكم
مشتاق كتير
كتير كتير
لي حيكم
حرام حرام
ردوا علي
أنا ما غريب
أنا منكم
في بعدكم
لقيت عذاب
عذاب عذاب
يا ريت قراب
كنتوا تشوفوا حبكم
بعودتي
أجد الهنا
في قربكم

قدم الفنانة الشابة رماز ميرغني اغنية الحقيبة (زاد ازاي يا صاحي) خلال مشاركتها في البرنامج الرمضاني اغاني واغاني نسخة 2010…هذه الاغنية تعد من درر الحقيبة وهي من كلمات الشاعر عبيد عبدالرحمن ومن الحان الحاج محمد احمد سرور وتغني بها بلبل الحقيبة كرومة…

كلمات الاغنية:
زاد أذاي يا صاحي واعتراني نحول
طرفي دامع وصاحي وبالسهاد مكحول
علي حال الحول والموانع بيني
وبين حبيبي تحول
وقلبي قال ما بحول صبري ضاع يا جافي
وخصبي صار ممحول
صبري ضاع ياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي في عيون زول
يا نسيم مرسول لي حبيبي لعلك
منو واجد سول
اجثو ليهو مثول علي انظر
حسنو واقبُل المعسـول
يافضول أقول رفعة قامته
وحسنه وصفه شرحه يطول
من ندى المسطول
لا قصر لا طول ربعة قامتو
واصلو حسنو وصفو يطول
من دلال مسطول كم يواعد يمطل
والمطـل ممـول
الوريد كالدمية والأسيس مسدول
حسنو خالي عقول
والوصول للبدر يا خي غير معقول
الكتيف مهدول
بعضه نام في بعضه تقول حرير مجدول
زاد أذاي يا صاحي واعتراني نحول
طرفي دامع وصاحي وبالسهاد مكحول

قدم الفنان نادر خضر خلال برنامج اغاني واغاني نسخة2011 اغنية الفنان الكبير والراحل ابراهيم عوض (آلم الفراق) بشكل مميز جداً…هذه الاغنية هي من كلمات الشاعر عبدالرحمن الريح…

كلمات الاغنية:

يوم الحبيب ودعني راح
ضاعف علي الم الجراح
كان لي أمل أجد انشراح
واجد مع المحبوب صراح
أحكي الم الفراق واشكي
لي مين أنا احكي

يا روحي ما هذا الصدود
وأنا دمعي جاري على الخدود
لو كان قليل خليك ودود
فرط الدلال فات الحدود

أنا يا جميل عاشق أسير
أعتز بيك وأهواك كتير
لو قلت لي غيرك سمير
مولانا عارف الفي الضمير

أنا يا حبيب الروح محال
أنساك ولو هجراني طال
لو أبعدك عني الدلال
لابد من يوم الوصال

قدم الراحل محمود عبدالعزيز اغنية (ربيع الحب) علي اعلي مستوي خلال مشاركته في برنامج اغاني واغاني…هذه الاغنية تعد من روائع الراحل سيد خليفة وهي من كلمات الشاعر الكبير ادريس محمد جماع…

كلمات الاغنية:

في ربيع الحب كنا نتساما و نغني
نتناجا و نناجي الطير من غصنا لغصن
ثم ضاع الامس منا و انطوى في القلب حسرة
اننا طفلان في حلم سماويا سمينا و اعتصرنا نشوة الحب و لكن ما ارتوينا
انه الحب
انه الحب
انه الحب فلا تسل و تعتب علينا
و كانت الجنة مسرانا فضاعت من يدينا
ثم ضاع الامس منا و انطوى في القلب حسرة

اغنية اطرد الاحلام يا جميل واصحي تعد من اروع قصائد واغاني الحقيبة…فقد صاغ كلماتها الشاعر الكبير مصطفي بطران وقام بتلحينها وادائها فنان الحقيبة الكبير الحاج محمد احمد سرور…شاهد هذه الاغنية بصوت الثنائي جمال فرفور والفنانة شموس ابراهيم….

كلمات الاغنية:
قوم نقضى الليل فى ضفاف النيل ننشد الفسحة
شوف جمال الليل يا جميل اصحى
و اسمع البلبل و لهجته الفصحى
الغصون ماخدات مع النسيم كسحة
والطبيعة تخيل ثوبها كاسى النيل من جمال مسحة
عير كلامى معاك ياجميل لمحة
قوم معاى و ميل قامتك السمحة
كل شىء ميسور والظروف سامحة
منظر النوار يغنى عن انوار ولى الظلام يمحى
ديك شواطى النيل بالسرور طافحة
لابسة بدرى التم وللنجوم لافحة
شتلة الياسمين مايلة بصفحة
ميلها بيشجيك و من شذاها يجيك كل حين نفحة
شوف وجوه الروض باسمة منطرحة
وتضحك الازهار ميتة بى الفرحة
ليه شجرة الفل ياخى منشرحة
والورود بالمر لونة ليه احمر كانه منجرحة
شوف طيور منظوم روقة زى سبحة
طايرة كالامال فى الفضاء سابحة
فى جوارنا قريب ظلالها جات شايحة
ياخى ما فايتات اظنهن بايتات وفى الرياض صابحة
النسايم لو غادية او رايحة
بى ندى الازهار و العبير فايحة
و الفروع بتميل بالطرب مايحة
و السواقى تئن بى نغمة الحن صوتها كالنائحة
منظر البدرى و بهجته الفاضحة
تبدو ليك فى النيل كالدرر واضحة
و الطيور تختال فى الغصون صادحة
و السرور ميل روق و اتخيل كفتة الراجحة

تغني الفنان الشاب عمر الامين في أحدي الجلسات الفنية بأغنية فنان افريقيا محمد وردي (القمر بوبا) وهذه الاغنية من كلمات الشاعر الكبير اسماعيل حسن ومن الحان الفنان محمد وردي…
كلمات الاغنية:

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل

القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل

بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل

المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

يظهر في هذا الفيديو الاخوين أحمد وحسين الصادق وهم يتغنون برائعة ثنائي العاصمة لما ترجع بالسلامة في حفل من داخل أحدي الجامعات…هذه الاغنية من كلمات الشاعر علي شبيكة ومن الحان الفنان السني الضوي…

كلمات الاغنية:

لما ترجع بالسلامة
وترجع أيامنا الجميلة
يا ثنا الروح ويا مداما
ويا عوطفنا النبيلة
تهدي ليلاتنا ابتسامة
من زمان بنقول حليلا
يوم رحيلك ياحبيبي
شفت كل الكون مسافر
لا زهر في روضة غنا
ولا زهر عطر بيادر
لا تلاقي يروي شوقي
لا حديث يجبر بخاطري
الشهور ياريتا تجري
وكل يوم ياريتو باكر
لما ترجع يا ربيعي
للقليب المشتهيكا
وزي عوايدك تحتويني
رعشة من الشوق إليك
عيونك الضحاكة تبكي
والمشاعر فايضة بيها
يا حلاتك يا ربيعي
ويا حلاة الدنيا بيك
لما ترجع بالسلامة
وترجع أيامي الجميلة
يا ثنا الروح ويامداما
ويا عواطفنا النبيلة
تهدي ليلاتنا ابتسامة
من زمان بنقول حليلا

تعد أغنية (متين يا علي) من اشهر اغاني الحماس السودانية…واشتهر بأداء هذه الاغنية الفنان الكابلي…شاهد هذه الاغنية بصوت المطربة حرم النور…هذه الاغنية من كلمات والحان تراث…

كلمات الاغنية:

فورتيقت أم لبوس لويعة الفرسان
اليل دابي ليل عنزة أم قرون وأسنان
كوراك ضرب مرقن جا راقدن دار
انزالة النصارى الكلهم بولاد
كرار علي كبر عليهم زاد
سيفك في غضاريف الرجال صياد
متين يا علي تكبر تشيل حملي
اياك علي الخلاك ابوي دخريي
للجار والعشير ال كان ابوك بديه
للغني والفقير ال كان ابوك حاميه
للسولن ال علق الحرير واكسيه
لا تعاين الوجوه ضربك دشر سويه
وسيفك في غضاريف الرجال ارويه
اليل بابي ليل عنزة أم قرون واسنان
جابولنا الكرامة وصبحنا فرحانين
سوولن الكرامة وصبحنا فرحانين
ضربوا دنقرُن جوني العيال مارقين
بسأل عن علي الفارس البقول 9
بسأل عن علي ال ّوّلد البقول 9
قل لتر العليه ظهر الخبوب والطين
ما بياكل الضعيف و مابسولب المسكين
الا سميتن اسد ابو قبضتن طين
الليل بابي ليل عنزة ام قرون واسنان

اغنية (كيف لا اعشق جمالك) تعد من درر وروائع الفنان الراحل عثمان حسين…شاهد هذه الاغنية بصوت المذيع والإعلامي حسين حسن مكي….هذه الاغنية هي من كلمات الشاعر حسين بازرعة ومن الحان الراحل عثمان حسين…

كلمات الاغنية:

كيف لا اعشق جمالك
ما رأت عيناي مثالك
و كيف لا اعشق جمالك

كيف لا اعشق جمالك
و أنت مغرى
زنت بي أدبك جمالك
و أنت سحري
فيك أجمل شي خصالك
و أنت بدري
و أبعد الغايات منالك
لو رنيت ترسل نبالك
قلبي لاعب بيهو مالك
ليهو حق لو كان هوانك

بسمتك توحي الأغاني
و أسمى آيات المعاني
في هواك لاقيت هواني
و بيهو راضي
معتلي قلبي و لسان
أنت زى زهر الخميلة
تزدهر في روح جميلة
و عاليه أخلاقك نبيلة
و يخجل البدرين هلالك

أنت رافل في نعيمك
و بس أنال منك جحيمك
قول لي كيف أظفر بليمك
ناري تطفأ
روحي ترفا
في سما العز زى كمالك

اغنية ما بصدقكم تعد ما اروع الاغاني التي تغني بها الراحل عثمان حسين…شاهد هذه الاغنية بصوت الفنانة الشابة شموس ابراهيم…اغنية ما بصدقكم هي من كلمات الشاعر الكبير حسين بازرعة ومن الحان الفنان عثمان حسين…

كلمات الاغنية:
لو قلتو حبيبي سلاني
ودع حبي ونسانى
ما بصدقكم
ده حبيبى الروح بالروح

انا عارف حبو إلىّ
دارى بعطفو عليّ
نسانى عذابي البيّ
قاسمنى الليالى الهنيه
ضم الفؤاد ذكراها
أزكى الخيال معناها
لو قلتو حبيبى نساها
ما بصدقكم
ده حبيب الروح بالروح

غرامنا أسمى غرام
ما بطولو أي حسود
زايد مع الايام
وتصونو أغلى عهود
حبيبى العهود راعيها
مهما الزمن طال بيها
لو قلتو لى ناسيها
ما بصدقكم
ده حبيب الروح بالروح

خلاص اتجمعو القلبين
خلاص اتوحدو الامالين
واصبحنا رغم البين
روح واحدة في جسدين
مهما تقولو ظلمنى
مهما تقولوا هجرني
أو بعد حبو خدعني
ما بصدقكم
ده حبيب الروح بالروح

قدمت الفنانة الشابة فهيمة عبدالله اغنية (مرت الايام) للفنان الراحل عبدالدافع عثمان بشكل مذهل وجدت به إستحسان الكثيرين…اغنية مرت الايام هي من كلمات الشاعر مبارك المغربي ومن الحان عربي الصلحي…

كلمات الاغنية:
مـرت الايـام كالخـيـل أحلام
وانطوت امـال كـم رواهـا غـرام
مـــرت ومــــر نـعـيــم
كان ظني فيه يدوم لكنه مر سريـع
خــلـــف وراه هــمـــوم
الامـــا مــــا بــتــزول
مـــا بـيــن ارق وذهـــوع
مـاكــان جـــزاي اهــيــم
سـمـيـري يـبـقـى الـليل
وهـوانــا لـســه ربــيــع
مـاكـان خـطـر فــي الـبـال
الـقـاك ويسحـرنـي تعـبـيـرك
او حــيــن اراك تـخــتــال
اهــواك وافــوز بتـقـديـرك
نتـلاقـى فـــي الاحـســاس
والـــحـــب يـغنـيـنــا
بالبهجة والاينـاس والحب يغنينـا
والـبــدر لـيـنـا سـمـيــر
ذكـــراك مـــا ذكــــراك
غـيــر الـعــذاب الــــوان
لو استطيع انساك او اعرف السلوان
مـاكــان ملـكـنـي هـــواك
يـا ريـت هــواك مــا كــان و
انـسـانـي لـــو تـنـســى
انـــا بـرضــاك راضـــي
انـــا لــلــوداد ذاكــــر
انـــا بـرضــاك راضـــي

طـــول عـمــري اتـاســف
مـــن حـســرة الماضي
واعـيـش عـلــى الحاضر

يظهر من خلال هذا الفيديو الفنان علي ابراهيم اللحو وهو يشارك الفنان الراحل سيد خليفة في اغنيته الشهيرة (الفارس الجحجاح)…هذه الاغنية من كلمات الشاعر عمر الحسين والذي قيل انه كتبها في جده..ومن الحان الفنان سيد خليفة…

كلمات الاغنية:

شدوا لك ركب ..فوق مهرك الجماح
ضرغام الرجال… الفارس الجحجاح
السم النقوع…للبدن نتٌاح
تمساح الدميرة ..الما بكتلو سلاح
عصار المفازة ..للعيون كتاح
المال ما بيهمو …إن كتر وإن راح
***
أبواتك جبير بيسدوا للعوجات
مطمورتك تكيل للخالة والعمات
في الجود والكرم إيديك دوام بارزات
ويا أب قلباً حديد في الحوبة ما بتنفات
***
بطناً جابتك والله ما بتندم
أسد الكداد الفي خلاكَ رزم
ويا رعد الخريف الفوق سماك دمدم
بابك ما انقفل نارك تجيب اللم
ما بتعزم تقول غير استريح حرٌّم
***
عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق في الفارغة ما بتحوم
لا بتتلام ولا بتعرف تجيب اللوم
ود ناساً عُزاز جمعوا المكارم كوم
تفخر بيك بنات البادية والخرطوم..

احتفلت صحيفة “اليوم التالي” السودانية التي تصدر في الخرطوم بمناسبة مرور عام على تدشينها وقد شاركت الفنانة السودانية الشهيرة ندى القلعة منسوبي الصحيفة في عرسهم الأول.

وشارك الفنان محمد النصري (من أشهر فناني الطمبور في السودان) في حفل اليوم التالي وفي أغنية “داير الرجعة” التي يقول مطلعها (داير الرجعة ياغالي خايف الرجعة، خوف الرجعة يا غالي سر الوجعة) تفاعل جمهور الحضور بالرقص بما فيهم الفنانة ندى القلعة ومزمل أبو القاسم رئيس تحرير الصحيفة.

فيما حاولت ندى القلعة الرقص على الطريقة الشايقية (الشايقية إحدى قبائل السودان ) .

شاهد اغنية (ناس الحلة) بصوت الفنان الشاب عاصم البنا…هذه الاغنية من كلمات الفرجوني ومن الحان الفنان عاصم البنا…