الشاعر تاج السر عباس – حبة حبة

حبه حبه زيد غرورك
مره زيد الريده حبه
وأمشي درب الحب معانا
أبقي زينا زول محبه
نحن ريدك من ربينا
تاتي فينا و فينا شب
*****************
ما زمان وصوك علينا
قالوا ليك خليك حنين
نحن ما حبانك انت
وأصلو حق الريده بين
في سبيل ضحكة عيونك
يبقي ظلم الدنيا هين
*******************
نحن أصلنا ناس محبه
زول نعزو و زول نريدو
والبيفوت ريدتنا يمشي
برضو نفرح بي جديدو
من عمرنا فرح حياتو
في شقانا لاقي عيدو
******************
نحن ما دايرين نعاتبك
انت مننا و انت لينا
انت لو غلطان معانا
حقك انت يكون علينا
نحن ناسك يا محبه
ليك عمرنا الباقي فينا

مجموعة نجوم الغد – عزة الفراق بي طال

يا عازة الفراق بي طال .. وسال سيل الدموع هطّال
طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال
ارضي آمالي في إمحال
ومن الهم …بقيت في اوحال
بعدك عزه ساء الحال
منامي وصبري اضحى محال
حليل الناس وناسا
طريت أم در حليل ناسا
وكيف انساها واتناسا
ومفتون بي ظبي ناسا
ولع جوفي جمري الحي
ومابتطفيه آه واحي
ويازينه ربوع الحي
لدياركم يعود الحي
ياعازه الفراق بي طاااال

الفرجوني وعاصم والأمين البنا – يا رشا يا كحيل

يا رشا يا كحيل غيثني
الهوي سباني
يا الامرضني وماطباني
في خديدك يلوح نور رباني
نيران اشواقك لاهباني
واسهام الحاظك ناشباني
ومن ضمن الحاله التاعباني
مهضوم كشحك وصدرك باني
يتمادي يميل خصرك فريع باني
من شفت الحسن الفتاني
قلبي ترحل ووجدي اتاني
ومال جيش حبك عتاني
بسهامة الما بتختاني
ومال صدركلحشاك تاني
وكتفك مال به فريع بستاني
يتكل في دروعه يبوس تاني
لو للشعر قصيدو مساني
ما بجيد وصفك غير لساني
في فؤادي الحب مساني
واصبح بي هواك وما ساني
مايصح منك تنساني
لوغاب شخصك عن انساني
غير شك اوصاف حسنك مؤانساني
هبتلي روائح داهشاني
يانسيم عقب عود علشاني
قول ليه غرامك اغشاني
وادركني الدمع الرشاني
الجمال شانك والحب شاني
يا نسيم روح بلغ واغشاني
بي حق من انشاك وانشاني
ليه يا ملاك حسنه سباني
ليك نوره وليك نار سارجاني
طرفي اللمحك هو الجاني
في بحور اشواقك زجاني
فيك خاطر بي ونجاني
اعلم اقبل سعدي وجاني
لو في الاحلام طيفك نجاني

الشاعر صلاح حاج سعيد – قمر الزمان

ﻛﺘﺒﺖ ﻟﻴﻚ ﻻ ﺑﻴﻨﻲ ﺑﻴﻨﻚ ﺭﻳﺪﻩ ﻻ
ﻗﺼﺔ ﻏﺮﺍﻡ
ﺍﺧﺘﺮﺕ ﻟﻴﻚ ﺍﺟﻤﻞ ﺣﺮﻭﻑ
ﻭﺍﺻﺪﻕ ﻓﻮﺍﺻﻞ ﻧﺎﺩﺭﻩ ﻓﻲ ﻟﻐﺔ
ﺍﻟﻜﻼﻡ
ﻻ ﻗﺼﺪﻱ ﺍﻟﻬﻮ ﻣﻌﺎﻙ ﺑﻲ ﻛﻠﻤﺎﺕ
ﻏﻨﻰ
ﻻ ﺣﺮﻭﻓﻲ ﻟﻴﻚ ﻣﺮﺟﻴﺤﻪ ﻣﻦ
ﺷﻌﺮ ﺍﻟﻐﻤﺎﻡ
ﻭﻛﺘﺒﺖ ﻟﻴﻚ ﻭﺍﻟﻠﻪ ﻳﺎ ﻗﻤﺮ ﺍﻟﺰﻣﺎﻥ
ﺷﺎﻥ ﺟﻴﺘﻲ ﺑﻲ ﺯﻣﻦ ﺍﻟﻤﺤﻨﻪ
ﻭﺷﻔﺖ ﻓﻲ ﻋﻴﻨﻴﻚ ﺣﺲ ﺍﻫﻠﻲ
ﺍﻟﻘﺪﺍﻡ
ﻭﻛﺘﺒﺖ ﻟﻴﻚ ﻭﺍﻧﺎ ﺟﺎﻱ ﻣﻦ ﺯﻣﻦ
ﺍﻟﺸﻘﺎ
ﻣﺮﺳﻮﻡ ﻋﻠﻰ ﻭﺵ ﺍﻟﺜﻮﺍﻧﻲ
ﻣﻈﻠﻼ
ﺗﺘﻤﺪﺩ ﺍﻟﺴﺎﻋﺎﺕ ﺳﻨﻴﻦ
ﺗﺘﻔﺘﺢ ﺍﻻﺣﺰﺍﻥ ﻏﺮﻳﺒﻪ ﻭﻣﺬﻫﻠﻪ
ﻭﺍﺷﺘﺎﻕ ﺍﻓﺘﺶ ﻧﺴﻤﻪ ﻓﻲ ﺍﻟﺰﻣﻦ
ﺍﻟﻌﺬﺍﺏ
ﻭﺍﻳﺎﻣﻲ ﻣﻦ ﻛﺘﺮ ﺍﻻﺳﻰ ﻭﻛﺘﺮ
ﺍﻟﻌﺰﻭﻑ ﻭﺍﻻﻏﺘﺮﺍﺏ
ﺻﺎﺭﺕ ﺣﺮﻭﻑ ﻣﺘﺮﻫﻠﻪ
ﻛﻠﻤﺎﺕ ﺍﺳﻴﻔﻪ ﻭﻣﻬﻤﻠﻪ
ﻭﻛﺘﺒﺖ ﻟﻴﻚ ﻭﻛﺘﺒﺖ ﻟﻴﻚ
ﻭﻭﻗﻔﺖ ﻟﻴﻚ ﻻﻣﻦ ﻟﻘﻴﺘﻚ ﺟﺎﻱ
ﻓﻲ ﻗﻠﺐ ﺍﻟﻄﺮﻳﻖ
ﻭﻟﻤﺤﺖ ﻓﻴﻚ ﺭﺍﺣﺔ ﺍﻟﻤﺸﺎﻭﻳﺮ
ﺍﻟﺒﻌﻴﺪﻩ
ﻭﻟﻔﺤﺔ ﺍﻟﻨﺴﻤﻪ ﺍﻟﺤﻨﻴﻨﻪ ﺍﻟﺠﺎﻳﺔ
ﻣﻦ ﺟﻮﻑ ﺍﻟﻤﻀﻴﻖ
ﺣﺴﻴﺖ ﻋﺠﺎﻳﺐ ﺍﻟﺪﻧﻴﺎ ﺍﺗﻠﻤﺖ
ﺑﻘﺖ ﺟﺎﻳﺎﻧﻲ ﻣﻦ ﻋﺼﺮ ﺳﺤﻴﻖ
ﻋﻴﻨﻴﻚ ﺣﺲ ﺍﻃﻔﺎﻝ ﺑﻨﺎﺩﻭ
ﺍﻟﻘﻤﺮﻩ ﻟﻠﻐﺎﻳﺐ ﻳﻌﻮﺩ
ﻭﺟﺒﻴﻨﻚ ﺍﻟﻀﻮﺍﻱ ﺣﺠﺎ ﺣﺒﻮﺑﻪ ﻓﻲ
ﺍﻟﺰﻣﻦ ﺍﻟﺴﻌﻴﺪ
ﻳﺎ ﻗﻤﺮﻩ ﺍﻗﻠﺒﻲ ﺍﻟﺴﻨﺴﻨﻲ ﺍﻟﺤﻤﺮﻩ
ﺷﻮﻓﻲ ﺍﺑﻮﻱ ﺟﺎ ﻭﻟﻪ ﻣﺎ ﺟﺎ
ﻭﺍﻧﺎ ﻓﻲ ﻗﺴﺎﻭﻩ ﺍﻟﺰﻣﻦ ﺍﻟﻤﻮﺣﺶ
ﺍﻟﻤﻜﻬﺮﺏ ﺑﺎﻟﺤﺮﻳﻖ
ﺍﻧﺎ ﺣﻴﻠﺘﻲ ﺍﻳﻪ ﺍﻧﺎ ﺣﻴﻠﺘﻲ ﺍﻳﻪ ﻗﻮﻝ
ﻟﻲ ﻳﺎ ﻗﻤﺮ ﺍﻟﺰﻣﺎﻥ
ﻏﻴﺮ ﺍﺗﻜﻲ ﻭﺍﺣﻠﻢ ﻣﻌﺎﻙ ﻭﺍﺣﻀﻦ
ﺍﻣﺎﺳﻲ ﺍﻟﺼﺤﻮ ﻭﺍﻻﻣﻞ ﺍﻟﺒﺮﻳﻖ
ﻗﻮﻟﻲ ﻟﻲ ﻳﺎ ﻗﻤﺮ ﺍﻟﺰﻣﺎﻥ ﺍﻧﺎ
ﺣﻴﻠﺘﻲ ﺍﻳﻪ ﻗﻮﻟﻲ ﻟﻲ ﻳﺎ ﻗﻤﺮ
ﺍﻟﺰﻣﺎﻥ

برلمان جنوب السودان يقر قانون الأمن القومي

أقر البرلمان في جنوب السودان قانون الأمن القومي، وسط انتقادات حادة من أعضاء المعارضة البرلمانية. ويمنح القانون حصانة لرجال الأمن وصلاحيات واسعة في الاعتقال والتفتيش والحجز بدون إذن قضائي مسبق.
تقرير: هيثم أويت

فيديو .. مني مجدي – كلما سالت عليك

كل ما سألت عليك صدوني حراسك
ردوا الجواب كافين مع إني من ناسك
ردوا الجواب قالوا كم غيرك إحتالوا
غير صدهم لاشئ مننا نالوا
يا قاسي يا قاسي هل يرضيك ما قالوا
ام إنت ماهاميك ولا حرّك إحساسك
ياغالي ياغالي يالديمة في بالي
جفاك حارمني من لهجك الحالي
أنا في هواك ياجميل إتحطم آمالي
أنا برضي بستناك والصبر يحلالي
كل ما شذاك يسري في قلبي كالسحر
ييقظ لهيب الشوق والهوى العذري
أهواك واداري هواك لو يتقضي عمري
عمري باقي على عطفك وإحساسك أنا

فيديو .. وليد حميدة – زمن رجوعك

زمن رجوعك فات وعدى
تاني ما بندم عليك
ما ولى راح عهد الموده

كلمات والحان : يوسف البربري
تنفيذ ومكساح : عادل حسن
كمنجا : أباز شمس العلا