فيديو .. محمد الجزار – في الضواحي .. كلمات خليل فرح

كلمات أغنية في الضواحي للشاعر  خليل فرح

في الضواحي وطرف المداين
يلا ننظر شفق الصباح
قوموا خلوا الضيق في الجناين
شوفوا عز الصيد في العساين
يلا نقنص نطرد نعاين
النهار إن حر الكماين
كلبي يا جمجوم أصلو خاين
شوفوا كيفن يبرا الملاين
هب شالا وكشح المراح
في القنيص الخيل خفّ راسن
نحن ما بنخاف من مِراسن
المكارم غرقنا ساسن
والمجاهل مين غيرنا ساسن
إن عطشنا نمز مر وآسن
وإن عشقنا بنعشق محاسن
في محاسن كفى يومنا راح

يا الطبيعة الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
بي قفاهن تور قرنو ماكن
لا غِشن لا شافن مساكن
في الخزام والشيح والبراح

ما النسيم الليل بي برودك
نامت الأزهار فوق خدودك
غرّد العصفور فوق عودك
النفوس ما إتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح

شوف صباح الوادي وجمالو
شوف خضارو وصيدو ورمالو
شوف يمينو وعاين شمالو
شوف نسيم الليل صاحي مالو
شوف فريع الشاو مين أمالو
البدر خجلان من كمالو
والصباح لاح بهل الوشاح

يا أم لساناً لسع معجن
كلمة كلمة وحروفا ضجن
ديل خدودك غير داعي وجّن
ديل عيونك غير سبة لجن
ديل دموعك من نظرة سجّن
دا دلال إيه دا دلال معجن
محّن الأمات يا رداح



القسم :

اغاني

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.