الكاتب: فيديو النيلين

خالد محجوب .. حبيبي أنا عيان

فـــي الطــيـــف او فـي الصحـيــان
زورنـــي حبيــبــي انـــــا عـيـّــــان
مـــالــو لــو فــي بعـــض الاحــيـان
تســمــح لــي صحــواً اراك عَـيـَـان
تاخــد يــا حـبـيــب عـن حالي بيان
عسى تبقي قلوبنا في الغرام سيان
يا الفريد في حسنك وبهجة امدرمان
لي من شوفتك يـا حبيبـي زمـان
ديمة اساهر ونوم عينـي حرمـان
وانت بين اترابك في نعيـم وامـان
ديمـة اسـاهـر الى صيـحـة الاذان
اناجي خيال اشعاري والنجم والاوزان
انت وين يا البي حسنك وطننا مزان
انت تظهر وتمشي عني يا الاحزان
قبل حسنك ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان

فيديو .. أمنية إبرهيم – دفاتر ذكريات

الفنانة أمنية إبرهيم ( أمنية نغم) – دفاتر ذكريات
كلمات والحان بشير القمر
تقاسيم – تقديم: نجود حبيب

فيديو .. طه و افراح – عاجبنى الكريم

عاجبني الكريم البسند الضعفان
رباي اليتامى ومركز الضيفان

البارح صحيت بعد المساهر نام
بي عيني بشوف برق الكرم قدام
سايق الخير كتير هاطل سحاب وامام
إسند في الضعاف وبربي في الأيتام
اسمك عيسى يا قشاش دموع الهام
كم حليت كرب وفرجت أمرأً هام

غني وشكريه الليلة يالنيّة
فارساً حمره عينو زين أبو بنية
للأخوان مدفق خيرو ما شوية
إيدو تملي تدفع ما ها ملوية
عطاي بالألوف ما بدي بالمية
وإحاكم الزمن نار الكرم حية

من ما قام صغير ما بمشي في الفارغات
للجار والعشير هو الدخري في الحوبات
ستار العروض البرفع الواقعات
صاين عرضو راخص مالو للشذرات
دابي الكركرة أسد الخلا أبو عاجات
مدخور يالمشكر للبلية إن جات

غني وشكريه يا خضرة الليمون
صنديد الرجال ما بنقدر بالهون
يالحر المأصل يا دهب شيبون
يا ضو الرفاقة اللي العروض مأمون
سموك اللزوم القاطع المصنوم
قضاي الغروض اللي الفقر صابون

تمساح أدبرة الحدر ورود القيف
يا نمر الفروع في الغابة ماكا طريف
يالضل الظليل الفي هجيرة الصيف
للرايدك محنة وللمعاديك سيف
ياشدر الهنا الشايل الثمر عليق
حق الشكرة صح عيسى البتم الكيف

غنت ليك بنيتاً موجت ديسا
غنت ليك سعاد والدر وبلقيسا
بالخيل الكرم عندك وقف ميسا
ياضو القبيلة الحققوا الريسا
يوم تجي للرجال الحارة بتقيسا
الباقين نجوم إلا القمر عيسى

فيديو .. صباح عبد الله – خال فاطمة

يسلم لي خال فاطنه

ليهم بلالي البدرج العاطله

ابكريق في اللجج

سدر حبس الفجج

خال فاطنه

عشميق حبل الوجج

انا أخوى مقلام الحجج

خال فاطنه

يا خريف الرتوع

ابشقه قمر السبوع

فوق بيتو بسند الجوع

يا قشاش الدموع

خال فاطنه

ايمان واماني .. الغرام قدري

الغرام قدري و في العيون ودري و انت ما داري
هم سبب سهري زادي في سفري و دنيتي و داري

الغرم سلطان بيسبي لو مرة
تجري احكامو حلوة او مرة
لو وهبنا امان ليك و لي سر
العمر يازول اصلو كم مرة

يسبح الهيمان في بحور ريدو
اعذب الالحان يبقى ترديدو
بين ورود الوان من حانا لي حنان
كل يوم في دول جنتو و عيدو

اشدو بانغمات ليك ليك تقديري
يا سرى الغيمات ليهو بي طيري
اصلي زول مفتون في عيون غيري
و الغرام قدري و راضي بي مصيري

فيديو .. معتز صباحى – قطر الندى

الريد جوه قلبي بي حبك بدا
ياطيبة حياتي ياعطر الندي

ماكان في خيالي اتنكر كده
ايامنا الجميلة ليه بتنكدا

جربت هواهم وقليبي انكوا
تاريهم جارو جارو وماصادو الهوي

حاولت اسيبك واتناسي المضي
ايامك معايا ساعات الرضا
المكتوب عليا انا قلبي ارتضا
ياريت الليالي عطفو يعوضا

الكلمه الحنينه مشتاق اسمعا
ياروحي خلاص جفيتوالشوق لوعا
الدمعات عيوني و وانا شايف سنيني زولك ضيعا

جربت هواهو وقليبي انكوا
تاريهم جارو وماصانو الهوي

محمود عبد العزيز & محمد الجزار – وعد اللقيا

لو يزور طيفك خيالي ** يبقى وعد اللقيا قرب

أصلي مغرم بعيونك ** قلبي في بعدك معذب

أصلي في أيام غيابك ** ما بيزور النوم عيوني

طالعة في أنفاسي آهة ** يالهواك مصدر شجوني

ياما ديمة بغني ليك ** انت يا الهام عيوني

تشرق الآمال في قربك ** وياما بيكي يضوي نوري

دنيك غير دنياك قاسية ** انت ساقطة وديمه ناسية

يا ما شوفتك لي شافية ** ابتسامتك ليا عافية

لو يزور طيفك خيالي …..