الكاتب: فيديو النيلين

خدارى البى حالى ماهو دارى
جافانى
متين إزورنى حبى ومحياهو يضوى دارى
وأقول جلسته مره مع الصيد الخُدارى
أظهر أمام عيونى لا تبقى متوارى
أنا جارك البريدك أوعاك تخون جوارى
فى فكرة الكواكب والأنجم السوارى
والحور مع جمالن بالنسبه ليك جوارى
لولاهو ما صبرت على زلى وإنكسارى
لولاهو ما أشتبهت فى يمينى أو يسارى
كلما رئيتو باسم الطيب إجينى سارى
كلما رئيتو تايه إزداد على حِسارى
ما دام صِبحت عاشقك والحُب صبح ثمارى
خلونى فى جنونى أسجع مع القمارى
خلونى فى الأرائك أسجع مع القمارى
خلونى فى خلونى فى خلونى فى سيبونى
فى الأرائك أسجع مع القماااااااااااااارى

أفديك بالروح يا موطني
فأنت دمي و كل ما أغتني
بلادي أنا …………..
تراث اكرام و مجد العرب
و سفر كفاح روته الحقب
نسمت شذاها و طيب ثراها
و ذوب هواها جري في دمي
يعزز في السير من مقدمي
و أرضي هنا..
بناء جدودي و مأوي أبي
و تاريخ شعب كريم أبي
فيا إخوتي
لنمشي إلي النور في ثورة
نحطم قيد الليالي العتي
ونحن الفدا ….. جنود الردا
نعيش عليها و نحيا لها
و نحمي دماها من العدي.

توعدنا وتبخل بالصورة
يا غنوتنا
يا بهجتنا
ويا مرسى عيونا المبهورة
ما نحن بطبعنا ناس طيبين
غلطاتك عندنا مغفورة
يا نسمة في عز الصيف هبت
يا روح الروح يا آمالا
إن جيت تطلبنا بضي العين
مابنقدر نحن نقول لا لا
العين مابتعلا على الحاجب
وعزيز الروح مابتعالا
لو نحن بكينا على الصورة
سامح دمعتنا المعذورة
ما نحن بطبعنا ناس طيبين
غلطاتك عندنا مغفورة
الكلمة الحلوة الفي قلبك
وحياتك ماتعاند قولا
خلينا نصابح بيها العيد
نرحل لعوالم مجهولة
لو نحن مقامك ماقدرو
أعذارك عندنا مقبولة
ياروعة سحر الأسطورة
يا سمحتنا الما بنطولا
لو نحن مقامك ماقدرو
أعذارك عندنا مقبولة
بنحبك نحن وما قادرين
أبدا عن حبك نتخلا
نتخلا عن الوجه البشبه
ضي القمرة الناعس طلا
كل الآمال الله يخليك
ويحرسك من عين الناس الله

هل تدري يانعسان أنا طرفي ساهر
جسمي اضمحل وبغرامك وأنت زاهر

أنا حالي ظاهر
عاشق نبيل ياجميل ليك حبي طاهر
وشاعر مجيد لغناك فنان وماهر
بسحر جمالك وكرم خلالك وعشان جمالك
اهوي القمر والنيل واهوي الازاهر

ليل ونهار وأنا لي حبك بهاجر
أخذني نورك ويا ساحر المحاجر
لا اخشي لوم في هواك لااخشي زاجر
مهما ألاقي من طول فراقي وفرط اشتياقي
حافظ عهودك وحياة خدودك ياللي هاجر

حسنك بديع ياوديع في عصروا نادر
حكّم صفاك مولاك ذو حكمة قادر
مكتوب هواك لي ضناي ياحبيبي صادر
ماكر شفاي واراك علي طبي قادر
وأنا برضه آمل تعطف تجامل بمس الأنامل

تشفي الجروح والروح ولي لقاي تبادر

معايا معايا في الدرب الطويل
احنا في بداية طريقنا ليه تقول لي مستحيل
و ليه تخلي الوحشة تملى عشنا الهادي الجميل
شوف عيونك فيها دفقات الامل عيونك
وجنتيك يادبا ورنتي الجخل يادابا
لسة ما عرفت هواك الا نورها بيشتعل
ياخي بدري على الهموم بدري على الوجل
اوعى تطرق غير قلوبنا قبل ما تعطف عليك
خلي قلبك بحنانو الفيهو يتشوك اليك
بكرة
حبك انت صار حياتها و الحنان يتبرى بيها
يا حبيبي طل و شوف بعينيك نور القمر
مر ما اخفى ابتاسامته عمر في حالة خضر
هو ذيك في ضياه و الدجى خصل الشعر
احنا اسعد من لو سبنا المقادير للقدر

الدلال والغرام عَيوني
ياهُندة جافوا المنام عيوني
____________
مرة الحاظها قابلونى
ظلما اسهاما نبلونى
قالت لى ارداف تقال بلونى
والسنون تضوى قالبه لونى
_________________
الضمير قال لي خبروني
الصدر والرِدف بروني
بالتقل كادوا يبتروني
وديسه حاجبني مابتروني

انا والاشواق فى بعدك
بقينا اكتر من قرايب
ما بنغيب عن بعض ابدا
زى اعز اتنين حبايب

كنت فاكر الشوق يغيب
لحظة واحدة عن فؤادى
مع الزمن يتلاشى وجدى
قلبى يسلاك فى بعادى
وشوقى قال لى مستحيل
مرة يتحقق مرادى
ولازمنى زى خلى الوفى
واصبح حبيبي الما بعادى

اى لحظة بعيدة عنك
ضايعة من ايام زمانى
وكل يوم كان لى فى قربك
اتمنى لو احياه تانى
وروحى لو غنيتا ليك ما
تصور كم اعانى
وشوقي ابلغ من غناى
وحبى اسمى من المعانى

كم رسالة يا حبيبى بسطرا
اشكى بالبعد يا ناسينى
واحلى كلمة منى ليك بضمنا
باقة من شوقى وحنيني
بين حروفا اشوف خيالك
وانت تتبسم لعينى
وقبل ما اختم سلامى
بتمنى لو ردك يجينى

كلمات الأستاذ السر دوليب
لحن وغناء الاستاذ محمد ميرغني

حبيبي ناوي الرحيل
كيف تسيبني؟
ده كلام مستحيل
*
رفقا أرحم قلبي النحيل
الفي غرامك ابا ما يميل
.. كفاه صدك….كفاه عهدك
بحق ودك يزيدوا بعدك
انت آية طرفك كحيل
الوردي خدك وخصرك نحيل
*
يا مثال الحب النبيل
هل انت ناسي زمني القبيل؟
ايام ما كنا لقانا سنة
بقرب جنة هزارنا غنى
كم رشفنا كؤوس سلسبيل
البعدو عنا العاذل الهبيل
*
في المساء الهادي وجميل
وبين غصون الروض والخميل
كم أجاهد للطيف اشاهد
ليلي شاهد طرفي ساهد
أما قلبي الاصبح ثميل
ليك معاهد ولسواك قط ما بيميل

كم جلسنا في ظل النخيل
وكم تركنا العالم دخيل
ما علينا كم سلينا
لما اختلينا رقنا وحلينا
العفاف حارسنا وزميل
بالنسبة لينا
ما بثينة؟ بثينة وجميل
كيف تسيبني؟
ده كلام مستحيل..

احترامي اليك من صميم قلبي غير ما اشعر

اتفانى عليـك والدليل حبي تسبح تنظر

شوف دمـوع عيـني السايلة فوق خـدي

من لهيـب الشـوق برضو مـافي خـلاص

هكـذا ياظـالم جزاء الاخـلاص

ذبـت في حبـك آآآآآه والفـؤاد مجـروح

مـافضل مـني شـي خـلاف الروح

هكذا الاشــواق تسمـو بالعشـاق

من صـدا الاشبـاح لي سمـا الارواح

حيث تروي عـلاك للنجـوم اعـلاك

سابحـة في عاليـاك طـافية كالامـلاك

انت ابهـج نـور من بـدور الكـمال

سـاطعة في آيـات من معـاني الجـمال

تجـعل الفنـان عبقـري الخيـال

لو نظـم اشعـار او عـزف اوتـار

تندهـش افكـار والعقـول تحتـار

ياجميـل يـامـا في الجمـال اسحـار

انـا في شخصـك بحتـرم اشخـاص

وطبعـا عنـدي احترامـك خااااااص

ياقائد الاسطول
تخضع لك الفرسان
يازو الفخار والطول
ارحم بنى الانسان
مين لى سماك يطول
ما بطولك اللمسان
معناك شرحو يطول
والله يا انسان
اصدق كفاك مطول
يا زو الحسن احسان
انا عقلى بيك مختول
والناس عقول ولسان
ما بنكر المعقول
أمنت بالايمان
يا الطلسم المصقول
بدل لى خوفى امان
يا النور سحرت عقول
كانت صميمة زمان
يا من تحق القول
قتل النفوس حرمان

فتحت باب الريد لقيت حبيب عمري
الباب قصاد الباب ساكن معاي بحري
شفت العيون نعسان وخدود و وردية
ليل الشعر نازل فوق الصباحية
البسمة والنظرات زي احلي عيدية
اما القوام والطول خليهو بالنية
زاد العلي يا ناس ما ابتسم ليا
لهلف قليبي الريد والشوق لعب بيا
ما كنت من اول دور نار الغرام حية
نارية من صدو نارية نارية

جهاد مجدي- حفيدة عثمان حسين – خاطرك الغالي

دايماً أطيب خاطرك الغالي وأسامحك لو نسيت
ودعت من يهواه قلبي يقربك مهما نأيت
كم مرة كم حاول يفرق بينا حاسد أو عزول
كم مرة قالوا جنيت علي بدلت ضو أيامي ليل
لكني يانور العذاب أنا مابغير حبي قول
تلقاني دايما فى رجاك تلقاني فى حبك أصون
أسأل عليك الليل ونجموا وكل أنوار الصباح
و كل طائر في سماهوا في شريعتو الحب مباح
أسأل مشاعرك عن هوانا وليه حنانك لي راح
خليني في غاية الألم وحبي تزروه الرياح
حيران أسائل نفسى إيه كان السبب أصل الخصام يمكن يكون فى حقك إتلومت فى ساعة ملام
لكن دة ما معقول يكون أنا قلبى ليك حفظ الغرام
ما أظن من عرف الهوي يعرف عداوة مع السلام

ياطير يا ماشى لاهلنا
بسراع وصل رسائلنا
***
والشوق ما تنسى ياطاير لكل البسالك عنا
قول ليه على عهد مازلنا وما زلنا
ذكراهم انفاسنا ومشاغلنا
كيف حال بستانا وخمائلنا
ربوتنا ومجمع شمائلنا
***
انا فى انتظارك ياطاير على نارنا
وصل رسايل وعود بالبشاير
قبال تعود لازم تروح من تانى مره
ماتنسى زول فى الحله الا
سلم عليهو وتبوس ايديه