الكاتب: فيديو النيلين

بين الليلة وبين يوم باكر شتلة إلفة ومضة خاطر
شوق الناس البذروا بذورم
منتظرين المطرة تخاطر
هبّت نسمة مساها حِنيّن
ربطتت بينا وبينا أواصر
تبقى الكلمة ونحنا نغادر
تفضل شايلة الثمر الطيّب
ويبقى حضورك لي يغيّب
والأيام ترحل لي باكر
********
الإحساس البينا حقيقي
نوروا يضوّي طريقي
ترسى مراكبي وإنت تروقي
غصن الفرحة يخضّر باكر
والأحساس بي باكر يكبر
في أعماقنا ويصبح زاهر

بهاجر ليك وراجع انا ليك

وما قايل بجيني زمن

حكايتي مع الحنين بتطول

بخاجر ليك عشان القاك

في لون الصباح وارتاح

وفي ضي السنين الغاب

شكاها وطل بعدو صباح

وزي سواح انا زي سواح

بهاجر ليك

ومهما تشيل شراعي رياح

وما قايل بجيني زمن ..

حكايتي مع الحنين بتطول

بهاجر ليك وخايف من دموع عينيك

تبلل طرفك المشتاق

تطرّيني الوداع وابكي

على الزمن الصبح فرّاق

أصلو الما عرف عينيك

ده ما عرف الحنين حرّاق

وما قايل بجيني زمن ..

حكايتي مع الحنين بتطول

منو البقدر على الغربة ..

بهاجر في مدار عينيك

وغيري منو البصادق الهم

وخوفو الباقي كلو عليك

وحاااتك هانت الايام

وتسلم للفرح عينيك

وما قايل بجيني زمن ..

حكايتي مع الحنين بتطول

ياعازف الأوتار مالك علي قلبي
أشعلت فيه النار من جمرة الحب

ياعازف الأوتار أنا قلبي بين إيديك
أوتارو رقت لي ريانة من ريدك
مشبوبة الأشواق ظماي الي عودك
آه أنا قدمت اليك أشعار أعجب لتغريدها
حبيبي عايش بآلامك في دنيا أحلامك
في دنيا أحلامك عايش بآلامك

ياعازف الأوتار ما أحلي أوتارك
ذكرتني الماضي كاسك وسمارك
وسكبت في روحي من فيض أشعارك
ذكرتني الوادي ذكرتني الوادي
وليالي أعيادي وغرامي ياشادي
فأعطف علي قلبي ياساحر الأوتار
ياعازف .. يا عازف … يا عازف الأوتار

امانة عليك يا تايه الخصل
ويا خير عمّ في دروب عمرنا الضايع هطل
انحنا متين عرفناك ومتين الكنا ما دايرنو يحصل
داس مشاعرنا وحصل

شلناك شمعة نسقيها الحنان
غصونها ضوها ما فتر
وغنيناك كاشواق شاربة روعتنا وحنان
همساتنا روعتنا وحنان
همساتنا لابسة ضيء القمر
وغنيناك كامال ما بتخيب
ريانة تنضم نجمة نجمة
تغزل الاهات بعهود مغسولة بعرق السهر
شلناك فوق رموش العين
سنين يا عمري كانت ساكرة تواهت درب

وحيات الحنان الدقنا ليلات لو بتتذكر عسل
وحيات اهة ساقيها الدلال من النعاس خدر الكسل
تايه الخصل –

ﻋﻴﻨﻴﻚ ﻳﺎ ﺃﻋﺰ ﺍﻟﻨﺎﺱ ﻓﻴﻬﺎ ﺍﺧﻄﺮ ﻣـــــــــــﺎﺱ
ﻋﻴﻨﻴﻚ ﻗﻮﺓ ﻣﺎﺑﺘﻨﻘﺎﺱ
ﻭﻋﻴﻨﻴﻚ ﺭﻭﻋﺔ ﻳﺎ ﺇﺧﻼﺹ
ﻋﻴﻨﻴﻚ ﻗﺎﺻﺪﻥ ﻋﻴﻨﻲ
ﺧﻠﻨﻲ ﺍﺑﻜﻲ ﻣﻨﻲ ﻭﻟﻲ
ﻋﻴﻨﻴﻚ ﺧﻠﻨﻲ ﺑﻘﻴﺖ ﺑﻴﻦ ﺍﻟﻤﻤﺎﺕ ﻭﺍﻟﺤﻰ
ﻋﻴﻨﻴﻚ ﺣﺎﺭﻗﺔ ﺟﻮﺓ ﺍﻟﺠﻮﻑ
ﻭﻋﻴﻨﻴﻚ ﻓﻴﻬﺎ ﺃﺣﺪ ﺳﻴﻮﻑ…
ﻭﻋﻴﻨﻴﻚ ﻣﺎﺑﺘﻌﺮﻑ ﺍﻟﺨﻮﻑ
ﻭﻋﻴﻨﻴﻚ ﺗﺮﻫﺐ ﺍﻟﻔﺮﺍﺱ
ﻭﻋﻴﻨﻴﻚ ﻣﻨﻴﺎ ﻟﻠﻮﻟﻬﺎﻥ
ﻭﻋﻴﻨﻴﻚ ﺗﻤﺴﺢ ﺍﻻﺣﺰﺍﻥ
ﻭﻋﻴﻨﻴﻚ ﻓﻴﻬﺎ ﺍﻟﻒ ﺣﻨﺎﻥ
ﻭﻋﻴﻨﻴﻚ ﺗﻐﻴﺮ ﻣﺼﺎﻳﺮ ﺍﻟﻨﺎﺱ
ﻭﻋﻴﻨﻴﻚ ﻣﻨﻴﺎ ﻟﻠﻤﺤﺘﺎﺝ
ﻭﻋﻴﻨﻴﻚ ﻟﻠﺴﺠﻴﻦ ﺇﻓﺮﺍﺝ
ﻋﻴﻨﻴﻚ ﺳﻤﺤﺔ ﻏﻴﺮ ﻣﻜﻴﺎﺝ
ﺣﺎﺭﺳﺎﻫﺎ ﺍﻟﺮﻣﻮﺵ ﺣﺮﺍﺱ
ﻋﻴﻨﻴﻚ ﻓﻴﻬﺎ ﻋﻠﻢ ﺍﻟﻄﺐ
ﻭﻋﻴﻨﻴﻚ ﻋﻠﻤﺘﻨﻲ ﺍﺣﺐ
ﻋﻴﻨﻴﻚ ﻣﻦ ﺣﻨﺎﻥ ﺍﺷﺮﺏ
ﻭﺍﻟﺸﻮﻕ ﺯﺍﺩﻧﻲ ﻟﻴﻬﺎ ﺣﻤﺎﺱ

حُبي ليك حُب ما إعتيـــــــادي

الزهور والورد شتلوها جوة قلبي
عشان حبيبي تذكراو ديمة عندي

حبيبي يعلم ذكراهو خالدة عندي
وطيف خيالو متي إمتي غاب عني
ثم أجتمعنا في تأني وفي تمني
ثم أفترقنا وكأني وكأني

فيا صحابي يكفيني صنت عهدا”
من المودة وجزاي كان صدا
الجور تفشي والهجران تبدا
الحب تولي والاخلاص تعلا

ترِك حمامة تخبرني بي هياما
تقولي اصبر في العجلة النداما
فكم صبرنا وكم كم كم الي ما
تطير عقولنا تخبرنا بالغماما

حبيبنا شرف أخذني في قدومو
عرفني مزعج وتدلي من نجومو
بأيه يثبت انو وحات عيونو
اخلاصو ظاهر وياربي لي تصونو

الزهور والورد شتلوها جوة قلبي
عشان حبيبي تذكارو ديمة عندي

في بنات الجيل بشوف حسنك فريد
فيك قوام زي الغصن وكتين يميد
والجمال الفاتن الفات الحدود
ربنا يغطيه من عين الحسود
والله خايف في مشيتك يسحروك
بسحروك يا السمحة لو شافو الخدود
ولا شافوا الأعين المكحوله سود
خوفي بس ياسمحه ماتصيبك عيون
بسحروك في البسمه لو شافو السنون
والسمار الباقي ليك ياحلوه لون
والدلال والروقه والنغمه الحنون
ياشبيه الحور بخاف مايسحروك
بسحروك يا السمحه لو شافو الخدود
ولا شافوا الاعين المكحوله سود
العجيب كل البنات منك تغير
شافن الجسم اللطيف زي الحرير
والغزال حاسدك عشان فيكي الضمير
والهلال من نور جبينك يستعير
بسحروك الناس عشان ما بشبهوك
بسحروك يا السمحة لو شافو الخدود
ولا شافوا الأعين المكحوله سود

Read more: http://www.blue-nil.net/vb/showthread.php?t=29733#ixzz3IUxzHqxy