الكاتب: فيديو النيلين

مسو نوركم شوفوا المن جبينة صباح
والصباح لو لاح لا فايدة فى المصباح
هل اتلك حديث الكوكب النطاح
قمرة تمطر خمرة حارسا الفضاح
لو تعيرنا محاسن شمس للايضاح
مابتعيرنا محاسن محيها الوضاح
نور جمالا دهشنا معشر الفصاح
بين ناطق صامت بين صامت صاح
غالية غالية محاسن فيها شوق يا صاح
الجمال الفيها..كل معنى صاح
نصدر الايات من نور على الالواح
المعانى الفرد وميتة الارواح
فى العيون المرد والسحر لاواح
تجلب الالباب ويفرح النواح
القوام اللادن والاريج الفاح
من جسيما الناعم الاسمر التفاح
خلا عقلى وخلا فى هواى كفاح
جيش هواها احتل قلعة الاصفاح
روضة غنى جمالا يجلب الافراح
حورا من الجنة تسقيك راح
كل هذا تراه ما بزيل اتراح
من بحبو تهانت واستراح وراح
ياليالى احبابى ما شفيتى جراح
بل شفيتى فؤادى ومدية الجراح
صرت اتلو حديثك فى الوجود بصراح
لو تليت بو كتابى سميت بالشراح
كم نظرنا مناظر يعلم الفتاح
لو قفلنا قلوبنا كانت تكون مفتاح
ادرى ام ما ادرى صرت كالمفتاح
لو رضاكى هلكنا للهلاك نرتاح
ما جنيت بهواى ما على جناح
ه شكيت للقمرى لو يعيرنى جناح
يكفيك لسانى الغنا فيك ليك وناح
لو رثيت بو حياتى ما زلت لى مناح.

مسو نوركم شوفوا المن جبينة صباح
والصباح لو لاح لا فايدة فى المصباح
هل اتلك حديث الكوكب النطاح
قمرة تمطر خمرة حارسا الفضاح
لو تعيرنا محاسن شمس للايضاح
مابتعيرنا محاسن محيها الوضاح
نور جمالا دهشنا معشر الفصاح
بين ناطق صامت بين صامت صاح
غالية غالية محاسن فيها شوق يا صاح
الجمال الفيها..كل معنى صاح
نصدر الايات من نور على الالواح
المعانى الفرد وميتة الارواح
فى العيون المرد والسحر لاواح
تجلب الالباب ويفرح النواح
القوام اللادن والاريج الفاح
من جسيما الناعم الاسمر التفاح
خلا عقلى وخلا فى هواى كفاح
جيش هواها احتل قلعة الاصفاح
روضة غنى جمالا يجلب الافراح
حورا من الجنة تسقيك راح
كل هذا تراه ما بزيل اتراح
من بحبو تهانت واستراح وراح
ياليالى احبابى ما شفيتى جراح
بل شفيتى فؤادى ومدية الجراح
صرت اتلو حديثك فى الوجود بصراح
لو تليت بو كتابى سميت بالشراح
كم نظرنا مناظر يعلم الفتاح
لو قفلنا قلوبنا كانت تكون مفتاح
ادرى ام ما ادرى صرت كالمفتاح
لو رضاكى هلكنا للهلاك نرتاح
ما جنيت بهواى ما على جناح
ه شكيت للقمرى لو يعيرنى جناح
يكفيك لسانى الغنا فيك ليك وناح
لو رثيت بو حياتى ما زلت لى مناح.

حبيبي انا امتي اراك
في نعيمك وفي ظل ضراك
جل يا سبحان البراك
ليك جعل عفة مؤازراك
أنت مفرد ومالك شراكه
بالمحاسن مختص براك
ليك قامة تميل مايحاك
والغصن لميلانه حاكا
لو حضرت مساك أو ضحاك
كل كوكب غاب واستحاك
في نعيمك وفي ظل ضراك
……
يا حبيبي الصاين ولاك
روحي بعدك أسباب هلاكا
ساده خدك زاين حلاك
أنت ملك الدنيا وملاكا
……
نور محيك نور فضاك
والحلل قد أدمت أعضاك
خد بنظرة تدل عن رضاك
……
النسيم المار من رباك
جاب لي عرف الطيب من خباك
لي مثل حالة صباك
صار منامي الرايح جباك

يا أنة المجروح يا الروح حياتي تروح
الحب فيك يا جميل معني الجمال مشروح
للحب لهيب فى الجوف زيو الزناد مقدوح
منه الجبابرة تلين لصوت بلابل الدوح
تصاحبو النسمات تفضل معاها تدوح
من نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
حوريه فى السودان بحبى ليكى أبوح
عنب جناين النيل أتمنى منه صبوح
وانشد فؤادى الضال بين الرياض مذبوح
أرى الهلال فى ظلال تلك الخميلة يلوح
أنا لو ضمنتو رضاك اكون سعيد ممنوح
يا من تسر رؤياك تفرح تنسى النوح
تكسو النهار بجمال خديك جمال ووضوح
منو الغزالة تقف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح

حن يا قمر أوفى لي ميعادا …… منامي خاصمني و لي عادا
******
غمضة اجفانى طال بعادا ………وسال دمعي البقـالى عادا

أرجو من شوفتك الاعادا ……. جفاك شقا ونظرتك ســـعاده
*******

البدور ناظره ليك حساده …… ودون حلى تضوي خلقه ساده
والشعر في القديم تساده …….. والردف باقـــى ليك وسـاده

******
المحي اللمـــع تبـــــادا……….. كم عـــوازل حــــرق اكبادا
نوره فرم كلاى ابــــــادا ……….وكان هواك يبقى لي عـــباده
*******

ما الضمير الرنع تهادا ……… نظرته بى عيني زاد سهاده
يا نجم سالك الشهادة …….. كفاي عذاب وروحي طال جهادا

******
حزت شوقي الكتر ترادا …… وبالجمــال حــازت لانفرادا
تومة البــدر قلبي رادا …….وامـــــرى ســلمــته للاراده
*******
الشعور وأخر امــتدادا ……. مــع القـــديم اتصــل ودادا
والســـهام زايد اشــتدادا ……. جروحي هل تدرى بى عدادا
*******
ليك لحاظ ماسكه في القيادا …… ولى جروح ماشه في الزياده
أرجو من صاحب السياده …… قليـــل مـــراهم من العــــياده

زاهي في خدرو ما تكلم
إلا يوم كلموا و تكلم
حن قلبو و دمع سال
هف بي الشوق قال و قال
باهي كل ما قالو كلمة
خت كلمة كالنبال
لو تراهو .. في سماهو
النور كساهو الجمال
كنت تعلم .. كيف جهنم
تحرق الجنب الشمال الشمال
قالوا ليهو القطر تقدم
و كفرة نيرانا زي جهنم
حن قلبو و دمعوا سال
هف بي الشوق قال و قال
كلموه .. ألموه
علموه الإنفعال
أرخى سمعو
و أجرى دمعو
البرق سمعو .. كال وهال
كم تألم .. ما تكلم
إلا تمتم في المقال
في المقال
زي لسان الرضيع كليمو
كلامو جوهر .. و سط بسيمو
ياتو في الجوهر المقال
هف بي الشوق قال و قال
إيدو عندم .. ريقو زمزم
طهر مريم في المثال .. في المثال
صدرو رمان فيهو عايم
و طرفو ساهي و حزامو خاتم
و جسمو من نقش توبو شال
هف بي الشوق
قال و قال
قلبي دايرو كيف أسايرو
في مسايرو نجمي ضال
في عيونو و في سنونو
و من فنونو الموت حلال

خلي العيش حرام مادام أرى الموت يحل
مابين الرميش فوق للطريف الكحيل

هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
ولا لان إشتياقي وقلبي أصبح وجيل
واتمنت محاسنك روحي يلمع ده جيل
ولا من جمال يرفع لي قدرك يجل
يتمنى الهلال ينصاع لي قدميك حجل

ومن فوق لي الحسود لو كان غضب او قبل
ما بنخاف رصاص من غيرو تشفي السدل
بالحب كم غدير فينا وجريح منسبل
لاقينا الهلاك بي جرعة من سلسبيل

بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
يالمنك معار تكحل شويدن الخميل
علمت الغصون مع النسيم كيف تميل
مختارك يحاكي الشولة ودمعو الهميل
التختارو لينا لاشك جميل ياجميل

القطار المر
فيه مر حبيبي
بالعلى ما مر
يا الشلت مريودي
في الرصيف مستني
وللثواني احاسب
امتى يظهر نورو
الليه ديمة اراقب
القى فيه هناى
يلقى فيني هناهو
ننسجم لريدنا
الكان يا مريودي

الاشرجي تراه
للاشارة اداهو
فتحوا السنفور
لمروره براهو
قلبي زاد خفقانه
و زاد كمان في ولاه
للحبيب الماري
الليهو زاد شوقي
القطار يتهادى
حل في وادينا
يلا نجري نشوفه
المن زمان ناسينا
في السلامة سلامة
اه انا الجنيتها
في المحطة بكيتها
يا القطار تدشدش
يا الشلت مريودي

يا غصن الرياض المايد
يا الناحِلني هجرك وانت ناضر وزايد
جافينى ليك أنا رايد

يا غصن الريد المايد
ما اظن عن غرامك لو اموت لا احايد
سهران ليلى طايل و العينين صحت ما جايد
تعبان قصدى ليمك انت ناضر و زايد
جافيتنى ليك انا رايد

فى الجيل يا الجمالك سائد
عينيك ليك جنود وانت ليهن قائد
يا النافر جفيتنى بنظره … لى ماك عايد
شوفتك زى هلال العيد وفيه اعايد

انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم وتبين مصايب وجدايد
حن يا حبيب كفاى مر العذاب وشدايد

يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد

عانيت فى ليالى هواك صنوف واحايد
مشكلة بين هواى وجفاك وانت محايد
بس ما ذنبى غير صوت النشيد ونشايد
فى مدحك بنيت قصر الرشيد الشايد

من بف نفسك يا القطار ورزيم صدرك قلبى طار وين الحبيب
انت شلتو جيبو يا القطار
كم غربت من قريب وكم قربت من غريب
ما خليت لى نصيب غير البكا والنحيب
جوفك ياكل اللهيب وان جوفى بياكلو اللهيب
من بعده غصنى الرطيب من غير شك اصبح شحيب
كم كم كم سريت خليل وفرقت خليل من خليل
واجريت دمعى البسيل وابليت ثوب جسمى الجميل
قلبك اقوى من الحديد اجبر من قلب اليزيد
كل ما اتخيل صفير من جوفى يزداد زفير
ليت جناحى الكسير لى حبيبى يقدر يطير
يا حليل شخصو العظيم يا حليل محيو الوسيم
يا حليل قلبو الرحيم السافر سكن الدويم
تجرى شمالا يمين قلبك قط ما بلين
عيشتى عيشة السجين انا من غير خدو الاسيل
انا ما داير السفر لكن نفذ القدر
ايه سبب لى الكدر غير عجلاتك يا القطار