بنغنى لود القبايل سيد الرأي والفهم …
اخوك يا آم سماح ولدا” راسي آصم ….
*******
حد ما نشكرو نغنى فيهو نقول ….
ما بنوفيهو حقو الوصفو فات القول ….
اب عرقا” مصل صافى ما مصقول …
ذى الجمروهو من دهب شنقول …..
******
بصدق فى الكلام حاشه ما كذاب ….
والعشمانو قاصدو بلقاهو فاتح الباب …
بوجهو الصبوح يقابل بالترحاب ….
دارا” للعشيرة وللخصيم مضراب ….
******
تمساح اب كريك الحجر العوام …
كان ربط العجاج ذى القدر صدام …
ما برجع وراء بنجـــارا لقدام …
ذى بحر الدميرة الفاض علا الهدام ….

دراما سودانية .. اخلاص وشكسبير – بتاع الخرد

وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طول(ت) في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو النفس يا ولدي تنشال في الايدين انا كت برسلا ليك
في لوري الخزين

أكتب لي يا غالي الحروف
واحكي لي ياما الدنيا نوره وفرحتها
صارت بلاك غيمة شتاء
تنسج طيوف وتجيب طيوف
والشوق جدار بيناتنا يحجب بهجتها
يا سكة الزول البعيد يا حليله لما اتوارا غاب
خليته يمشي وفي العيون دمعات الم ودمعات عذاب
أتمني وعده يكون حقيقة وعهده ما خدعة سراب
أتمني في لهفة محب شال الصبر لما الصبر في قلبه داب
ارحل قطار ويعود قطار
وأصبح الليل الغريب طلت نهار ويجيني منك إنا بس خطاب
اكتب لي حتي الناس تقيف لما يفوته أقول اسلم للجميع
خايف يبين خاطري الكسيح ارجع براي اشقي الدموع
قلباً سقاك موسم حنان موسم فرح موسم ربيع
ياريت تشوف انا كلما تنعس شموع بوقد شموع وأفضل أتوه عبر البلاد
يا رب متين وقت الرجوع
اكتب لي خلي النار تموت والهم يفوت
انا غير حروفك افقد الدنيا وأضيع
أكتب لي يا غالي الحروف

مالك الزاكي يتحدث عن معهد القرش واللجان التي تناوبت على إدارته .. وأشار في معرض حديثه ان حكومة الانقاذ هي افضل حكومة حكمت السودان.

اشاد الاستاذ حاج ماجد سوار بالجالية السودانية في المهجر وشكرهم على تمسكهم بالعادات والتقاليد السودانية الاصيلة وتربية ابنائهم عليها
واوضح ان الجالية السودانية هي الافضل في المملكة العربية السعودية .

حلائب ضمن دوائر انتخابات السودان للعام 2015 م

دخلوها وصقيرها حام انا ليهم بقول كلام

سم اب درق الجرادى تكل الجدرى البعادى
للخصيم ضربو بياذى موسى المر الحجازى

دخلوها وصقيرها حام انا ليهم بقول كلام

قرقر ملا للوسادة برنو و شال لى مكادة
ديل جنياتنا الندادة سيد الدار فى السيادة
قرقر فوق للدرب و ربط الهوي و الشرق
كدى ميزو لينا الضرب و ديل جنياتنا ما بتتغلب

دخلوها وصقيرها حام انا ليهم بقول كلام

عامر سوقك مبدر مجرجر توبك مسدر
الطيب للشر مقدر مر كالتكل المجدر

دخلوها وصقيرها حام انا ليهم بقول كلام

انا نميت جبت قلبو فشلو القالو قصو دربو
ديل رازوه و قصو دربو دق السندالة قلبو

دخلوها وصقيرها حام انا ليهم بقول كلام

عبد الدايم شك تيلو من ولدوه الشكره هيلو
الخصيم ما بجيلو صوتو بهدي قبيلو

انا ليهم بقول كلام دخلوها وصقيرها حام انا ليهم بقول كلام

عبد الدايم معاهو اخوانو
ضربو البلا فى بكانو
وكت رماهم قنعو قامو
الصف العمر زحامو
هو مستعد لى لطامو

انا ليهم بقول كلام دخلوها وصقيرها حام انا ليهم بقول كلام

انا نميت جبت غناكم يا البيينين ( يا الزينين ) هوي براكم
البدوركم تراكم حلق الطير لى غداكم
الصف العامر يرجاكم ؟
اتباشرو لى بلاكم و اركزو زينب وراكم

انا ليهم بقول كلام دخلوها وصقيرها حام انا ليهم بقول كلام

الخوجال .. اغنيه خاصه تم تسجيلها بقناة الشروق في برنامج مع محمود.. كلمات الشاعر الطيب الجعلي ابو سماح

يمه كان الليل طواكى غشى دمعك بنجومو
شيلى صبرك من عزيمتك واندهى الجنيات ينومو
حجي صاحيهم حكاوى عن زمن كان ليلو ضاوى
وعن زمانا فيه نحلم .. نبكى نضحك بالتساوى
لو حرد واحد عشاهو يحردو الباقين يصومو
قبل يصحه الليل تعالى شيلى غفطانك غنايه
فرى خيمه وابقى غيمه
نادى كل سحابه جايه
امسحى دموع التعابه وعمقى جزورا قضايه
واحزرى الدبيان جناتك يمه بلليل لايحومو
الفرح لومن قليبك انقلع من جوه عنوه
خلى عزمك يبقه شعله
وزيدى يمه سبات وقوه
قطعى الشوق المسافر
بين ضلوعك غنوه غنوه
همك الجواك دا آيمه الله مابدومو

ﻓﻜﺮﻱ ﻣﺸﻐﻮﻝ بصفية ﻭﺷﺎﻝ ﺍﻟﻨﻮﻡ ﻣﻦ ﻋﻴﻨﻴﺎ ﻭﺍﻟﻘﻤﺮ ﺷﺎﻑ ﺍﻟﻌﻠﻴﺎ ﻧﺰﻝ ﺍﺳﺎﻝ ﻣﻴﻦ ﺩﻱ ﻫﻴﺎ ﻭﺍﻟﺰﻫﺮ ﺍﺩﻱ ﺍﻟﺘﺤﻴﺔ ﻭﺍﻟﻔﺮﺍﺵ ﺣﺎﻡ ﺣﻮﻟﻴﺎ ﺟﻨﺎﺣﻮ ﺻﻔﻖ ﻛﺪﺭﺍﻭﻳﺔ…..ﻛﺪﺭﺍﻭﻳﺔ ﻣﺎ ﺣﺮﺍﻡ ﻣﻨﻚ ﺍﺯﻳﺎ ﻭﻣﺎ ﺣﺮﺍﻡ ﺍﻧﺖ ﺍﻻﺯﻳﺎ ﻭﺍﻧﺖ ﺍﻗﺮﺏ ﺯﻭﻝ ﺍﻟﻴﺎ ﺑﺸﻜﻲ ﻟﻴﻚ ﻣﺮ ﺍﻟﺸﻜﻴﺎ ﻭﺍﻟﻘﻠﻴﺐ ﻧﻴﺮﺍﻧﻮ ﺣﻴﺔ ﻭﺍﻟﻌﻴﻮﻥ ﺩﺍﻳﻤﺎ ﻣﻠﻴﺔ ﻭﺍﻟﻤﻨﺎﻡ ﻓﺎﺭﻕ ﻋﻴﻨﺎ ﺍﻟﻠﻪ ﻟﻲ ﺭﻭﺣﻲ ﺍﻟﻮﻓﻴﺔ ﺷﺎﻳﻠﺔ ﺭﻳﺪﻙ ﻭﺍﻻﺳﻴﺔ ﻣﺎ ﺑﺘﺤﻦ ﻣﺮﺓ ﻭﺗﺮﺿﻴﺎ ﻗﺎﻳﻠﻪ ﺍﻳﻪ ﺍﻟﺪﻧﻴﺎ ﻓﻴﻬﺎ ﺍﻟﺪﻧﻴﺎ ﺭﺍﻳﺤﺔ ﻓﺎﻳﺘﺔ ﺭﺍﻳﺤﻪ ﻻ ﺩﺍﻳﻤﺔ ﻟﻴﻚ ﻭﻻ ﺩﺍﻳﻤﺔ ﻟﻴﺎ ﻳﺎ ﻃﻴﻮﺭ ﺍﻟﺮﻳﺪ ﻱ ﻗﻤﺮﻳﻪ ﻭﺻﻔﻮﻙ ﺩﺍﻳﻤﺎ ﻭﻓﻴﺔ ﻃﻴﺮﻱ ﺷﻴﻠﻲ ﻣﻌﺎﻙ ﻭﺻﻴﺔ ﻭﺩﻱ ﻟﻠﻜﺪﺭﻭ ﺍﻟﺘﺤﻴﺔ ﺗﻠﻘﻲ ﺯﻭﻝ ﻧﺎﻳﺮ ﺍﻟﻤﺤﻴﺔ ﻭﺍﻟﺒﺴﻴﻢ ﺑﺮﻕ ﺍﻟﻌﺸﻴﺔ ﻭﺍﻟﻌﻴﻮﻥ ﻭﻫﺞ ﺍﻟﻬﺪﻳﺔ ﻭﺍﻟﺨﺪﻭﺩ ﻛﻴﻒ ﺑﻠﻮﺭﻳﻪ ﻗﻮﻟﻲ ﻟﻴﻬﻮ ﺑﺤﻨﻴﺔ ﺍﻟﺼﺪﻭﺩ ﺻﻌﺒﺎﻥ ﻋﻠﻴﺎ ﺗﻬﻮﻥ ﻋﻠﻴﻚ ﺍﻟﺮﻭﺡ ﺿﺤﻴﺔ ﻗﺎﻳﻠﺔ ﺍﻳﻪ ﺍﻟﺪﻧﻴﺎ ﻓﻴﻬﺎ ﺍﻟﺪﻧﻴﺎ ﺭﺍﻳﺤﺔ ﻓﺎﻳﺘﺔ ﺭﺍﻳﺤﺔ ﻻ ﺩﺍﻳﻤﻪ ﻟﻴﻚ ﻻ ﺩﺍﻳﻤﺔ ﻟﻴﺎ ﺍﻧﺖ ﻱ ﻃﻴﺐ ﺍﻻﻗﺎﺣﻲ ﻑ ﺍﻟﻤﺴﺎﻳﺎﻙ ﻭﺍﻟﺼﺒﺎﺡ ﺭﻭﺣﻲ ﺭﺍﺣﺘﻲ ﻭﺭﻭﺍﺣﻲ ﻻ ﺑﺘﺤﺲ ﻳﻮﻡ ﺑﺠﺮﺍﺣﻲ ﻭﻻ ﻧﺘﻘﻮﻝ ﺍﻩ ﻣﻦ ﻧﻮﺍﺣﻲ ﻳﺎ ﺍﻟﻌﺎﻣﻠﺔ ﻫﺠﺮﻙ ﻟﻴﻜﻴﺎ ﻟﻴﺎ ﻟﺸﻨﻮ ﻛﻴﺎ ﻟﻴﻪ ﻛﻴﺎ ﻗﺎﻳﻠﺔ ﺍﻳﻪ ﺍﻟﺪﻧﻴﺎ ﻓﻴﻬﺎ ﺍﻟﺪﻧﻴﺎ ﺭﺍﻳﺤﺔ ﻓﺎﻳﺘﺔ ﺭﺍﻳﺤﺔ ﻻ ﺩﺍﻳﻤﺔ ﻟﻴﻚ ﻭﻻ ﺩﺍﻳﻤﺔ ﻟﻴﺎ ﻛﺪﺭﺍﻭﻳﺔ ….ﻛﺪﺭﺍﻭﻳﺔ

الآلاف درجن ولدا نجيض ماك ني
البجرجر فى ام صقير وحدي
********
غنى وشكري يا اختو يا ريا
تمساح الكوانى الضارب الليه
سمعنا لنا خبرا في الهلالية
خمستاشر جواد سكن سبعماية
*******
من قومة الجهل ما خوفوك بى أخ
تور بقر الجواميس الرقادن لخ
نقرولو أم هبك الضربخانه يدخ
قرنك بفتح الهامه وبيمرق المخ
*******
أنا قولي ليك صحيح
ياركاب على شلق بنات الريح
ياجدرى النزيله الدم كرف في القيح
ادريس صاقعة التلوي المقابله السيح
*******
ما بيحركو الكشكيش
والقلب ان رجف ما بنفع الحريش
الجنيات وراك في الحلة آفة عيش
ود المقدره البيعزم على المافيش

قول الصدق  ..  نادر خضر

حفلة ليالي دبي .. حسين الصادق| آخر العنقود

اذا الخاطر سرح عنك تأكد انو راح ليكا هوّم فى رؤى الأحلام قريب منك سقت غيماتو واديكا لو خليتنى فى ضنك تلقى الروح تهيم بيكا قيمة عمرى تبدا لو انك رضيت احرس مرافيكا وامتع نظرى بى محياك كيف تشبع عيون فيكا يا المخلوق بلون الطيف اوصف فيكا اوصف كيف يا الحيرت اوصافي يا السر العيميق خافى بحر ما طالتو مرافئ وابلغ من وصف شاعر عشان تتخت فى قوافى منك تبتدى الريدة بعدك ريدة جد مافى