التصنيف: اغاني

جهاد مجدي- حفيدة عثمان حسين – خاطرك الغالي

دايماً أطيب خاطرك الغالي وأسامحك لو نسيت
ودعت من يهواه قلبي يقربك مهما نأيت
كم مرة كم حاول يفرق بينا حاسد أو عزول
كم مرة قالوا جنيت علي بدلت ضو أيامي ليل
لكني يانور العذاب أنا مابغير حبي قول
تلقاني دايما فى رجاك تلقاني فى حبك أصون
أسأل عليك الليل ونجموا وكل أنوار الصباح
و كل طائر في سماهوا في شريعتو الحب مباح
أسأل مشاعرك عن هوانا وليه حنانك لي راح
خليني في غاية الألم وحبي تزروه الرياح
حيران أسائل نفسى إيه كان السبب أصل الخصام يمكن يكون فى حقك إتلومت فى ساعة ملام
لكن دة ما معقول يكون أنا قلبى ليك حفظ الغرام
ما أظن من عرف الهوي يعرف عداوة مع السلام

ياطير يا ماشى لاهلنا
بسراع وصل رسائلنا
***
والشوق ما تنسى ياطاير لكل البسالك عنا
قول ليه على عهد مازلنا وما زلنا
ذكراهم انفاسنا ومشاغلنا
كيف حال بستانا وخمائلنا
ربوتنا ومجمع شمائلنا
***
انا فى انتظارك ياطاير على نارنا
وصل رسايل وعود بالبشاير
قبال تعود لازم تروح من تانى مره
ماتنسى زول فى الحله الا
سلم عليهو وتبوس ايديه

ليه بنهرب من مصيرنا ونقضى ايامنا في عذاب
ليه تقول لى انتهينا ونحن فى عز الشباب
نحن فى الأيام بقينا
قصة ما بتعرف نهاية
ابتدت ريدة ومحبة واصبحت فى ذاتها غاية
كنت تمنحنى السعادة
ولى تتفجر عطايا
ولما أغرق فى دموعى
تبكى من قلبك معايا
كنا فى ماضينا قوة
قوة تتحدى الصعاب
نقطع الليل المخيم ونمشى فى القفر اليباب
كنا للناس رمز طيبة
وكنا عنوان للشباب
وهسى تائهين لينا مدة نجرى من خلف السراب

تانى ما تقول إنتهينا
تنهى جيل ينظر الينا
بانى أماله وطموحه ومعتمد أبداً علينا
نحن قلب الدنيا ديه ونحن عز الدنيا بينا
تانى ما تقول إنتهينا
نحن يا دوب إبتدينا

ياجرح عزة هوانا
الساكنة فى حرف الكتابة
أصلو فى زمن الأسى
المشدود على وتر الكآبة
فى زمان الحرقة ..
والخوف ..والرتابة
إنكتم نبض الأغانى
وإنبهم حس المعانى
وإنجرح خاطر المهابة
************
جيتنى فى الزمن الأليم
وقلبى مثخن بى جراحات الهوى
وعمرى ضايع فى متاهات النعيم
فى دروب الغربة
لا تاب .. لا قِوى
كان عيونك فيهن الوصف القديم
معنى فى الحب .. إنطوى
وضاع معاك زمن الوسامة
وإختفى الفرح العلامة
الا يا حزن الملامة
من سنين دربك .. سلام

يا عازة الفراق بي طال .. وسال سيل الدموع هطّال
طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال
ارضي آمالي في إمحال
ومن الهم …بقيت في اوحال
بعدك عزه ساء الحال
منامي وصبري اضحى محال
حليل الناس وناسا
طريت أم در حليل ناسا
وكيف انساها واتناسا
ومفتون بي ظبي ناسا
ولع جوفي جمري الحي
ومابتطفيه آه واحي
ويازينه ربوع الحي
لدياركم يعود الحي
ياعازه الفراق بي طاااال

لن أحيد
أنا لست رعديدا ًيُكبل خطوه ثِقل الحديد
وهناك أسراب الضحايا الكادحون
العائدون مع الظلام من المصانع والحقول
ملؤوا الطريق
وعيونهم مجروحة الأغوار ذابلة البريق
يتهامسون
وسياط جلاد تسوق خطاهمو
ما تصنعون؟
يجلجل الصوت الرهيب
كأنه القدر اللعين
وتظل تفغر في الدجى المشؤوم أفواه السجون
ويغمغمون
نحن الشعوب الكادحون
وهناك قافلة تولول في متاهات الزمان
عمياء فاقدة المصير و بلا دليل
تمشى الملايين الحفاة العراة الجائعون مشردون
في السفح في دنيا المزابل والخرائب ينبشون
والمترفون الهانئون يقهقهون ويضحكون
يمزقون الليل في الحانات في دنيا الفتون
والجاز ملتهب يؤج حياله نهد وجيد
وموائد خضراء تطفح بالنبيذ و بالورود
لهب من الشهوات يجتاز المعالم و السدود
هل يسمعون ؟ صخب الرعود ؟
صخب الملايين الجياع يشق أسماع الوجود ؟
لا يسمعون !!!
في اللاشعور حياتهم فكأنهم صم الصخور
وغدا ًنعود
حتماً نعود
للقرية الغناء للكوخ الموشح بالورود
ونسير فوق جماجم الأسياد مرفوعي البنود
تزغرد الجارات
والأطفال ترقص و الصغار
والنخل و الصفصاف
والسيال زاهية الثمار
وسنابل القمح المنور في الحقول و في الديار
لا لن نحيد عن الكفاح
ستعود أفريقيا لنا
وتعود أنغام الصباح

يعني كيفن ما بريدك ……….مابراك شايفاهو ريدك في سلامي وفي كلامي وفي قليبي اشايلاه ايدك ..
كل كلمة ادور اقولها تبقى قاسية وقت اجيك …………
وانسى كل الدايير اقوله ومن عينيا اشوفها ريدتك ……….
وانتي عارفة البيا كلو وزي الماعليك ..
يا حليييييييييييييييل قلبي البيريدك
عارفة كل الفي قليبي الا بس يا حلوة احكيهو وانتي مالي المقاسمة لم افرح ولا ابكي
كم سنين في عمري عدو ولسة في دنياي اشكي ما خلااص ذوبني ريدك
وقلته للايام اسيبك يا سحابة الشوق تمري
قلبك الناسيني ديمة يمكن الايام تطريه .
الا شايفو بعدك انتي ناوياهو باقي عمري واصطفيت يا حلوة ريدك
عايني في عيني بتلقي الف كلمة بتقول بريدك حتى ايدي لم تسالمكفيهو ريد بتعرفو ايدك

جلستنا رايقه
وافكارنا فايقه
النيل امامنا
وساقيتنا سايقه
الليل الليل يا ليل
حلو المناظر
يا الليك بغازل
بخاف عليك
كلام العوازل
نسامنا نسم
وزهرنا اتبسم
ارواحنا واحده
ما اظن تتقسم
شادينا غنى
والبان اتنى
يا حلاة الساده
النسونا اهلنا

مامنى ياسيد الحروف مامني مامني

ولا حتى طوعت الظروف في صالحي شان نفضل سوا
واهديك جراحات الهوى
واسقيك ف كل لحظة خوف
مامني
مابنكر احساسي الجميل بروعتك
لكن كمان مابحتمل اسى لوعتك
انا ماجنيت كل الحصل انى اصطفيت
فكرك وطيبتك ورقتك
وده كلو من قلبي العطوف
مامنى يا سيد الحروف

فـــي الطــيـــف او فـي الصحـيــان
زورنـــي حبيــبــي انـــــا عـيـّــــان
مـــالــو لــو فــي بعـــض الاحــيـان
تســمــح لــي صحــواً اراك عَـيـَـان
تاخــد يــا حـبـيــب عـن حالي بيان
عسى تبقي قلوبنا في الغرام سيان
يا الفريد في حسنك وبهجة امدرمان
لي من شوفتك يـا حبيبـي زمـان
ديمة اساهر ونوم عينـي حرمـان
وانت بين اترابك في نعيـم وامـان
ديمـة اسـاهـر الى صيـحـة الاذان
اناجي خيال اشعاري والنجم والاوزان
انت وين يا البي حسنك وطننا مزان
انت تظهر وتمشي عني يا الاحزان
قبل حسنك ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان