يا رمال حلتنا زولا كان بيأنسك يا حليلو
يا حليلو
فات رحل من بلدو
روّح روّح ولا روّح
روّح
وفاتو لي دار ما ها هيلو
ما ها هيلو
يا حليلو الكان بيطلع ينزل ومرة يطلع
ينزل ومرة يشرب من سبيلو
ومرة يترنم يحاكي حسه يرزم فوق نخيلو
الرمال تشكي وتعاتبو تبكي منو وتشتكيلو
تقولو ليه خليتني فتّا والسمر فتش بديلو
الليلة يبكي دموعو سايلي نازلي ما بسرك حويلو
يبكي مطرتش مودر متلفت فاقد دليلو
فقد دليلو
فاقداً لي إيدو يمسك يوري لي ضلو ومقيلو
وفاقداً لي دموعو يمسح ليهو يرتي وقت يسيلو
ينظر القمر المنور راح شعاعو مغطى نيلو
ينتشي ويعزف ربابتو لحن ما موجود مثيلو
يا سلام لو كان رجعلك يا بلدنا الهم يزيلو
يسمع القمرى المغرد ينسى حزنو مع هديلو
