التصنيف: اغاني

يوم قسموك يا هم

كتبوا عليك اسمي

لو كان رووك بالدم

يا هم رووك دمي

انا لو رضيت بالهم

مابرضى بي همي

حباني يا أهلي

يا من تعزوني

في الدنيا خاب أملي

في حظي عزوني

أنا لو يحين أجلي

ما تبكوا هنوني

يوم السعادة تفوت

يا ناس تخليني

بين الحياة والموت

يا السعادة زوريني

لو أمروها بالجبروت

السعادة ما بتجيني

عقلي انشغل بهواك والحكمة
عيني لجة ومجافية النوم
يا رب تعيني
هاك بعض حالي البي روقي اسمعيني
شاكي الغرام ما لقيت لي من معيني
لو كان كلام في الطيف مرة اسمعيني
خليني اصلى النار في هواك دعيني
فوق اللي جاري علي لا تجرديني
ثوب الغرام ودوام عنه انشديني
طايع مريد لقساك باهي اليديني
ما اخترت غانية سواك و حق ديني

مهما يلاقي عذاب قلبي السجيني
ومهما يزيد ويفيض همي ويجيني
لو كان يزور الطيف مرة ويجيني
تلبس حظوظي السود ثوب اللجيني

من يوم رماني سنان لحظك سنيني
محق علي نومي ومحق سنيني
اصبحت كل صباح يزداد انيني
كالبلبل المفرود يا مي حنيني

دائما تكيلي غرامك ما بتكيني
فوق لا اطيق من هجر تكلفيني
دائما تزيدي علي دائي الدفين
لمتين تراعي لحالتي وتنصفيني

لو كان قليل تبرى الشجن
أعرف صفا الأيام أفيقن
أنظر جمال تلك الوجن
دولات صدودك ماوعن
ألامى وبى اتدرعن
أبكى واصيح متضرعاً
يا ناس دموع عينى ترعاً
أرحمونى مارضنى الظعن
أمالى جور لى قاطعن
أحشاي هديل أتقطعن
وبالفرقة نشابك طعن
يا منبع النور والفطن
يا الفقتى يعرب والرطن
فى جوفى من حبك قطن
يا جاهلة مليون ألف طن
كيف أسلى عينيك والوجن
يالبسمتك نور الدجن
جسمك حرير ناسجة العجن
ناضر وباللون انعجن
الضاوية زى خديك من
فى الدنيا يا نور الزمن
أرواح نسائمك لى رمن
نرجس مزج لى مسك اليمن
ما احلاك يا الجيدك شدن
يالعمرى فيك ضائع سدىً
انا عندى شوفتك يا اللدن
أحسن من الروح فى البدن
يا منبع الذوق آه يا من
حبك غرز فى الجوف كمن
يا غالية قط ما ليك تمن
إن هب او جار الزمن
ليك السلام ما ولعن
خديك بالنور يلمعن
وعدد النجوم ما يطلعن
يرضيك وبيك لى يجمعن

[i]الليلة جيت شايل الفرح
قصدك تعوضني الفات
اديتني حنية عيون
ما لقيتها في اقرب صلات
اديتني احساس بعمر
حاضنو الربيع ونسايمو جات
يوم كنا في جلستنا ديك
نحكي ونعيد الزكريات

ما تشيل مع الحنية هم
وتخاف من الايام تدور
وتخاف يغيرني الزمن
واعبر بدون عينيك بحور
انا روح بتعرف عزتك
زيك كمان صادق شعور
وانا بيك منورة دنيتي
ذي ليلة هالي عليها نور

خليتني ليه عشت الشقى
قبال اعرفك من زمان
كم مرة لاقيتك انا
ولمحت ليك بالريد كمان
من بدري ليه ما قلت لي
انا قلبي ليك مليان حنان
وبالريد كمان صارحتني
يوم كان بيتوهني الزمان

يا نسيم قول للأزاهر
نامت الناس وانا ساهر

قلبي ذاب للكلموني
الحبايب ظلموني
ليتهم لو انصفوني
في منامي يحلّموني

كل إنسان بي حبيبو
إلا قلبي زاد لهيبو
إنت عارف ايه يصيبو
هل يصح ترجع تسيبو

النجوم راح ليلا ولى
والصباح عاد واستهل
شلتوا نومي صبري قلّ
زورني مره في المحلّ

يا حبايب يا خي الليله
رؤيه ناعسه وكحيله
السعاده يا حليله
واشكر ام در الجميله

للسمار وهبت حبي
والخضار سلبني قلبي
والصفار دائي وطبي
ليتهم لو كانوا قربي

الغرام ده هو هو
من زمن آدم وحوه
السكن في قلبي جوه
اعرفوه مين ده هو

يا شعبا تسامي للشاعر محجوب شريف
يا شعبا تسامي…..
ياهذا الهمام
تفج الدنيا ياما
و تطلع من زحامها
زي بدر التمام
تدي النخلة طولها
والغابات طبولها
والايام فصولها
والبذرة الغمام
***
قدرك عالي قدرك
ياسامي المقام
ياملهم
رماحك سناها الصدام
ام در والطوابي
في صدرك وسام
ملامح
كم تسامح
تغضب لا تلام
***همه وعبقرية
ذمة وفنجرية
ضد العنصرية
و تحلم بالسلام
***
فداك وفي حواك
يامدد الكلام
عفوك انت ورضاكا
و برنا ليك تام
و بحلم في هواك
بي حسن الختام
دينك كم علينا
منك والدينا
واجمل ما لدينا
من يوم السماية
ومن قبل الفطام
منك كل حتة
في الخاطر صبابة
جنبك نبتة نبتة
نكبر نحن يابا
نسألك انت
وانت
ورينا الاجابة
علمنا الرماية
والحجي والقراية
والمشي بي مهابة
في الضحي والظلام

أغنيات فى شفاه الحب غنّاها الجمال

والمنى يا روح قلبى ليس يفنيه الدلال

أغرقتنى بين أمواج المنى

والمنى شطّ على بحر الغرام

وسقتنى خمر أعناب الهنا

والهنا كأس وهمس وإنسجام

علمتنى كيف أنسى من أنا

وأنا لفظ حرام فى الهيام

يا سقاة الكأس من عهد الرشيد

ما لكاسى ظمئاً أبدا وحيد

ونديمى

قد سرى نجما مع الأفق البعيد

حطم الكأس وولى

وانطفأ نجم تلألأ

وغدت

تبكى على شفتيّ أصداء النشيد

ليل وخمر وشفاه

هنّ للقلب لظاه

هنّ إكسير الحياة

شعرها ليل تموّج

صدرها الوثّاب هودج

شفةٌ عطشى .. وأخرى هى كأسُ

خمرها نار وجمرة

ليتنى لو ذقتها فى العمر مرة

كفايه كفايه
دى كانت حكايه
اطول من ليالى
ما ليها نهايه
ياما شفنا فيها الويل والشجن
وسهاد الليالى وعذاب الزمن
انا ضيعت عمرى وشبابك تمن
بعيونى المساهره
عيونك بكن
غلطتنا برانا
كانت فى البدايه
كفايه كفايه
ما بقدر افارقك إنت شريك حياتى
إنت حبيبى إنت الروح وذاتى
فى الدنيا اليفى وباكر فى مماتى
تبقى الذكرى بعدك وتخلد حياتى
الماضى النيستو واليوم فى البدايه
كفايه كفايه
كفايه عواطفك وحنانك على
إن حسيت بحالى دمعك فى عيني
داير بس اشوفك اسعد زول وراى
كفايه كفايه

ياناس بريدها وهالكني ريدها دي زينة البنات
حبيت جمالها وذوقها وكمالهادي زينة البنات
اسراني مالها مع إني مالها دي زينة البنات
غادة الوسيمة الحلوة وإسيمها دي زينة البنات
ظاهر بسيمها ويسبي رسيمها دي زينة البنات
رقة وحضارة وبسمة ونضارة دي زينة البنات
في اللون خضار السندس خضارها دي زينة البنات معقول في بنت زي دي ؛ تبقى وجع وجع عديل كده

اندب حظي أم امالى دهري قصدني مالو ومالي

شوف الخيره يارمالى أظن كاتبني عند عمالي
عارض يعترض اعمالى أبنى وأملى ما تمالي

لا تقول ضعت من اهمالى أنا عامل الحزم رأس مالي
بس ايامى ما باسمالى همومي الزايدة متقاسمالى

بين الناس حميدة افعالى أصلى من الجناب العالي
حبك وحبي مانافعالى يوم ينعوني لا تنعالى

قلبي المن الوساوس خالي اليوم انشغل ياخالى
لو كان في اللحد ادخالى أحلى من العذاب ياخالى

دوام آيات محاسنك تالي زيد في هجري لا ترتالى
مقسم عن هواك ما سالى طرفك بالهلاك أفتى لي

حبك كاتمه زاد انحالى من فرطه الدموع فاضحالى
الشاقنى و مغير حالي حسنك واللهيج الحالي

هاك شكواي لو تصغالى العدو حن لي رقا لى
سهران والدموع راشقالى و حياة حبي ليك يا غالى

تمساح جزاير الكرد
بتقضي الغرض
انت بتشيل بوقت
ما متلك ولد
*******
غني وشكريه يا أم وريداً حز
بحر الاتبراوي الساقي الرجال بالنز
العشاما بتجيك انت ليهن حد
غرضي إن ما انقضي خلي دار جعل تنهد
******
غني وشكريه يا أم ضميراً فوم
بحر الاتبراوي الشقق جبال الروم
من قومة الجهل ما قدل فوق لوم
في بربر هناك أبو البشير مفهوم
******
غني وشكريه يا شمعة القنديل
من قومة الجهل ماهو التليفه عوير
الأسد إن نتر طارد النمر والفيل
عرش يا أب كريق علي البماثلو قليل

مهما فيك طولت صابر
يا سنين عمرى الشقية
ومهما طال فيك حظى عاثر
وذوبت عمرى الاسية
ما بقول انا راح أوانى
عارفو ببسم لى زمانى
وسعدى برجع ليا تانى
بالامانى السندسية
بالامانى السندسية
بكرة بصبح ذكريات
حالى داك الكنت فيهو
تملا آمالى العراض
كل درباً اقـتـفيهو
بكرة تجمعنى الظلال
بى عزيزاً اصطفيهو
ترجع ايامى النضيرة
بى لياليها الهنية
وسعدى برجع ليا تانى
بالامانى السندسية
اصلى من فيض العواطف
ديمة أسراني المحنة
وكل مناى ترتاح حروفى
فى فؤاد طاوياهو انة
لا فؤادى يشيل عداوة
لا شقاوة ولا مظنة
اصلى يا روحى الصفية
لسة حافظ للوصية
وسعدى برجع ليا تانى
بالامانى السندسية