التصنيف: اغاني

البتوحي الناس العيون ياحلاتن
هن أساس الريد والفتون
آآآآآه .. العيون الفيهن نعاس
هن أساس معنى الجناس
هن بثيرن في الناس حماس
هن بقودوا الزول للجنون
..هن أساس الريد والفتون
آآآآآه .. العيون البيض لو صفن
يجرحنك ويتلاصفن
مرة نظرن لي أوقفن
شالوا نومي وما أنصفن
..هن أساس الريد والفتون
آآآآآه ..العيون السود كاحلات
في دلالهن متهاملات
يجرحنك ما سائلات
يتركنك متجاهلات
..هن أساس الريد والفتون
البتوحي الناس العيون ياحلاتن
هن حياة الريد والفتون

قدم الفنان السوداني ورئيس إتحاد المهن الموسيقية عبدالقادر سالم وصلة غنائية برفقة فنان دولة جنوب السودان إيمانويل.

ودعا الفنانين عبدالقادر سالم والفنان إيمانويل وصلة غنائية تدعو للسلام بالسودان وجنوب السودان وذلك من خلال إحدي الحفلات والتي أقيمت بهولندا.

وكما هو موضح بالفيديو فقد ظهر الفنان عبدالقادر سالم وهو مرتدياً (الجلابية) السودانية الشهيرة ويحمل آلة العود علي يده, بينما ظهر الفنان الجنوب سوداني إيمانويل علي طريقة الغرب في الغناء عبر إرتداء (البنطلون)فقط.

وقد تحصل موقع النيلين علي هذا الفيديو الذي تم نشره علي صفحة النيلين بالفيسبوك وحقق زيارات عالية جداً بلإضافة لمشاركات وصل عددها لقرابة الف مشاركة لهذا الفيديو.

غريب وحيد
فى غربتو
حيران يكفكف دمعتو
حزنان يغالب لوعتو
ويتمنى …
بس لي أوبتو
طال بيهو الحنين
فاض بيهو الشجن
واقف يردد من زمن

بالله ..
يا الطير المهاجر للوطن
زمن الخريف
تطير بسراع
تطير ما تضيع زمن
اوعك تقيف
وتواصل حلق
في الصباح
تحت المطر
وسط الرياح
وكان تعب منك جناح
فى السرعه زيد
فى بلادنا ترتاح
ضل النخيل
أريح سكن

فوت بلاد ..
سيب بلاد ..
وان جيت بلاد
وتلقى فيها النيل
بيلمع فى الضلام
زى سيف مجوهر
بالنجوم من غير نظام
تنزل هناك وتحيى
يا طير باحترام
وتقول سلام …
وتعيد سلام
على نيل بلادنا
سلام
وشباب بلادنا
سلام
ونخيل بلادنا
سلام

بالله ياطير
قبل ما تشرب تمر
على بيت صغير
من بابو
من شباكو
بيلمع الف نور
تلقى الحبيبه
بتشتغل منديل حرير
لحبيب بعيد
تقيف لديها
وتبوس ايديها
وانقل اليها وفائي ليها
وحبى الاكيد

فى ليل الشجن والشوق
سألت عليك وناديتك
لقيتك فى السماء نجمة
لقيتك فى الصفاء نسمة
لقيتك فى الصبا كلمة
وناجيتك وما رديت

* * *
شكيت لي طيفك الأيام
وحدثتك حديث الروح
سألتك وين .. وين وكيف
هواك أوهام .. ووعدك زيف
وطول ايامى بلقاك طيف
وناجيتك وما رديت

* * *
سهرت مع ملاحم شوق
وفى احضانى نام الليل صحيتو
صحيت نجمة ترعى حبيب
وصحيت شمعة تشقى لهيب
تمنيت وأنت طيف ما تغيب
وناجيتك وأنت ما رديت

يا ماري عند الأصيل
وحدك بشاطئ النيل
صدقني شكلك جميل

يا ماري أجمل مرور
بين المرح والسرور
ما بين أغاني الطيور
تسمع حفيفك زهور
مع النسيم العليل

صدقني إنك وسيم
وسيم وكلك شعور
أرق من النسيم
رشاقه وخفة روح
جبين دوام مطروح
لو شافك المجروح
يطيب ولو كان عليل

يا ماري وحدك تعال
تعال بكأس الوصال
أسقيني خمر الدلال
على مروج الظلال
وبين مجاري الزلال
أسمعني نغم الدلال
سحر الطبيعه الحلال
يزيد جمال دري

اسير حسنك يا غالي
في ريدك كم بغالي
اشيل من طبعك انت
واصبح حالي حالي
يا عبير يانسمه هاشة
ويافرح مليان اعاشة
شيل سنيني وشيل
نداها وشيل معاك
كل البشاشة
قول لي الغيوم
لو تاني رحلت وين
بين ظلال عينينا ماشة
سر جمالك في عيونك
غيمة تحضني وتسافر
تملي كل دنياي فرحة
وتبقي بكرة امل لباكر
يا حلات دنياي جمبك
ويا حلاتك وانت نافر
مستحيل دنياي تبسم
اوتفرح مرتين
ما خلاص ادمنت ريدك
ولهتك عيني سنين
وريني لما يطول غيابك
والقي تاني الفرحة وين

ياحبيبي جفيت لي وصالي وودادي نفيت مالك
حارق فؤادي ومالفيت بي نظرة منك واكتفيت
مالك حبيب لو كان وفيت بي طيف خيالك واختفيت
يا المن دلالك مافضيت تعذيبي في حبك رضيت
سجلت نفسي وليك مضيت مملوكك أحكم ماقضيت
فوق للكواكب حق عليت غاب البدر وانت انجليت
مهما عظم خطبي وبليت بي حبك ازداد ماسليت
من نار هواك بيك التجيت ومنك التعطف ارتجيت
لو في الخيال لي مرة جيت كان ضاع أزاي وفي الحال نجيت
يادرتي الليك انتقيت غيرك بديل أنا مالقيت
بيك كم تعبت وكم شقيت ياليلى ليك أنا قيس بقيت
يا البي صدودك لي فنيت إيه النظر لو اعتنيت
أنا فيك كم آمال بنيت هاجرني ماذنبي الجنيت

الريـد جــوة قلـبـي بحـبك بدأ
يا طـيـبة حـياتي يا قطـر الندى
ما كـان في خـيالي تتنكـر كـدة
أيامـنا الجمــيلة لـيه بتنـكـدة
جربت هـواهم وقلـيـبي أنكـوى
تاريهم جـاروا ما صـانوا الهـوى
حاولت أسببك وأتنـاسى المــضى
أيامـك معــاي ساعـات الرضى
المكــتوب علي أنا قلـبي ارتضى
يا ريت الليالي عطـفه يعــوضي
الكلـمة الحنـينة مشـتاق اسـمعة
روحـي خلاص جفيتة الشوق لوعة
الدمـعات عـيونـي كيفن تمـنعة
وأنا شايف سنيني جـورك ضـيعة
يومي الشـفـتك أنت حسيت بالهنا
ضـويت لحـياتي شمــعاتي أنا
بعـد الحـب دة كلو يا اجمـل منا
ليه بكيتني تاني عاودت الضنا
جــربت هـواهم وقلـيبي أنكوى
تاريهم جـاروا ما صـانوا الهـوى

غريب الليـــله فــــي الحـــــلة
ودخــل في بيت قصــــاد بيتنا
مـــلاك يالله جـــــــانا جـــــديد
وهـــلا الليله يــــوم عيــــــدنا
سحــــــــر عينينا بخــــــــــطو
وخلــــــــى الناس تمييل نحو
جميـل مابقـــــــدر اوصفو ليكـ
بعيــــــد مابتــــاخد وصفـــــــو
نبــــــــع من درة مخــــــــزونه
وبقت فــــــي عيــــونا موزونه
جمـــــــال ماشفنا قبل اليوم
بســــــاوي الدنيا بظـــــــــرفو
لمــــــن جــــــــانا يتهــــــادى
تقـــــــول وزينه فـــــي قيــاده
وقفنــــــا جميــــع نصفق ليه
لانــــــه مـــــلاك وجــانا جديد
نحــــــاول نستـــدير عطــــفه