التصنيف: اغاني

لما شفت خطاك عدو في دروب ريدتنا راحو
قاسمت دنياك حزني وبانين الحسره ناحو
الرياض بجفاك جف شوفو كيف زهراتو صارو
خلي بعدك زول معذب طير مهيض مكسور جناحو
لا فرح في عصنو غرد لا الطيور شالت جراحو
مالو ريدك غدرو ظاهر والعيون بي فنو باحو
قلت مخدوع فيهو حبك ماني شايف غير سماحو
لما جاني الجاني منو الشجون لي استباحو

يا شجر بلدي وبيوتا
يا ربيع ما هان عليه يمر بساحاتنا ويفوتا
يا أماسينا الحبيبة وأمنيات صبحت قريبة
ويا مطر ساقي المرابيع الجديبة
يا ربيع في عُمري باسم
يا فرح كل المواسم
يا العيونك لما أرحل يبقو لي أجمل عواصم
ولو جفتني في يوم عيونك
من صدودن ماني خايف
وأصلي في عينيك شايف
رقصة الموج في الشواطي
وبهجة الناس في المصايف
والدراويش لما يغرقوا في الذكر
وذكري نبي الله الخدر

والعلاقة البين أناملك والقطايف
واتكاءات العصاري
ترعة الشوق في القماري
والخدار الدابو فرهد وشرّ في كل الصحاري
والشمس لامن تقيف بي عزة في الفاصل المداري

داوي ناري وإلتياعي
وتمهل في وداعي
يا حبيب الروح هب
لي بضع لحظات سراع
قف تأمل مغرب
العمر وإخفاء الشعاع
وأبكي جبار الليالي
هده طول الصراع
ما يهم الناس من
نجم على وشك الزماع
غاب من بعد
طلوعا وخبا بعد إلتماع
أه لو تقضي
الليالي لشتيت باجتماع
كم تمنيت وكم
من أمل مر الخداع
وقفة أقرأ فيها
لك أشعار الوداع
ساعة أغفر فيها
لك أجيال امتناع
يا مناجاتي وسري
وخيالي وابتداعي
تبعث السلوى وتنسي
الموت مهتوك القناع
دمعة الحزن التي
تسكبها فوق ذراعي
داوي ناري وإلتياعي
وتمهل في وداعي
يا حبيب الروح هب لي
بضع لحظات سراع

غاية الآمال

يا غاية الآمال لو دعاك الشوق
ماكان جفيتنا زمان وانت الحنان والذوق

في عالم الأشواق لو مره عشت معاي
وبلهفة العشاق حسيت معانى هواي
كان ياجميل حنيت ورددت لحن غناي
وسقيتني كأس الريد وعادت ليالي هناي

وريني ليه بتخاف تكتم عواطفك ليه
وحبك مع الأيام من قلبي ليك بحكيه
تبخل علي بلقاك وعطفك دوام تخفيه
وعطفك أمل قدرته عشت السنين راجيه

عارفك وديع ورزين أجمل ملاك في الكون
وعارف عفافك فطره لكن حنانك وين
مابصح وأنت قريب يكويني جمر البين
مادام قلوبنا أتلاقوا و أرواحنا قالت زين

نور بيتنا و شارع بيتنا يوم ما جيتنا
يالهليت فرحت قلوبنا إطريتنا الليلة وجيتنا
كنا فرشنا السكة ورود لو كلمتنا كان بالجية
خطوة عزيزة ويوم موعود الخلاك تطرانا شوية
تسال فينا وتجي حارتنا ودابة الفرحة الليلة غشتنا
الحظ الجانا غشى سكتنا جانا وجابك لينا هدية
يالهليت فرحت قلوبنا إطريتنا الليلة وجيتنا
شوف شتلاتك كيف نشوانا والفل فرهد فرحان في البيت
والريحان طربان يتمايل غازل زهرة وعاين ليك
كل البيت خليتو في فرحة ضحكه قلوب وقلوب منشرحة
جيت واكتملت بيك اللوحة تسلم سيرتك أهلاً بيك

حمام الوادي يا راحل
مع النسمه الفرايحيه
مع الياسمين عز الليل
تواصل رابيه منسيه
صغارك مشتهين ترجع
تضم العش بحنيه
مش حرام تسيبهم للريح
وعااارف القاسو ما شويه

تقول لي ماشي من بكره
مهاجر لي وطن تاني
مفااارق خضرة النيلين
وعشك فايتو وحداني
دا انت القلت ماااا بتفووت
وطن بالعزه رباني
اهداك جو تعيش فيهو
اهداك غيم تطير ليهو
جوه عيونو ختاني

بلادك حلوووه ارجع ليها
دار الغربه ما بترحم
تطوف بجناحك الوادي
تلقى الخضره تنسى الهم
بياض ورد الضفاف الزاهيه
ضمو عليكا واتنسسسسم
تعااااااااااااااااااااااااااااااال
لي اهلك الطيبين …
ملوك العززززه مااااا بتندم

انا السودان
انا امدرمان انا السودان
انا الدر البزبن بلدي
وانا البرعاك سلام وامان
انا البفداك ياولدي

انا امدرمان لسان حالك واريتك
تدري بحالي
انا القدرت احوالك
وحبك بدري اوحالي
اقوم باعظم الادوار
واكون الساحة للثوار
وابقي البقعة للاحر وامثل عزة السودان

انا امدرمان سليلة السيل
قسمت الليل وبنت صباح
انا الولدوني بالتهليل
وهلت فوقي غابة رماح
اناالطابية المقابلة النيل
وانا العافية البشد الحيل
انا القبة البتضوي الليل
وتهدي الناس
سلام وامان

انا امدرمان نصرت الدين
وكنت فداية للاسلام
وروحوحولي ناس صادقين
فناهم في حياتي غرام
وزانو المبدا ء والفكرة
وخلدو اعظم الذكري
ودخلو المدرسة الكبر ونالو شهادة الايمان

انا امدرمان انا الامة
وصوت الامة واحساسه
انا التاسئسه بي تم
وانا اللميت شتات ناسا
مزجت شمالا بجنوبا
وسكبت شروقا في غروبه
وزرعت الطيبة في دروبا
وطابت عزة للاوطان

انا امدرمان سقاني النيل
رحيف العزة من كاسو
انااللي مجدو كنت دليل
واية وحدة لناسو
انا الفي الشاطئ
الغربي
سقوط غردون مهر حربي
انالنيل الطلب قربي ومزج بين
كافة الالوان

انا امدرمان انا الواحة وري البسقي والعطشان
بروقي تضوي لواحة وتهدي الساري والضهبان
وردو وشد و فوقي الناس
زونادوبقية الاجناس
وللتعمير بقيت مقياس
للتقدير بقيت ميزان

انا امدرمان مهيرة الميس
اصيلة ومرسوني رجال
قلادتي القدرة والتقديس
وارادتي تسابق الاجال
اجلب فوق ربوع داري
ونفس تنافس اقداري
اريتم مسداري ويخلو زمامي للفرسان

انا امدرمان دا ميلادي
وتيلادي البشيل اسمي
انا القدمت اولادي
شرافة وسيف علي وسمي
وكنت القوة والحولة
وحزت وفزت بالجولة
وشلت الراية والدولة
وفي التاريخ
بقيت عنوان
انا امدرمان

أنا ما جاييك شايل أفراح تملأ الدنيا …
عطر الريحان شوق الحبان وأجمل غنيه…
………..
جايلك فرحان ….
الخطوة تسابق في الخطوة ….
والبسمه تغازل في النسمه…
والكلمه تناغم في الكلمه والدنيا هلال نور ظلمه….
أنا ما جاييك شايل أفراح تملأ الدنيا …
عطر الريحان شوق الحبان وأجمل غنيه…
………..
ما الريد بقا عمقي ووجداني حدثه تاني…
ما العمق العاسر بيباشر ناير وجدانه علي الآخر حدثه تاني ….
مابهمل المدلي ولا السادر…
عشنا صبابا محنه حبابا كمان وربابه…
………..
أنا ما جاييك شايل أفراح تملأ الدنيا …
عطر الريحان شوق الحبان وأجمل غنيه…
……..
قول للعاشقين نحنا الاحلي….
نبض الشريان نحلف صادقين عندنا اعلي…
وارواحنا طيور يادوبه خدور الكون تملاه ربه وعشرة …..
عقد الوجدان …. وافرح كلك …نادي الياسمين وافرح كلك
……………
أنا ما جاييك شايل أفراح تملأ الدنيا …
عطر الريحان شوق الحبان وأجمل غنيه…

جسمي المنحول
براهو جفاك يا مليح الزي

كيف حبي يحول
و فؤادي معاك يا زينة الحي
حلمك يا جميل أنا داني رحول
تركني هواك بين ميت و حي

كيف ليك وصول
سكونك فوق لسهيل و ثري
النوم من عيني ّ دوام مفصول
دموعي تلاقي و تزرف ري

الساحره عقول
دي بروق في غيم و لا در في لمي ّ
خدودك أم أزهار في حقول
سقاني غرامك صافي حمي ّ

الطرفو وقول
احور متناعس و طرفى صحىّ
تشوف فى قوامو المال مفقول
الظلمه شعور و القمره محىّ

أنا دمعي هطول
احن لي لماك و قاسي علي ّ
يصح في هواك تعذيبي يطول
البين اترابك لاهي خلي ّ

من ردفو كسول
بي عينو و جيدوا بيسبي ظبي ّ
بالشوق يا نسيم أبقى لي رسول
لو يعطف ثانيه .. يزيل البي

مسو نوركم شوفوا المن جبينة صباح
والصباح لو لاح لا فايدة فى المصباح
هل اتلك حديث الكوكب النطاح
قمرة تمطر خمرة حارسا الفضاح
لو تعيرنا محاسن شمس للايضاح
مابتعيرنا محاسن محيها الوضاح
نور جمالا دهشنا معشر الفصاح
بين ناطق صامت بين صامت صاح
غالية غالية محاسن فيها شوق يا صاح
الجمال الفيها..كل معنى صاح
نصدر الايات من نور على الالواح
المعانى الفرد وميتة الارواح
فى العيون المرد والسحر لاواح
تجلب الالباب ويفرح النواح
القوام اللادن والاريج الفاح
من جسيما الناعم الاسمر التفاح
خلا عقلى وخلا فى هواى كفاح
جيش هواها احتل قلعة الاصفاح
روضة غنى جمالا يجلب الافراح
حورا من الجنة تسقيك راح
كل هذا تراه ما بزيل اتراح
من بحبو تهانت واستراح وراح
ياليالى احبابى ما شفيتى جراح
بل شفيتى فؤادى ومدية الجراح
صرت اتلو حديثك فى الوجود بصراح
لو تليت بو كتابى سميت بالشراح
كم نظرنا مناظر يعلم الفتاح
لو قفلنا قلوبنا كانت تكون مفتاح
ادرى ام ما ادرى صرت كالمفتاح
لو رضاكى هلكنا للهلاك نرتاح
ما جنيت بهواى ما على جناح
ه شكيت للقمرى لو يعيرنى جناح
يكفيك لسانى الغنا فيك ليك وناح
لو رثيت بو حياتى ما زلت لى مناح.

يا قلبي المقتول امل.. عاصر دموع غنوه لي سيد البلد يا حليلو.. حليلو قال سايب البلد يا حليلو… كل العمر كان لحظه واحده نشوفو و الشوق يكتر يزيد… المغيب من لطفو من دلو الحبيب… من لونو من كرز المغيب… بي شفايفو زي ياقوت ندر… من شكله زي نص القمر… انت المثير مخلوق عشان احلي الصدور.. اشواقنا تتعطر تطير من نفحه من مجري العبير من لفته من جيلو النضير من نظره من جيلو المثير… بيهو القلوب كم تاتمر.. لو مره سيد الناس امر
بي نظره بتذوب حجر بي بسمه بتضوي العمر… يا حليييييلو
حليلو قال ناوي السفر يا حليلو كيف الوداع لامن يحين وقت السفر… اهديك زهور حشايا ان تمد الزهر اهديك حروف يا اجمل احرف في الدهر… اهديك حنااااااان ما قلبي عندك من زمان… و انا راجي عطفك و منتظر….
اهديك حروف ما قالا زول.. و ما اظن يقولها وراي بشر
اهديك عيوني، عشان استريح و الدنيا بعدك ما بتسر يا حليو

الاغنية من الفيلم الاماراتي حنين – أخراج محمد الطريفي

بتذكرك وقت الكلام يصبح صعب
والليل يودر في النعاس
وقت النجم يتلألأ زي عقد بيضوي عليهو ماس

وانا في المدائن الضايعة ضايع لي زمن
وغريب عيون سرحان علي الارض الغريبة
وبسأل الشوق عن وطن

انا بسأل الناس عن شوارعا فيها
تاتيتا ومشيت
وعن كلاما داير اقولو ….وقلتا فيهو يا ما غنيت وبكيت

وعن عيونك وكيف بتصبح فيها احلام الاماني
وكيفن بتصبح لهجة تانية مع الاغاني
انا والسفر خلاني اشتاق للسفر
لو ألقي لي خاطراً سمح ….
كان كلمة واحدة اقولها وتداوي الجرح….
كان مره في عينك انسي ….
ومره اقسي ….
ومره ياخدني النعاس….
وقت النجم يتلألأ زي عقدا بيضوي عليهو ماس

يا زمن وقف شويه واهدى لى لحظات هنيه
وبعدها شيل باقى عمرى شيل شبابي وشيل
عينيا
يا زمن ارحم حبايب لسه فى عمر الزهور
يا زمن جود عليهم بي دقايق قبل ما تعدى
وتمر
يا زمن وقف شويه واهدى لى لحظات هنيه
وبعدها شيل باقى عمرى شيل شبابي وشيل
عينيا
يا زمن رفقاً بحالى وبي حبيب عمرى المثالى
يا زمن
بي سعادتو وبي هناهو بي شرودى وانشغالى
بي احاسيسوا ومشاعرو وكل خاطر فيها خيالو
يازمن وقف شويه واهدى لي لحظات هنيه
وبعدها شيل باقلى عمرى شيل شبابي وشيل
عينيا اه يا عينيا
يازمن ماتبقي قاسي نحنا حققنا المحال
نحنا هدمنا وبنينا ونسجنا في الخيال الف حيله لي لقانا والف حيله للوصال
يا زمن انت جاى فى النهايه جاى ما عارف
البدايه
يا زمن جاى تجرى انتاما عارف عارف البدايه
الحكايه
بين حبايب عاشو فتره بين حبايب عاشوفتره
ومن لقاهم اسمي غايه
يا زمن وقف شويه واهدى لى لحظات هنيه
وبعدها شيل باقى عمرى شيل باقى عمرى
شيل شبابي وشيل عينيا اه يا عينيا…
يازمن ارحم حبايب لسه في عمر الزهور
يا زمن جود عليهم بي دقايق قبل ما تعدى
وتمر

الشينة منكورة
كلمات محمد الحافظ ابو زكرى
الحان العملاق بلال