التصنيف: اغاني

يا غيمة تظلل كل سمانا و نغمة جميلة بتحيا معانا
بداية الخير الشرف و جانا و نعمة من الله ملت دنيانا

يا منابع الريد الجوه محكر ريحة المطر الما بتاخر
كل الورد الفتح و ازهر و نحن معاك احلامنا بتكبر

يا صباح العيد القرب لينا جمال تاجوج الحلوه و حنينه
يا باقي الأمل العايش فينا بسمة تفرح دنيا حزينه

إنتي القمر الكامل طل شعاع النور الساطع هل
لوحة شوق فنان إتجل و رسم النسمة الجات من الله
إنتي يا تاجوج…………

في هواك ياجميل العذاب سراني علي عفافك دوم سيبني في هجراني
لمتين تطراني انظرك في النوم
من هواك سكراني
طرفي قصدو يراك وما قصدت تراني في بعادك اذاي وفي وصالك اماني
يادرر الحاني يا اذاي ودواي
ياراحي يا ريحاني
انت نايم وانا الم البعاد صحاني
حن علي دا غرامك والله كاد يمحاني
من ندي البستان تحكي بسمت فاهك وحسنك الفتان النسيم بالليل بي روايحك اتاني زاد علي الشوق دمعتي

لقيتو واقف منتظر
تشتاق عيوني لطلعتو
نفس الملامح والشبه
والمشية ذاتا وقدلتو
واللفتة والتوب والقوام
اوصاف حبيبي وروعته
لكنو يا قلبي الحنين
راجينا بي شوق السنين
لكنو آه يخلق من الشبه اربعين

من كم سنة
لا هو عارف ولا أنا
سايبني في بحر انتظار
ما عدى في ليلو الهنا
واعدني بي لحظات شجون
تشتاقا كل الأمكنة
أنا في مسار الشوق لقيت
ميعادو فرهد وانتنى

يا ربي جيت قبل الميعاد
وللا الزمن غفلني زاد
قصة يغيب ما اظن تكون
وما اظن تدور يوم في اعتقاد
جاييهو من مشوار بعيد
كايس عليهو بلاد بلاد
مرسالو لي دايماً بقول
ارجاهو في نفس الميعاد

انا ديمة يا أجمل ميعاد
راجيك وانت علي مطول
امشي واكوس في كل بيت
واسأل صحابو وكل زول
يقول لي هنا هسا كان
عنك بيسأل وليك بقول
ارجاه في نفس الميعاد
ما اظنو تاني عليك مطول

أبوى انشاء الله لي تسلم
ابوي يالطيب الانسان ويا دراق
سيوف الهم
حنين كلك سماحه وفال
وفيكا مهابة الابطال
والقلب الكبير يا يابه
فيهو براءة الاطفال
ملان حنيه يا يابه
واراده تفتت الصخره
وعامر ديمه بالإيمان
وزى الوادي فى الصحراء
تدل التائهه الطشه
وتبقى قداحه للضيفان
تعشى اللسه ما اتعشى
ابوى قادوس سواقى النيل
ونخلاتن تهش للدنيا شاربات
همبريب الليل
سديد رايك أبويا يا أب راي

ويالقلبك تملى معاي
ومهما اقول عليك من قول
ابوى ما بيوفي ليك غناي

انا فى شخصك بحترم أشخاص
وطبعآ عندي احترامك خاص
احترامي اليك من صميم قلبي
غير ما اشعر
اتفاني عليك والدليل حبي
تسمح تنظر
شوف دموع عيني
سايلة فى خدي
من لهيب الشوق برضو مافى خلاص
هكذا يا ظالم جزا الإخلاص
ذبت فى حبك والفؤاد مجروح
ما فضل منى شئ خلاف الروح
هكذا الاشواق تسمو بالعشاق
من ثري الاشباح لى سما الارواح
حيث تروى هناك للنجوم معناك
سابحة فى علياك طاهرة كالافلاك
انت أبهج نور من بدور الكمال
ساطعة فيك ايات من معاني الجمال
تجعل الفنان عبقريَ الخيال
لو نظم اشعار او عزف أوتار
تندهش أفكار والعقول تحتار
يا جميل ياما فى الجمال أسرار

مرسال الشوق يالكلك ذوق
أغشى الحبان في كل مكان
قليهم شفنا جبل مرة
وعشنا لحظات حب ومسرة
بين غيمة تغازل كل زهرة
وخيال رمانة على المجرى
مرسال الشوق…..
لوحة فنان تمحى الأحزان
صفرة وحمرة
زرقة وخضرة
وزحمة نضرة
زهر ريان نادي وبسام
بالحيل داير ريشة رسام
جيرانه جداول هيمامة
وصنوبرة نادية وريانة
وزمردة في صورة بانة
طرنا العزيرة العاجبانا
الدرنا تكون هس معانا
طرنا الحنينة العاجبانا
الدرنا تكون هس معانا
طرنا منانا العاجبانا
الدرنا تكون هس معانا
ونشوف بعيونا العاجبانا
وتتم الصورة الفنانة
ونقول ياربنا ياقادر
ياواهب كل الشي النادر
يالفنان أمرك صادر
تجمعنا كمان مرة ومرة
في وطنا الغالي جبل مرة

العيون النوركن بجهرا غير جمالكن مين السهرا
يا بدور القلعة وجوهرا
السيوف الحاظك تشهرا علي الفؤاد من بدري انهرا
اخفي ريدي مرة واجهرا نار غرامك ربك يقهرا
عالي صدرك لي خصرك ضرا في جوز رمان جل البرا
الخطيبة وردفك منبرا الشعور البسطل عنبرا
الصدير اعطافك فترا والنهيد باع فينا واشترا
الوضيب اقدامك سترا لقطيهو قلوبنا البعثرا
صيدة غيرك ايه الجسرا تستلم افكارنا وتأسرا
حال محاسنك مين الفسرا يا الثريا الفوق اهل الثرا
جارحة صالح كل ما يحضرا وفي مدينة الجوف ساكن الضرا
الرشيم والرشمة الخضرا زي فريع في موية منضرا
هل حبيبي نسي ام لي طرا يا ام شلوخا عشرة مسطرة
النسايم بالند عطرا ده الدفق لي دموعي ومطرا
حفلة يا ابو الحاج اتذكرا ورنة الصفارة اتفكرا
وهبة بي مزيكتو اتحكرا كم طرب افكارنا وسكرا
البدور النارت مسفرا قاصدة تشتري قلوبنا تسفرا
عبد الرحمن دمت بتظفرا بي نعيم وحظوظ متوفرا

لا وحبك لن تكون ابدا
نهاية
انت عارف نظرتك هي
البداية
ولن تغير حبنا السامي
وشاية
كنت من ايام تسأل عني
خلاني وصحابك
وكنت تنظر اصف حسنك
واستجلي شبابك
رحت تغريني بحنانك
ومره تأسرني بعتابك
وقلبي في الحالتين سقيتو
المر في جنة عذابك
حبنا اكبر من الدنيا واطول
من سنينها
فيهو من وطني المسالم
احلي طيبه واغلي زينه
وفيهو من حريتي معني
وغنوه من روحك حزينه
يسعد العاشق صداها
وتفرح الدنيا الحزينه
وبرضو يحصل تنسي حبي
في النهاية
لا وحبك لن تكون ابدا
نهاية

طول مفارق حيو يااخوانا كيف وازيو من يوم فراقوا ديارنا ماشفنا زي زي زيو زولا حنين زي زولناحبيب حنين زي زولناوالله ما بتخلا والحي مصيرو يلاقي طال الزمن او قلا كانت قلوبناتغني تغني تغني تغني لو جانا يوم او طلا يا حليلو شال افراحنا مسخ علينا الحله حرام عليك يا زمان تحرم قلوبنا جديدا عيونا يوم العيد ما تلقي نورا وعيدا حرام حرام حرام والبسمتو الضوايا والضحكه ديك والزيدا حرام حرام حرام طول فراقوا علينا وعارفينو ما بالايد متين متين يا الله يجينا اجمل ريد وهل بنولرو علينا هله قبائل العيد طول مفارق حيو يا اخوانا كيف وازيو من يوم فراقو ديارنا ما شفنا زي زي زيوا

ياعيوني ماقلتي من الريدة تبتي

شنو الوداكي تاني وجابك لي تبكي

**

نسيتي زمن دموعك وبحسنه إنبهرتي

أغراك بعيونو وبي لهجو وحنينو

ما قايلاه بظلم وترجعي تاني تبكي

**

قدر ما أوصي فيك وأزيدك في الوصية

أوعي كفاي عذاب وماتزيدي العليا

تجيني حزينة باكية وشايلة معاك أسية

ايه أعمل معاك ياعيني إنتي

**

أقول ليك ياحنينة الله عليك وليك

من ظلم البظلمه يوم ماحسو بيك

الجازاك أميرك وبقي دمعك سميرك

الريدة في دروبها ومسكينة انغلبتي

اقول انساك وعارف أني ما بقدر
ومهما قساك علي يطول يزيد شوقي في هواك اكتر
اسافر في العيون وأسأل وافتش جوة في اعماق والقاك عاطف تتفجر
يجني الماضي بالماضي واشوفك وانت كيف بادي بالشوق الاصلو ما بعادي
اعود من تاني اتذكر يجني الماضي بالماضي
حبك عشتو من أول من زمن بعيد طول
ما بقدر اسيب حبك اغيب عنك بعيد ارحل

ﻟﻮﺣﺖ… ﻟﻮّﺣﺖ ﺟﻨﺤﺎﺕ ﻋﻴﻮﻧﻚ ﻏﺎﺭﻗﺔ ﻓﻲ ﻋﺴﻞ ﺍﻟﻮﺳﺎﻣﺔ ﻭﺇﺑﺘﺪﺕ ﺻﺒﺢ ﺍﻟﻤﻮﺭّﺩ.. ﻗﺼﺔ ﺍﻟﺮﻏﺒﺔ ﺍﻟﺮﻋﻴﺸﺔ ﻗﺼّﺔ ﺑﻴﻦ ﻓﻨﺎﻥ ﻭﺭﻳﺸﺔ ﻭﺍﺑﺘﺴﺎﻣﺔ ﺻﺤّﻰ ﻋﻴﻨﻴﻚ ﻣﻦ ﻣﻨﺎﻣﺎ ﺻﺤّﻰ ﻋﻴﻨﻴﻚ ﺗﺼﺤﻰ ﺩﻧﻴﺎﻫﺎ ﻭﺗﺒﺪﻯ ﺭﺣﻠﺔ ﺣﻠﻢ ﻫﺎﺩﻱ ﻓﻲ ﺑﻼﺩ ﻟﻮﻧﻚ ﺿﻴﺎﻫﺎ ﻭﻧﻴﻼ ﺷﺎﺭﺏ ﻣﻦ ﺳﻤﺎﻫﺎ ﻭﻃﻴﺮﺍ ﺷﺎﺩﻱ ﻓﻲ ﺑﻼﺩ ﻟﻮﻧﻚ ﺿﻴﺎﻫﺎ ﻭﻧﻴﻼ ﻗﺎﺭﻥ ﻓﻲ ﺳﻤﺎﻫﺎ ﻭﻃﻴﺮﺍ ﺷﺎﺩﻱ ﺻﺤّﻰ ﻋﻴﻨﻴﻚ ﻣﻦ ﻣﻨﺎﻣﺎ ﺻﺤّﻰ ﻋﻴﻨﻴﻚ ﻳﻤﻜﻦ ﺃﻗﺪﺭ